OPINIÓN E COMENTARIO

CUESTIÓN DE TEMPO

Asteroide (433) Eros, de 33 quilómetros de lonxitude, e que forma parte dos asteroides próximos á Terra - NASA/JPL/JHUAPL

Alan Fitzsimmmons, astrofísico da Queen’s University, en Belfast, (Reino Unido), alertou este o pasado martes de que o próximo impacto dun asteroide sobre o planeta Terra é simplemente cuestión de tempo.

"Os astrónomos atopan novos asteroides próximos á Terra (obxectos que pasan polas proximidades do planeta) cada día, e a maioría son inofensivos", dixo Fitzsimmons nun comunicado de prensa. "Pero é posible que o próximo evento Tunguska píllenos por sorpresa. E, aínda que esteamos mellor preparados para atopar grandes corpos, isto non servirá de moito se non estamos listos para facer algo respecto diso".

Fitzsimmons, que recibirá o apoio do científico e divulgador Brian Cox e dos astronautas Rusty Schweickart e Nicole Stott, entre outros, subliñará o perigo latente ao que está exposto o planeta, en próximo día do asteroide, que se celebrará o 30 de xuño.

A data conmemora a explosión de Tunguska, o evento en que un asteroide ou un pequeno cometa estalou no aire no ano 1908, devastando unha ampla zona do bosque siberiano e xerando unha potente explosión que puido sentirse en amplas zonas do planeta.

De feito, Alan Fitzsimmons alertou de que o mesmo impacto na actualidade e noutra rexión podería destruír unha cidade enteira.

"É importante ter en conta que os científicos e os enxeñeiros fixeron importantes avances en detectar e entender mellor os asteroides próximos á Terra", dixo o astrofísico. De feito, ata o momento descubríronse 1.800 corpos potencialmente perigosos, pero moitos máis aínda teñen que ser descubertos».

Fitzsimmons é membro do proxecto NEOshield-2, financiado polo Consello Europeo de Investigación, para estudar como desviar asteroides perigosos. A Queen’s University tamén forma parte do programa Pan-STARRS, que é un dos máis exitosos na «caza» de asteroides na actualidade.

FONTE: Xornal abc/ciencia

CINE: "PIRATAS DO CARIBE: A VINGANZA DE SALAZAR"

Cartel da película / SensaCine.com

Esta fin de semana chega aos cines a quinta entrega de saga "Piratas do Caribe": A vinganza de Salazar. Esta é a súa ficha técnica:

Título: Piratas do Caribe: A vinganza de Salazar

Título orixinal: Pirates of the Caribbean: Dead Men Tell No Tales

País: Estados Unidos

Ano: 2017

Duración: 129 min.

Xénero: Aventuras

Distribuidora: Walt Disney Studios Motion Pictures

Productora: Walt Disney Pictures, Jerry Bruckheimer Films

Dirección: Espen Sandberg, Joachim Roenning

Guión: Jeff Nathanson

Produción: Jerry Bruckheimer

Música: Geoff Zanelli

Fotografía: Paul Cameron

Reparto: Johnny Depp, Javier Bardem, Brenton Thwaites, Kaya Scodelario, Geoffrey Rush, Kevin McNally, Golshifteh Farahani, Stephen Graham, Orlando Bloom, Martin Klebba, Adam Brown

Sinopse:  O capitán Jack Sparrow enfrontarase a un grupo de piratas-pantasma comandados polo terrorífico capitán Salazar, recentemente escapado do Triángulo das Bermudas. A única posibilidade de Sparrow para saír con vida é atopar o lendario Tridente de Poseidón, un poderoso artefacto que lle dá ao seu posuidor o control dos mares.

Unha proposta entretida e disfrutable!

HUMOR REAL: "DUREZA"

 

O xenila Forges (Antonio Fraguas de Pablo, Madrid-1042) trata na viñeta de onte no xornal El Pais o tema da "dureza" (A dureza é a resistencia que ofrece un mineral aser raiado). A escala de Mohs e quen mide esta propiedade e vai do 1 ao 10. Nan viñeta vemos os minerais que corresponden a ises valores, pero el engádelle "un valor" máis, por encima, e con argumento.

Moi acertado!

HUMOR: "RECICLAXE"

 

O xenial humorista gráfico Davila (Pontevedra, 1972), publicou onte no xornal Faro de Vigo a viñeta superior, na que xoga coa reciclaxe (materia pendente en moitos fogares). Neste caso co contedor amarelo, que como sabedes é para recipientes de plástico, metal e briks.

Moi bo!

CINE: VIDA

 

Hoxe cehaga aos cines a película "VIDA". Un thriller de ciencia ficción que ten a seguinte ficha técnica:

Título orixinal: Life

Ano: 2017

País: EEUU

Xénero: Ciencia ficción

Duración: 104 min

Produtora: Columbia Pictures, Sony Pictures Entertainment (SPE), Skydance Productions, Nvizage

Director: Daniel Espinosa

Guion: Paul Wernick e Rhett Reese

Música: Jon Ekstrand

Reparto: Jake Gyllenhaal, Rebecca Ferguson, Ryan Reynolds, Hiroyuki Sanada, Ariyon Bakare, Olga Dihovichnaya, Alexandre Nguyen

Sinopse: A película conta a historia de seis membros dunha tripulación da Estación Espacial Internacional cuxa misión é a de estudar unha mostra recollida en Marte que podería ser a primeira proba de vida extraterrestre. E esa vida confírmase como moito máis intelixente do que nunca se esperou.

Trepìdante!

CINE: "CANTÁBRICO"

Cartel da película  / Imaxe: eCartelera

Esta fin de semana chega aos cines o documental "Cantábrico", un espectáculo da natureza feito película.

