DESCOBREN UN NOVO TIPO DE SUPERNOVA

Nebulosa do Cangrexo / Imaxe: Telescopio Espacial Hubble da NAsa/wikipedia.org

Situada a unha distancia duns 31 millóns de anos luz de distancia da Terra, na galaxia NGC2146, atópase un novo tipo de supernova que identificaron un equipo de científicos. Inicialmente, esta terceira clase de supernova fora teorizada hai 40 anos pero, ata o de agora, non puidera confirmarse a súa existencia.

Agora, astrónomos de 25 institucións traballaron xuntos para proporcionar a evidencia necesaria dun deses eventos. É máis, unha das supernovas máis famosas de todos os tempos pertence precisamente a esta nova categoría: a nebulosa do Cangrexo.

Como é posible que unha supernova de hai 1.000 anos fose tan brillante que os nosos antepasados puidesen vela no ceo ata durante 23 días? Este é un misterio que nunca puidera ser resolvido pola ciencia, ata o de agora.

Os expertos crían que podería tratarse dunha supernova de captura de electróns, que xurdiría das explosións de estrelas masivas de ramas xigantes superasintóticas (SAGB), das que hai pouca evidencia. Afortunadamente, puidemos pechar este círculo. Así é.

Estes "novos" tipos de supernovas atópanse entre os creados cando unha anana branca extrae materia doutra estrela e as explosións superxigantes que crean buracos negros. Así é como sucedeu cando no ano 1054 d. C., viuse unha luz brillante durante o día durante 23 días en todo o mundo, e logo converteuse na fermosa nebulosa do Cangrexo, que ten un radio de 5,5 anos luz e ten aproximadamente 1.000 anos.

"Estou moi contento de que finalmente se descubriu a supernova de captura de electróns, que os meus colegas e eu predixemos que existía e tiña unha conexión coa Nebulosa do Cangrexo hai 40 anos. Este é un caso marabilloso da combinación de observacións e teoría", comentou Ken’ichi Nomoto da Universidade de Tokio, quen predixo este terceiro tipo de supernova en 1980 e que publicou o descubrimento agora en Nature Astronomy.

FONTE: Sarah Romero/muyinteresante.es