OS 10 ANIMAIS MÁIS INTELIXENTES DO MUNDO (VIII)

Contúo coa listaxe dos 10 animais máis intelixentes do mundo, tendo en conta que a intelixencia non é exclusiva do ser humano. O reino animal está integrado por ao redor dun millón de especies diferentes e algunhas delas teñen habilidades cognitivas asombrosas. E non só instintivas, tamén racionais. Memoria, sentimentos, emocións, resolución de problemas de pensamento, entendemento ou razoamento, consecución de obxectivos, adaptación á contorna, capacidade de comprensión, calidades comunicativas… Algúns animais teñen mesmo conciencia de si mesmos.

 8. Can

O grao de intelixencia depende da raza (existen 343). Border collie, caniche, pastor alemán, golden retriever, dóberman pinscher e labrador son as razas máis intelixentes. Os cans son capaces de adquirir novos coñecementos e de aprender todo tipo de sinais e directrices rapidamente. Cóntanse entre os poucos animais capaces de interpretar o estado de ánimo dos seres humanos. Aplican a lóxica, senten empatía e teñen unha gran memoria. Son capaces de adaptarse a novos escenarios e de buscar solucións a problemas. Son moi sensibles e senten emocións complexas: dor, alegría, medo, tristeza, ansiedade, depresión… Teñen gran intelixencia instintiva, adaptativa e de traballo e obediencia.

Mañá seguiremos!

FONTE: Ramón Díaz/farodevigo.es