AS 21 MARABILLAS NATURAIS DE ESPAÑA QUE HAI QUE VER UNHA VEZ NA VIDA (IV)

Continúo coa serie adicada as 21 marabillas naturais que España alberga na súa gran variedade de paisaxes e ecosistemas, algunhas, recomendadas por expertos do Ilustre Colexio Oficial de Xeólogos (ICOG) e outras porque son as máis visitadas e eloxiadas polos que xa pasaron por aí.

Se onte falamos do Val do Jerte, hoxe tócalle o turno a...

4. Praia das Catedrais (Lugo)

A erosión do vento e o mar esculpiu unha das formacións máis impresionantes da costa galega na parroquia da Devesa (Ribadelo-Lugo): arcos e bóvedas de ata 32 metros de altura semellantes ao dunha catedral e que forman unha das praias máis bonitas de España coas súas galerías naturais. O espazo coñecido no ámbito turístico como Praia das Catedrais está conformado pola praia de Augas Santas e a praia das Carricelas.

É lugar de peregrinación para a visita dos seus arcos e cantís, incluíndo os diversos ollos (furnas), o arco da illa de Xan Galo e a cova de paso do Chinelo, ao nivel da area, e para admirar o conxunto dende o sendeiro do alto do cantil.

O acceso resulta doado. Con todo, deixar a nosa pegada na area só é posible durante a marea baixa.

Continuará...

FONTE: Idea orixinal Cristina Acebal/expansión.com e es.wikipedia.org