#DígochoEu: Non digas *cuajar
Estamos na neve e vai moito frío! Pero a neve non *cuaja en galego, hoxe, Esther vainos explicar a forma correcta de dicilo.
DOCENCIA
CANTO SABES SOBRE A CONSTITUCIÓN ESPAÑOLA?
Cada 6 de decembro, celebramos o DÍA DA CONSTITUCIÓN. Un día festivo que se celebra en todas as Comunidades Autónomas sin excepción.
É a primeira que se redactaba desde un amplo consenso das variadas forzas políticas e unha das máis lonxevas.
Recolle unha extensa relación de dereitos e liberdades de todos os cidadáns e consagra o Estado das Autonomías, así como o principio de separación de poderes do Estado: Executivo, Lexislativo e Xudicial.
Establece ademais que a soberanía nacional reside no pobo español, do que emanan os poderes do Estado, e que a forma política do estado español é a Monarquía parlamentaria.
Penso que é unha gran descoñecia para unha boa parte da poboación, polo que che propoño que sepas o que sabes sobre ela. Deste xeito coñecerémola un chisco mellor.
Anímaste? Pois alá imos!
1. Realmente, que celebramos o día 6 de decembro?
- Día no que o Rei sancionou a Constitución
- Día que se celebrou o Referendum para a súa aprobación
- Día no que entrou en vigor a Constitución
Mañá a solución e unha nova pregunta!
FONTE: Idea orixinal antena3.com Imaxe: oposapiens.com e es.wikipedia.org
#DígochoEu: Non escribas *contrarreloxo
En ciclismo e noutros deportes non hai probas *contrarreloxo. Esa palabra non aparece non dicionario da RAG, que si recomenda unha alternativa en tres palabras.
#DígochoEu: Concurso (Palabras do taller)
Esta semana fomos a un cole de Viveiro. Co alumnado de formación profesional do IES María Sarmiento aprendemos algunhas palabras do taller!
CANTO SABES SOBRE O IMPERIO ROMANO? XX (FIN)
Remato coa serie adicada a o Imperio Romano. A civilización romana é considerada unha das máis influentes da historia. Definiu a historia e os costumes de boa parte da humanidade e a súa influencia perdura aínda con forza nos nosos días.
A contestación correcta á pregunta de onte, e última da serie, é Constantinopla. É o nome histórico da actual cidade de Istambul, fundada polo emperador Constantino I (Constantini-polis, a cidade de Constantino, a nova Roma), situada a ambos lados do Estreito do Bósforo en Turquía, sendo capital de distintos imperios ao longo da súa milenaria historia.
Odoacro, rei dos hérulos, derroca ao último emperador de Roma, Rómulo Augústulo, o 4 de setembro de 476. Este feito marca o fin do Imperio Romano: desaparece o imperio occidental mentres que o imperio oriental bizantino sobrevive ata a caída de Constantinopla, en 1453.
O Imperio Romano de Occidente estaba sumido en graves conflitos políticos, económicos e sociais desde facía moito tempo mentres diferentes pobos germánicos construían reinos nos territorios europeos que formaran parte do todopoderoso imperio de Roma.
Tres datas son decisivas na caída do Imperio Romano: a batalla de Andrinopla (9 de agosto de 378), a invasión e saqueo de Roma (390) polos galos, que nunca fora invadida durante oito séculos, e o derrocamento do último emperador de Roma (4 de setembro de 476). Unha coalición de tribos germánicas derrotou o 9 de agosto de 378 ao exército romano durante a batalla de Andrinopla, nas chairas ao noroeste da cidade romana de Adrianópolis, actualmente Edirne, na Turquía europea. Esta derrota marca o inicio do declive real irreversible do poder de Roma, coa progresiva perda de autoridade sobre o seu vasto dominio territorial. Uns anos máis tarde, no 386, unha gran invasión de pobos godos impón a Roma importantes perdas territoriais.
E así remato esta primeira aproximación ao Imperio Romano, esperando que servise para recordar aspectos desta época e do seu legado.
Ata a próxima serie!
FONTE: es.wikipedia.org Imaxe:muyhistoria.es/h-antigua/
CANTO SABES SOBRE O IMPERIO ROMANO? XIX
Continúo coa serie adicada a o Imperio Romano. A civilización romana é considerada unha das máis influentes da historia. Definiu a historia e os costumes de boa parte da humanidade e a súa influencia perdura aínda con forza nos nosos días.
A contestación correcta á pregunta de onte é 476 d. C..Ano que coincide coa deposición do último emperador romano de Occidente, Rómulo Augústulo, a mans de Odoacro (xeneral de orixe hérulo ao servizo do Imperio romano occidental, nacido en Panonia, converténdose despois da deposición do emperador en gobernante de feito de Italia), aínda que foi o resultado dun longo proceso que tivo outros moitos fitos significativos.
E imos coa pregunta de hoxe e última da serie!
Mapa animado da República e Imperio romano entre 510 a. C. e 530 d. C.
República Imperio Imperio Oriental/Bizantino Imperio de Occidente
19. Denomínase como Imperio bizantino, tamén coñecido como o Imperio romano de Oriente, á metade oriental do Imperio romano desde o 395, que perviviu durante toda a Idade Media e o comezo do Renacemento. Cal era a súa capital?
- Kalliopolis
- Adrianópolis
- Constantinopla
Mañá a solución e remate da serie!
FONTE: es.wikipedia.org Imaxe: es.wikipedia.org
#DígochoEu: #CiberEsther: Troianos
CANTO SABES SOBRE O IMPERIO ROMANO? XVIII
Continúo coa serie adicada a o Imperio Romano. A civilización romana é considerada unha das máis influentes da historia. Definiu a historia e os costumes de boa parte da humanidade e a súa influencia perdura aínda con forza nos nosos días.
A contestación correcta á pregunta de onte é Ano 380. Quen lles ía a dicir a aqueles primeiros cristiáns que sería precisamente un emperador romano (do que xa falamos, de orixe Hispano), Teodosio I chamado “o Grande”, quen no ano 380 convertería a súa relixión, o cristianismo niceno, no único culto oficial do Imperio mediante o Edicto de Tesalónica (tamén coñecido como A todos os pobos, decretado o 27 de febreiro). Unha conversión que, con todo, entrañaba grandes dificultades e que foi en boa parte adaptada á idiosincrasia da sociedade romana, converténdoa nunha mestura feita a medida para a súa fácil asimilación.
E imos coa pregunta de hoxe!
18. A caída do Imperio romano de Occidente (tamén coñecida como a caída do Imperio romano ou a caída de Roma) foi o período de declive do Imperio romano de Occidente en que perdeu a autoridade de exercer o seu dominio e o seu vasto territorio foi dividido en numerosas entidades políticas sucesoras. Tradicionalmente, vincúlase este feito co ano…
- 295 d. C.
- 395 d. C.
- 476 d. C.
Mañá a solución e unha nova pregunta!
FONTE: historia.nationalgeographic.com.es e es.wikipedia.org Imaxe: romaimperial.com