Título orixinal: Cantábrico (Os dominios do oso pardo)

Ano: 2017

Xénero: Documental

Duración: 101 min.

País: España

Produtora: Wanda Films / Bitis

Director: Joaquín Gutiérrez Acha

Guión: Joaquín Gutiérrez Acha

Música: Pablo Martín Caminero

Fotografía: Joaquín Gutiérrez Acha

Sinopse: No norte da Península Ibérica unha impoñente cordilleira de máis de 400 Km. levántase como unha gran barreira paralela á costa do mar que leva o seu nome, o Mar Cantábrico. Na súa outra vertente, a cordilleira Cantábrica preséntasenos repleta de canóns e apertados bosques continentais de faias, carballos e castiñeiros. A influencia cálida do mar, determinou un clima con elevadas precipitacións orixinando montes de exuberante vexetación.

É o lugar perfecto para esconder un gran número de animais e outras formas de vida que cohabitan aquí desde tempos inmemoriais. Pero por enriba de todo, é o territorio dunha das criaturas máis formidable do hemisferio norte: o oso pardo cantábrico. E é precisamente este fabuloso animal, un dos que escolleron para conducir a película.

O cantábrico é un lugar máxico e misterioso onde moitos dos seus recunchos están aínda por descubrir. É o reino dos bosques, o dominio dos cabalos salvaxes, a terra onde as néboas esconden aos lobos ibéricos, aos gatos monteses e aos urogallos, o lugar onde a fantasía e a realidade camiñan xuntas. Un territorio salvaxe que permanece aínda no esquecemento e que o mundo debe coñecer.

Merece a pena!, iso si en Galicia non en todos os cines.

11F: DÍA INTERNACIONAL DA MULLER E DA NENA NA CIENCIA

 

A película de Theodore Melfi "Figuras ocultas", unha das candidatas para gañar o Óscar o próximo 26 de febreiro, rende homenaxe a tres mulleres excepcionais: Mary Jackson, Dorothy Vaughan e Katherine Johnson. O extraordinario das súas vidas é que conseguiron abrirse camiño nun mundo, o da tecnoloxía, vetado ás mulleres e nunha época, os anos cincuenta do pasado século, no que os prexuízos raciais (as tres eran negras) e a desigualdade sexual eran aínda máis groseiros que na actualidade. Nunca está de máis que unha narración, cinematográfica ou novelada, reivindique o papel que as mulleres xogaron en moitos dos momentos craves da ciencia durante o século XX. A historia de Jackson, Vaughan e Johnson, agora aplaudida nas pantallas, é sintómatica deste inxusto esquecemento, porque sen estas tres matemáticas e o labor que desenvolveron na NACA (axencia antecesora da NASA), o astronauta John Glenn non se converteu no primeiro ser humano en orbitar ao redor da Terra. E a carreira espacial estadounidense perdería, ou polo menos demorado, un dos seus grandes logros. Exemplos como o seu hai moitos máis, tamén escurecidos por quen conta a historia oficial. O nome de Joan Clarke, a muller que axudou a descifrar o código secreto dos nazis e que foi esencial para a súa derrota na Segunda Guerra Mundial, nunca viu o seu nome escrito xunto ao de Alan Turing. Aínda que ela, polo menos, si que sae representada no biopic do xenio matemático (Descifrando Enigma), un recoñecemento (menor) que non tiveron as 8.000 mulleres que formaban parte daquel proxecto.

Mencionar exemplos de películas con grandes orzamentos e realizadas pola maior industria audiovisual do mundo non é secundario cando falamos de mulleres e tecnoloxía. A produción cultural é unha ferramenta poderosa para a construción e reivindicación de modelos sociais, de aí a necesidade de que as mulleres non só sexan representadas, senón que se faga con xustiza e sen ocultar os seus méritos. A fría evidencia dos datos indica que neste momento os homes son maioría nos estudos de enxeñería e en todas as ramas técnicas; e tamén nos traballos relacionados con estas áreas (nin mencionar sequera nos postos directivos). Pero iso só demostra un arrastre histórico, non unha suposta "predisposición natural" cara a unha rama do coñecemento, unha concepción simplista que algúns trataron de demostrar botando man ás estatísticas.

Cristina Aranda, directora de Mulleres Tech (organización que busca espertar e potenciar o talento feminino no mundo dixital), cre que "a tecnoloxía non é masculina nin feminina, a tecnoloxía é divertida". E incide na necesidade de dar visibilidade a mulleres que sirvan como modelos para as nenas "os referentes que temos nos medios de comunicación dun hacker ou dun programador non son atractivos para as nenas. Elas non queren parecerse a eses señores". Como Aranda son xa moitas as mulleres, e afortunadamente tamén homes,  que impulsan un tipo de sociedade capaz de facer autocrítica, de reformularse os roles establecidos e deixar atrás os conceptos monolíticos do masculino e o feminino. O impulso dixital das novas xeracións pode ser unha excelente oportunidade para iso porque, como afirmaba Eduardo Galeano nunha frase que serve como lema a Mulleres Tech, "Moita xente pequena en lugares pequenos, facendo cousas pequenas, pode cambiar o mundo".
 

FONTE: José L. Álvarez Cedena/Xornal El País/Ciencia

HUMOR REAL: A FACTURA DA LUZ

 

Coma sempre o xenial Gogue, na súa viñeta do xornal Faro de Vigo de hoxe, incide to tema estrela destes días: a factura da luz.

Incrible o que estamos a pagar e iso que en Galicia producios enerxía a esgalla: termicas, centrais hidroeléctricas, aeroxeradores...

A seguir cantando para que chova! Así cumprirase o anuncio do novo home do tempo enerxético: o presidente do goberno.

Unha pena!