WASP-189b: UN PLANETA CUNHA ATMOSFERA MOI SIMILAR Á DA TERRA

WASP-189b está situado a 322 anos luz de distancia do noso planeta. É un mundo xigante gasoso ultraquente, similar a Xúpiter, onde as temperaturas acadan os 3200 °C, pero que posúe unha atmosfera en capas sorprendentemente similar á da Terra, segundo revelou un estudo levado a cabo por científicos de Suecia e Suíza e publicado na revista Nature Astronomy.

Utilizando espectroscopia de alta resolución, os investigadores descubriron este planeta orbitando a súa brillante estrela anfitrioa HD 133112 polo proxecto Wide Angle Search for Planets (WASP) en 2018. Agora, identificaron que contén un cóctel exótico de óxido de titanio, ferro, titanio, cromo, vanadio, magnesio e manganeso.

WASP-189b está 20 veces máis preto da súa estrela que a Terra do Sol e, debido á súa proximidade, un ano só dura 2,7 días nun escenario con temperaturas tan altas que serían capaces de vaporizar o ferro. Con todo, grazas a esta aliñación coa súa estrela, os investigadores poden estudar a súa atmosfera ao detalle.

“Medimos a luz proveniente da estrela anfitrioa do planeta e que atravesa a atmosfera do planeta. Os gases na súa atmosfera absorben parte da luz das estrelas, de maneira similar ao ozono que absorbe parte da luz solar na atmosfera da Terra e, por tanto, deixan a súa característica ’pegada dixital’”, explicou Bibiana Prinoth da Universidade de Lund e líder do traballo. “Coa axuda de HARPS [cazador de planetas de ESO], puidemos identificar as sustancias correspondentes”.

O que revela esta nova investigación é que a atmosfera de WASP-189b pode ter distintas capas, do mesmo xeito que a Terra. Aínda que a atmosfera da Terra contén capas, como a troposfera da Terra, a capa máis baixa que se estende desde o nivel do mar máis aló dos picos das montañas máis altas, que contén a maior parte do vapor de auga ou como a estratosfera, cuxa capa de ozono protéxenos da daniña radiación ultravioleta do Sol. Este planeta parece ter unha capa de titanio que pode actuar de maneira similar.

Ademais de atopar rastros de ferro, cromo, vanadio, magnesio e manganeso na súa atmosfera, o equipo tamén detectou óxido de titanio. Aínda que o óxido de titanio é moi escaso na Terra, podería desempeñar un papel importante na atmosfera deste xigante gaseoso, similar ao do ozono na atmosfera terrestre.

“O óxido de titanio absorbe a radiación de onda curta, como a radiación ultravioleta. Por tanto, a súa detección podería indicar unha capa na atmosfera de WASP-189b que interactúa coa radiación estelar de maneira similar a como o fai a capa de ozono na Terra”, dixo Kevin Heng, profesor de astrofísica na Universidade de Berna, membro de NCCR PlanetS e coautor do estudo.

Esta investigación representa un novo fito na sondaxe de atmosferas exoplanetarias, que é onde é máis probable que detectemos signos de vida extraterrestre e WASP-189b é quizais o máis extremo dos aproximadamente 4.300 exoplanetas que se confirmaron até a data, polo que se presenta como un planeta moi exótico.

FONTE: Sarah Romero/muyinteresante.es