BOLBORETAS X

Continúo coa galería das bolboretas máis fascinantes e bonitas do mundo. As bolboreta, eses insectos lepidópteros fáciles de observar no campo.

9. A quimera con ás de paxaro

 

Esta bolboreta (Ornithoptera chimaera) vive nas montañas de Nova Guinea. O seu nome científico, que viría significar algo así como “quimera con ás de paxaro” fai referencia á aparencia dos machos desta espectacular especie de bolboreta.

É sexualmente dimórfica. A envergadura é de 80 a 180 mm nas femias e de 70 a 150 mm nos machos.

Macho e femia

No macho as ás anteriores son de cor de fondo negro. Hai dúas áreas verdes. A parte inferior das ás anteriores é verde. A marxe da á é negra. As veas son negras. Hai unha cadea de pequenos puntos negros. A outra parte da á é verde e contén algunhas manchas douradas grandes e dúas ou máis manchas negras. A parte inferior da á traseira é verde. Hai grandes manchas douradas e tres manchas negras. O bordo interior é moi peludo. O abdome é de cor amarela brillante. A cabeza e o tórax son negros. A parte inferior do tórax ten dous guechos vermellos.

A femia é máis grande que o macho. A cor xeral da femia é marrón escuro. Hai unha cadea de manchas brancas nas ás anteriores, unha cadea discal e manchas subcostais brancas. Na parte discal das ás traseiras hai unha gran zona branca. O bordo exterior desta área branca é amarelo. Entre a parte branca e a parte amarela hai unha cadea de puntos negros.

FONTE: muyinteresante.es/naturaleza  e  en.wikipedias.org        Imaxe: Anaxibia, wikimedia