DOCENCIA
CANTO SABES DE AUSTRALIA? XI
Continúo coa serie adicada a Australia, o país máis grande de Oceanía e o sexto máis grande do mundo.
A contestación correcta á pregunta de onte é Gran deserto de Victoria. É unha ecorrexión inhóspita, árida e escasamente poboada do sur de Australia. Localízase entre os estados de Australia Meridional e Australia Occidental e presenta gran cantidade de pequenas dunas de area, extensas praderías e lagos de auga salgada. Esténdese ao longo de 700 km de anchura (de Leste a Oeste) e unha superficie de 424.400 km².
E imos coa pregunta de hoxe!
11. Cal é, aproximadamente, a poboación de Australia?
- 20 millóns de habitantes
- 25 millóns de habitantes
- 30 millóns de habitantes
Mañá a solución e unha nova pregunta!
Fonte: es.wilipedia.org Imaxes: es.wikipedia.org e geografia.laguia2000.com
#DígochoEu: Non digas *plantilla
Segundo o significado ao que nos refiramos temos distintos termos para dicir *plantilla correctamente en galego.
CANTO SABES DE AUSTRALIA? X
Continúo coa serie adicada a Australia, o país máis grande de Oceanía e o sexto máis grande do mundo.
A contestación correcta á pregunta de onte é Urulu. Tamén chamado Ayers Rock (Rocha de Ayers), é unha formación rochosa composta por arenisca que se atopa no centro de Australia, no Territorio do Norte. Uluru é un lugar sacro para os aborígenes australianos e desde 1987 é Patrimonio da Humanidade. Xunto con Kata Tjuta é unha das maiores atraccións do parque nacional Uluru-Kata Tjuta sendo un dos maiores monólitos do mundo, con máis de 348 metros de alto, 9 quilómetros de contorno e 2,5 quilómetros baixo terra.
E imos coa pregunta de hoxe!
10. Os desertos en Australia suman 2,3 millóns de km², e ocupan un 29,7 % do territorio continental: a maioría deles atópanse na rexión central e noroeste do país. Cal é o deserto máis grande?
- Gran deserto Areoso
- Deserto do Tanami
- Deserto de Gibson
- Gran deserto de Victoria
Mañá a solución e unha nova pregunta!
Fonte: es.wilipedia.org Imaxes: es.wikipedia.org
CANTO SABES DE AUSTRALIA? IX
Continúo coa serie adicada a Australia, o país máis grande de Oceanía e o sexto máis grande do mundo.
A contestación correcta á pregunta de onte é Monte Kosziuszko. Atópase na Gran Cordilleira Divisoria e emprazado no parque nacional Kosciuszko, é a montaña máis alta da Australia continental. Foi bautizada polo explorador polaco Paul Strzelecki en 1840 na honra do heroe nacional polaco, o xeneral Tadeusz Kościuszko. Ten unha altitude de 2.228 metros.
E imos coa pregunta de hoxe!
9. Non é unha das montañas mais altas do país, aínda que si unha das máis emblemáticas. Atópase no Centro de Australia. De quen falamos?
- Kata Tjuta
- Urulu
Mañá a solución e unha nova pregunta!
Fonte: es.wilipedia.org Imaxes: es.wikipedia.org e geografia.laguia2000.com
#DígochoEu: Como é? 'Durminte' ou 'dormente'? 'Servinte' ou 'servente'?
A DISTANCIA MÁIS CURTA ENTRE DOUS PUNTOS NON É SEMPRE A LIÑA RECTA
Sabemos que a luz sempre toma o camiño máis curto entre dous puntos, que xeralmente consideramos unha liña recta. Con todo, unha liña recta é só a distancia máis curta entre dous puntos nunha superficie plana. Temos que remontarnos aos postulados de Euclides de Alexandría, considerado por moitos como o matemático máis importante da historia, quen afirmaba que a luz viaxaba en liña recta e demostraba que unha liña recta é máis curta que outras dúas liñas rectas que unen os mesmos extremos (sen ter en conta as curvas). Pero este teorema falla para xeometrías non euclidianas, como esferas e xeometrías máis complexas. De feito, todo o que aprendiches no colexio, como que as liñas paralelas mantéñense paralelas, só refírense á xeometría euclidiana. No universo non euclidiano, as liñas paralelas poden en realidade diverxer ou converxer.
