INCRIBLE FOTO ESPACIAL

ISS062-E-98264 vv / eol.jsc.nasa.gov

A tripulación da expedición número 62 á Estación Espacial Internacional (ISS) capturou unha instantánea incrible: unha aurora boreal xunto cunha luminiscencia nocturna, dous fenómenos da atmosfera terrestre nunha soa imaxe. A foto foi tomada o 16 de marzo, cando a ISS voaba ao sur da península de Alaska, mentres as partículas da atmosfera superior interactuaban de diferentes maneiras, segundo indican desde a NASA.

A aurora é o que máis resalta na foto: en verde brillante con puntos vermellos na zona esquerda, trátase dun fenómeno que se produce cando as partículas cargadas do vento solar golpean a magnetosfera da Terra, unha sorte de capa protectora. Mesturadas con gases atmosféricos, como osíxeno e nitróxeno, as partículas crean esas cores verdosas tan vistosos. En canto aos puntos vermellos, trátase do exceso de enerxía que liberan os átomos de osíxeno estimulados pola potencia do vento solar.

O outro fenómeno é a banda de luz amarelo e vermello que se pode observar á  deracha da imaxe. Coñecido como «airglow» ou luminiscencia nocturna, trátase de emisións de luz causadas pola reestruturación de átomos en forma de moléculas que foran ionizadas pola luz solar durante o día, ou por raios cósmicos. É dicir, o osíxeno que se descompuxo durante o día recombínase e libera a súa enerxía extra como fotóns durante a noite.

As moléculas de nitróxeno e as reaccións entre o nitróxeno e o osíxeno tamén contribúen a este brillo. Os fotóns liberados neste caso aparecen verdes, como nesta imaxe, pero o amarelo ás veces ocorre nunha capa inferior (ao redor de 80 a 100 quilómetros sobre a superficie da Terra). Os meteoritos rompen nesta capa da atmosfera e liberan átomos de sodio no aire, por iso é polo que se lle chama acertadamente capa de sodio; os átomos de sodio crean un resplandor amarelo.

Por outra banda, o sol detrás da Terra fai que o bordo do planeta pareza azul escuro. Isto ocorre pola mesma razón pola que o ceo é azul durante o día: cando a luz solar incide nas moléculas da nosa atmosfera, a luz azul (unha das lonxitudes de onda máis curtas) dispérsase, mentres que a luz doutras cores déixase pasar. Unha instantánea máxica que nos lembra os marabillosos fenómenos que se producen nas capas máis altas do noso mundo.

FONTE: abc.es/ciencia