OUTRAS COUSAS

CINE: A CONSTELACIÓN DO CAN (THE DOG STARRA)

Esta fin de semana chega aos cines a película A constelación do can, basada na novela homónima de 2012 de Peter Heller. Esta é a súa ficha técnica:

Título orixinal: The Dog Stars 

Ano: 2026

Xénero: Ciencia ficción. Futuro postapocalíptico 

Compañías: Scott Free Productions. Distribuidora: 20th Century Studios

Duración: 118 min.

País: Estados Unidos 

Dirección: Ridley Scott

Produción: Ridley Scott, Michael Pruss, Cliff Roberts e Mark L. Smith

Guión: Mark L. Smith, Christopher Wilkinson

Música: Harry Gregson-Williams

Fotografía: Erik Messerschmidt

Reparto: Jacob Elordi, Margaret Qualley, Josh Brolin, Guy Pearce, Benedict Wong...

Sinopse: Nun mundo postapocalíptico, un virus aniquila a practicamente toda a humanidade. Os sobreviventes enfróntanse a uns carnazais errantes chamados Segadores. O protagonista, Hig (Helordi), un piloto civil, sobreviviu á gripe pero perdeu á súa muller, e un duro exmarine (Brolin) enfrontaranse aos invasores e á esperanza dunha vida mellor fóra da súa actual morada.

Scott ainda segue a facer boas películas aos seus 88 anos!

HUMOR REAL: ROBOT NO RURAL

A viñeta de Davila (Luis Davila, Bueu-Pontevedra, 1972), publicada hoxe no Faro de Vigo, saca punta á velocidade dun robot humanoide nos 100 metros lisos, eso si xa con timtes galegos no rural, cambiando os marcos (unha pesadela nos lindes con veciños que sempre acaban mal).

Con bos maestros aprenden rapidamente!

VUELTA CICLISTA A ESPAÑA 2026

Hoxe, 22 de agosto, comeza La Vuelta Ciclista a España 2026, que rematará o 13de setembro..Constará de 21 etapas e cubrirá unha distancia total de 3.275 km, distribuidos en:
    4 etapas onduladas
    1 etapa ondulada con final no alto
    4 etapas chairas
    4 etapas de media montaña
    6 etapas de montaña
    2 contrarreloxo individuais
    2 días de descanso

Participarán 184 ciclistas que forman 23 equipos.

Este é o seu percorrido:

Para seguir polo miudo resultados e información de cada etapa preme AQUÍ.

Sorte a todos!

RELATOS DE VERÁN: A PRIMEIRA PATACA

Sigo periódicamente OS RELATOS DO VERÁN do xornal La Voz de Galicia na súa 27 edición, e chamoume a atención este relato que paso a reporoducir: A primeira pataca de Iago Cardalda.

- - - - - - - - - - - - - - - - - - - - - - - - - - - - - - - - - - - - - - - - - - - - - - - - - - - - - - 

Meu pai dixo que había que limpar a horta antes de que a maleza a fixese desaparecer.

Falouno coma quen fala do tempo. Ningún dos dous pronunciou o nome do avó. Mentres arrincaba herbas, decateime de que seguía sabendo onde estaban as cebolas, as leitugas ou os tomates. Nunca aprendera ese mapa. Debía de quedar gardado nalgún recuncho da memoria, deses que só esperta o cheiro da terra mollada.

Ao chegar ao fondo da leira vin unha pequena planta. Xa levantara a man para arrincala cando me acordei del. Nunca lle vin présa na horta. Dicía que as cousas importantes medran ao seu ritmo. E, cando eu quería arrincar unha planta antes de tempo, dicía:

—Espera sempre un pouco. A terra tamén ten cousas que dicir.

Axeonlleime e escarvei cos dedos. Debaixo apareceu unha pataca que quedara esquecida baixo a terra. Estaba limpa, firme, coma se levase meses agardando por alguén. Sorprendeume sorrir.

De neno preguntáballe por que gardaba as mellores sen comelas. El limpaba a terra das mans na perneira do pantalón, collía unha pataca e mirábaa un intre, coma se estivese pensando.

—Porque esas son para o ano que vén.

Daquela parecía unha resposta absurda.