Pero lembremos que a Terra non é plana, senón que é aproximadamente unha esfera. Se vivísemos nunha Terra plana, se que poderiamos dicir que unha liña recta sería a distancia máis curta entre os puntos A e B. Pero xa dixemos que a Terra ten forma de esfera; para facelo mediante unha liña recta teriamos que atravesar a Terra e a distancia máis curta entre dous puntos nesta forma xeométrica é un arco coñecido como "a distancia do gran círculo". Así, nunha superficie curva, a distancia máis curta entre dous puntos é en realidade unha curva, tecnicamente coñecida como geodésica: son as traxectorias dadas polos “círculos máximos”. É o círculo máximo que os une.
É un concepto novo? De ningunha maneira. Para visualizalo mellor, pensemos no roteiro máis reducido dun avión que voa entre Londres e Nova York. O roteiro segue un camiño de "gran círculo" en lugar do que parece ser unha liña recta máis directa nun mapa plano. As roteiros curvas nestes destinos non se empregan aleatoriamente, senón que se utilizan porque en realidade representan a distancia máis curta entre dúas localizacións determinadas do noso planeta.
Se combinamos este concepto co principio de equivalencia de Einstein, na teoría da relatividade xeral, na que a gravidade pode dobrar a forma do espazo e o tempo, entón parecería que a luz en presenza de gravidade segue unha traxectoria curva ou, dito doutra maneira, a gravidade dobra o camiño da luz, como comentamos. Así, resulta que a gravidade non é máis que un espazo curvo ou, máis especificamente, a curvatura ou deformación do espazo-tempo de catro dimensións.
O camiño da Terra a medida que viaxa polo espazo inclínase constantemente cara ao Sol desta maneira, tanto que o planeta traza unha órbita case circular. Con todo, desde a perspectiva da cuarta dimensión, pódese ver que a Terra está simplemente seguindo o camiño máis curto ao longo dunha geodésica a través do espazo-tempo curvo.
Con todo o avanzado, incluso as grandes distancias circulares non representan a verdadeira distancia máis curta entre dúas localizacións dadas. Por que motivo? As distancias calcúlanse asumindo que a Terra é unha esfera perfecta, pero o planeta é máis unha esfera un pouco achatada con diferentes valores de radio cara ao ecuador e os polos. Por tanto, os valores do círculo máximo teñen unha tolerancia de aproximadamente ± 5%.
Un pouco de historia: os postulados de Euclides:
1.- Dados dous puntos pódense trazar unha recta que os une.
2.- Calquera segmento pode ser prolongado de forma continua nunha recta ilimitada na mesma dirección.
3.- É posible trazar unha circunferencia de centro en calquera punto e radio calquera.
4.- Todos os ángulos rectos son iguais.
5.- Se unha recta, ao cortar a outras dúas, forma os ángulos internos dun mesmo lado menores que dous rectos, ambas as rectas prolongadas indefinidamente córtanse ao lado no que están os ángulos menores que dous rectos. Ou o que é o mesmo: por un punto exterior a unha recta pódese trazar unha única paralela.
FONTE: Srah Romero/muyinteresante.es Imaxe: azulweb.net
CANTO SABES DE AUSTRALIA? VIII
Continúo coa serie adicada a Australia, o país máis grande de Oceanía e o sexto máis grande do mundo.
A contestación correcta á pregunta de onte é Eyre. O maior de Australia está situado no interior de Australia do Sur e que sitúase a 16 metros baixo o nivel do mar (o punto máis baixo de toda Australia). Este lago localízase en metade dunha zona desértica, polo que a maior parte das achegas fluviais que recibe se evapora con rapidez. A súa profundidade media sitúase ao redor dos 1,5 metros. Os seus límites son cambiantes, pero a súa extensión aproximada é dun 9.500 km².
E imos coa pregunta de hoxe!
8. Cal é o punto máis elevado de Australia?
- Monte Bruce
- Monte Ossa
- Monte Kosziuszko
- Monte Zeil
Mañá a solución e unha nova pregunta!
Fonte: es.wilipedia.org Imaxes: saberespractico.com e scottleggo.com