#DígochoEu: O máis viral do TikTok (capítulo 18)
Traémosche outra recompilación de vídeos da conta de Tiktok do #DígochoEu, neste caso aprendendo galego cos filtros máis virais!
DOCENCIA
#DígochoEu: Cal é a forma verbal incorrecta?
Cal é a forma verbal incorrecta? Patricia Santana pon a proba os seus coñecementos lingüísticos.
CANTO SABES SOBRE AS ABELLAS? XI
Continúo coa serie CANTO SABES SOBRE AS ABELLAS? As abellas son insectos cruciais para a polinización, tanto de cultivos como de plantas silvestres, o seu comportamento e organización social aínda encerra misterios.
A contestación correcta á pregunta de onte é 2. Trátase dunha avespa. Á vista das imaxes podemos distinguilas fácilmente. As avespas, por exemplo, son negras ou marrón escuro e amarelas, e dependendo da variedade poden ser case escuras por completo, como no caso da avespa asiática. As abellas en cambio son de cor parda máis ou menos escuro e dourado, non amarelo brillante. As avespas posúen a súa característica “cintura”, unha zona moi estreita que separa o tórax do abdome, mentres que no caso das abellas o estreitamento non é tan notable. Ademais, a abella ten aparencia peluda, pois presenta peliños de queratina en tórax, cara, abdome e patas, mentres que a avespa non.
E imos coa pregunta de hoxe!
11. Unha especie invasora, que chegou a Galicia en 2011, ataca as abellas melíferas europeas (Apis mellifera), podendo acabar con gran parte dunha colmea en pouco tempo e minguar a súa produtividade. Como se chama esta especie invasora?
- Abesouro (Bombus hortorum)
- Avespa asiática (Vespa velutina)
Mañá a solución e unha nova pregunta!
FONTE: Idea orixinal nationalgeographic.com.es, fundacionaquae.org e aportacións propias con infor mación gal.wikipedia.org Imaxe: cadenaser.es
#DígochoEu: Non é un sinónimo de 'serpe'
Retamos a Rodrigo Vázquez a que adiviñe cal das seguintes palabras non é un sinónimo de ’serpe’. Ti sabes a resposta?
#DígochoEu
CANTO SABES SOBRE AS ABELLAS? X
Continúo coa serie CANTO SABES SOBRE AS ABELLAS? As abellas son insectos cruciais para a polinización, tanto de cultivos como de plantas silvestres, o seu comportamento e organización social aínda encerra misterios.
A contestación correcta á pregunta de onte é Vermello. Hoxe sabemos que mentres que o ser humano percibe as cores con tres tipos de fotorreceptores en forma de cono (azul, verde e vermello), nas abellas o espectro de cores está desprazado cara ao ultravioleta en detrimento do vermello, cor que non poden ver. Iso repórtalles un beneficio: pois orientan o seu voo en función da posición do sol ou segundo a polarización da luz do ceo. As plantas con flor aproveitan este feito no seu beneficio: depositan pigmentos que reflicten a luz ultravioleta, invisible ao ollo humano pero detectable para estes insectos.
E imos coa pregunta de hoxe!
10. Unha destas imaxes non é dunha abella. Cal é?
- 1
- 2
Mañá a solución e unha nova pregunta!
FONTE: Idea orixinal nationalgeographic.com.es, fundacionaquae.org e aportacións propias con infor mación gal.wikipedia.org Imaxe: mieladictos.com
CANTO SABES SOBRE AS ABELLAS? IX
Continúo coa serie CANTO SABES SOBRE AS ABELLAS? As abellas son insectos cruciais para a polinización, tanto de cultivos como de plantas silvestres, o seu comportamento e organización social aínda encerra misterios.
A contestación correcta á pregunta de onte é A súa lingua. As abellas absorben coa súa longa ligua ou proboscis (composta de varias partes) o néctar das flores e introdúceno no bucho melario que teñen na rexión torácica, regresando á colmea onde o entregan ás obreiras novas. Despois, volven saír en busca de máis néctar.
E imos coa pregunta de hoxe!
9. Que cor é imperceptible polas abellas?
- O azul
- O verde
- O vermello
Mañá a solución e unha nova pregunta!
FONTE: Idea orixinal nationalgeographic.com.es, fundacionaquae.org e aportacións propias con infor mación gal.wikipedia.org Imaxe: nationalgeographic.com.es
#DígochoEu: Un par de dúbidas: planetas e cas Pepe
Resolvemos un par de dúbidas que nos preguntaron na conta de TikTok do #DígochoEu Como é o nome dos planetas en galego? É correcto dicir ’cas Pepe’?
CANTO SABES SOBRE AS ABELLAS? VIII
Continúo coa serie CANTO SABES SOBRE AS ABELLAS? As abellas son insectos cruciais para a polinización, tanto de cultivos como de plantas silvestres, o seu comportamento e organización social aínda encerra misterios.
A contestación correcta á pregunta de onte é 230 veces. A diferenza doutros insectos voadores, que baten as ás formando un ángulo de entre 145 e 165 graos, o das abellas é menor a 90 graos, pero fano a moita máis velocidade cunha frecuencia de 230 veces por segundo. Esta rapidez é a que ocasiona o seu característico son ao voar.
E imos coa pregunta de hoxe!
8. Que usan as abellas para colleitar o néctar das flores?
- As súas patas
- A súa lingua
- As súas ás
Mañá a solución e unha nova pregunta!
FONTE: Idea orixinal nationalgeographic.com.es, fundacionaquae.org e aportacións propias con infor mación gal.wikipedia.org Imaxe: fundacionaquae.org