Leveina para casa. Na primavera seguinte volvín á horta e planteina no mesmo anaco de terra. Uns meses despois recollín máis patacas das que podía contar coas mans. Antes de entrar na casa, collín a máis fermosa e aparteina das demais. Entendín que hai herdanzas que non caben nun testamento. Precisan terra.

FONTE: lavozdegalicia.es

HUMOR REAL: MÁIS CALOR

A viñeta de Davila (Luis Davila, Bueu-Pontevedra, 1972), publicada hoxe no Faro de Vigo, saca punta ao considerado o día máis caluroso do verán. Calor abafante!

Que chova un chisco!

OUTROS CONSELLOS PARA A ECLIPSE

Empeza a conta atrás para a eclipse total de Sol do próximo 12 de agosto e  queremos que poidas fotografalo de forma alcanzable e segura.

UN CLÁSICO DO VERÁN: A TAPA DE POLBO MÁIS GRANDE DO MUNDO

Como aperitivo da 64 Festa do Pulpo de Carballiño (Ourense), que coincide sempre coa Festa do Monte de A Guarda (Pontevedra), celebrouse o intento anual de conquerir a a tapa de polbo máis grande do mundo en menos de dez minutos.

Os pulpeiros e pulpeiras do Carballiño volvérono a facer. O municipio bateu unha vez máis a súa propia marca ao elaborar a tapa de polbo máis grande do mundo en menos de dez minutos. Este martes, un total de 610 quilos de produto cubriron un prato de 5,37 metros de diámetro instalado no centro da Praza Maior, dez quilos máis que na edición de 2025. Un desafío que crece ano tras ano e todo apunta a que seguirá facéndoo.

A expectación levaba horas cociñándose mesmo antes de que sacasen os polbos das caldeiras. A cola para degustar unha das 1.800 racións estendíase máis aló da Rúa Principal, onde a espera congregaba a veciños e visitantes para probar unha elaboración que requiriu 8 quilos de sal, 55 de aceite e 3 de pemento. Unha antesala do que agarda este domingo no Parque Municipal, convertido un verán máis no gran templo do polbo en Galicia.

“É un orgullo conseguir isto todo os anos. Leva moitísimo traballo e planificación”, afirmaba o presidente da Asociación de Pulpeiras do Carballiño, Suso Pereira, aínda coas tesoiras na man e coa mirada posta xa na próxima edición, calculando cantos quilos de polbo farán falta para volver superar a marca.

Entre os preto de medio centenar de pulpeiros que fixeron posible este reto tamén se enfundó o mandil o tenente de alcalde, José Castro, que botou unha man durante a preparación. Tras as últimos cortes e co obxectivo cumprido, deixou clara a ambición do Concello de cara ao futuro: “Isto non debe deixar de crecer, e vos que estamos aquí tampouco”.

Pero reunir a tanta xente ao redor das caldeiras, cada verán, ten a súa cara menos visible. Para as pulpeiras, o maior reto non está só en cortar centos de quilos de polbo ante a mirada dun público atento; está en soportar a intensa calor que desprende a auga de cocción e manter un ritmo de traballo sen perder precisión. Este ano, iso si, as temperaturas deron tregua e permitiron afrontar a xornada en condicións moito máis levadías.

A cita reuniu de novo a fieis que non perdoan esta tradición estival e a quen acudía por primeira vez para presenciar un espectáculo gastronómico único no Carballiño. E se algo quedou claro este martes, é que a marca volverá poñerse a proba o próximo ano, e quen sabe ata cando seguirá medrando. 

FONTE: laregion.es

25 DE XULLO. DÍA DE GALICIA

O Día Nacional de Galicia, coñecido tamén como Día da Patria Galega, Día Nacional da Galiza, Día da Galiza, Día de Galicia ou Día da Patria, é a festa oficial do país galego, e celébrase, hoxe, día 25 de xullo, día da festividade do apóstolo Santiago o Maior.

As orixes desta celebración remóntanse a novembro de 1919, cando se celebrou en Santiago de Compostela a II Asemblea Nazonalista das Irmandades da Fala, que acordan celebrar o Día Nacional de Galicia o 25 de xullo do ano seguinte, impoñéndose ás teses defendidas por Antón Villar Ponte para celebralo o 17 de decembro, considerado daquela o aniversario da decapitación do mariscal Pardo de Cela en Mondoñedo.

Bo día grande para tod@s!