SABÍAS QUE... POR QUE OS PNEUMÁTICOS SON NEGROS?

 

A explosión do coche como medio de transporte tivo lugar en 1908 cando da planta de Detroit (Estados Unidos) saíron os primeiros modelos do Ford Model T. Por sorprendente que nos poida parecer os primeiros pneumáticos que calzaban aqueles vehículos non eran negros, a súa cor era crema.

Cando máis adiante aqueles pneumáticos foron substituídos a cor que se elixiu non foi o negro actual, senón o branco; pneumáticos que aínda son posibles observar nalgúns museos dedicados á historia do automóbil.

Para coñecer a orixe dos pneumáticos de cor branca témonos que ir moito máis atrás, ata 1883, ese ano asistimos ao nacemento do primeiro pneumático recuberto de goma sobre unha estrutura de madeira.

A súa aparición debémoslla a Charles Goodyear (1800-1860), o inventor estadounidense que descubriu o proceso da vulcanización. A verdade é que foi toda unha revolución, foi un salto cualitativo en canto a resistencia refírese, xa que aqueles pneumáticos fabricados con caucho e xofre eran moito máis macizos. Con eles os fabricantes de carruaxes revestiron as rodas, mellorando a súa ergonomía e facéndoos máis silenciosos cando se movían polas rúas empedradas.

Na elaboración dun pneumático participan diferentes ingredientes desde elastómeros ata aceites, pasando por resinas naturais, sílice, axentes protectores, polímeros e, sobre todo, caucho. É precisamente este último o que proporciona a flexibilidade, maleabilidade e resistencia que o pneumático necesita.

Agora ben, o caucho non é de cor negra, é máis, nin sequera ten un ton escuro, o seu coloración é leitosaa. Hai que ter presente que o caucho se obtén do leite da Havea brasiliensis, unha árbore amazónica que pode chegar a alcanzar os trinta metros de altura.

O ano 1917 foi decisivo na historia da fabricación dos pneumáticos, foi entón cando se incorporou un novo ingrediente: o negro de carbón. Trátase dun po fino que se consegue a partir da combustión incompleta de derivados do petróleo e que proporciona o ton negruzco característico.

É moi posible que os condutores demandasen unha cor que mantivese os seus pneumáticos limpos, xa que na súa primeira viaxe adquirían un ton de sucidade que era difícil de eliminar.

Ao principio conviviron pneumáticos brancos, outros de cor ocre e os novos pneumáticos negros, pero aos poucos esta última cor foi gañando a partida ao mellorar as calidades. E é que ao engadir o negro de carbón ao caucho as propiedades das rodas optimizáronse de forma ostensible: multiplicouse por dez a resistencia ao desgaste e á abrasión.

Outro aspecto decisivo para a supremacía da cor negra nos pneumáticos foi a Gran Guerra (1914-1918), a contenda esixiu derivar a produción do óxido de zinc cara á fabricación de municións e apartalo da produción de pneumáticos. Este ingrediente era o que por aquel entón proporcionaba a durabilidade aos pneumáticos e que foi substituído polo negro carbón.

A todas estas vantaxes hai que ter en conta que o negro absorbe mellor as radiacións ultravioletas que son as responsables últimas do endurecemento e agrietamiento dos pneumáticos.

Inicialmente algunhas empresas resistíronse a utilizar o negro carbón na fabricación dos seus pneumáticos, xa que aumentaba o custo, por iso decidiron deixar os laterais libres deste compoñente. O resultado final foi un pneumático bicolor que respondía a razóns puramente económicas.

Nestes momentos o negro de carbón representa o 25-30% da composición dun pneumático, o que fai que os nosos pneumáticos non só sexan máis resistentes ao paso do tempo, senón que teñan ademais un mellor agarre á calzada.

FONTE: Pedro Gargantilla/abc.es/ciencia     Imaxe: ocu.org