OUTRAS COUSAS

HUMOR: MATEMÁTICAS XITANAS

Gitanos / Imaxe:infocatolica.com

Er pápa que coge al hijo gitano y le dice:

- A vel Richal, voy a haserte unas preguntas que ma dicho la siñorita que vas malamente con las matimáticas.

- Enga pápa, aqui esta er tio pa respondel....

- Aaaaayy va la primera, amos a vel Richal, cuánto eee 4 x4?

- Ayyy pápa, pos mu facil eso es un tó terreno.

- Ele ahí mi gitanillo, mu bien, enga la segunda, qué eeee 3 X 2?

- Uy pápa, pos que va a ser, eso es el Carrefur.

- La paya de la maestra que no entiende na, mu pero que mu bien! Venga ya, la urtimas pa ver si serass Patriarca.Vamos con la fregoneta y passamos por un melonar que tiene 200 melones,cojemos y cholamos 100 melones, a ver Richal quéqueda?

- Pos pápa que va a quedal............ pos otro viaje..

PRIMAVERA

Primavera / Imaxe: nuestrouniversovivo.blogspot.com

Hoxe luns, 21 de marzo de 2011, ás 00:21, hora oficial peninsular, comenzou a primavera no noso hemisferio. Esta estación durará 92 días e 18 horas, ata que o 21 de xuño chegue o esperado verán.

Lembrar que o domingo día 27, terá lugar o cambio de hora, adiantando os reloxos 1 hora, recuperando así o horario de verán.

CONTO: PESCADORES DE AUGA DOCE

Pescador de río / Imaxe:recuerdosdelavida.blogia.com

Cando as empresas eléctricas chegaron a Galicia para facer as súas obras e explotacións hidráulicas e térmicas, empregaron a traballar moitos obreiros galegos pero tamén nomearon tamén algún carguiño da terra, en traballos máis técnicos, de responsabilidade e remunerados. Aquela xente xa traía outro xeito de gozar das cousas máis ostentosa e elitista. Chamábanlle calidade de vida por aquel entón...

Cando se fixo a Central do Bibey en Manzaneda (Ourense), un home da bisbarra de oficio administrativo xa se fixera cun posto na compañía. Pero tiña ganas de ascender nos postos da empresa.

Certo día chamou dende o despacho á súa dona para dicirlle:

- Meu corazonciño, o xefe encargoume que o acompañe a pescar ao Lago de Sanabria -que se atopa na provincia de zamora- con outros altos cargos que veñen de Madrid. Imos por unha semana e esta sera unha moi boa oportunidade para conseguir esa promoción que tanto nos vai axudar.

Prepárame a equipaxe cariño: roupa para sete días, o traxe que levei na voda, e tamén a cana de pescar e unha bolsa de anzois. Cando saia de traballar paso a recollelo e marchamos no meu coche.

¡Ah! E por favor, non te esquezas de meter tamén ese pixama de seda azul que me compraches de regalo...

A muller cavilou e cavilou que aquilo soaba un pouco estraño. Un traxe caro e mais un pixama de luxo para unha excursión de pesca na natureza non lle cadraba moito. Pero, como boa esposa, fixo o que o marido pedira.

Unha semana despois voltou o home, cansado, pero moi contento. A dona deulle a benvida e deseguida preguntou cun sorriso:

- E logo, pescastes moito?

- Moito, abofé -dixo el. Non deixamos nin unha troita para mostra, aínda que non trouxen ningunha e preferín regalárllelas aos meus compañeiros. Pero, por que non me metiches nin o traxe nin o pixama de seda azul como che pedín?

- Si que os metín -dixo ela. Púxenos na mesma caixa ca os trebellos da pesca...

Ensinanza: intelixencia feminina. Cando el foi a Sanabria, xa ela voltara sete veces.

FONTE : Almanaque Agrícola ZZ Ano LXV

TERREMOTO EN XAPÓN

O epicentro do terremoto situouse ao noroeste de Tokio/ Imaxe: US GEOLOGICAL SURVEY

Un terremoto de 8,9 graos na escala aberta de Richter sacudíu a costa noroeste de Xapón, provocando numerosos feridos e ao menos 300 mortos (cifras que irán en aumento nas próximas horas), e unha alerta de tsunami. Según as autoridades sismolóxicas xaponesas, este tremor é o peor nos últimos 140 anos.

O forte sismo provocou un tsunami con ondas de entre sete e dez metros en varias zonas da costa do país. O tsunami arrasou con todo ao seu paso, incluídas casas, automóbiles e edificios.

Xapón está preparado para este tipo de sismos, polo que a incidencia, aínda que moi importante, non é a mesma que se sucedese noutra parte do mundo, tal como aconteceu en paises sudamericanos.

Pero, como se produce un terremoto? E un tsunami? Se queres atopar a contestación a estas preguntas pincha AQUÍ.

ENTROIDO

Botero, figura emblemática do Entroido de Viana (Ourense) / Imaxe:berenguela.com

Chegou o ENTROIDO, que nunha versión urbán denomínase Carnaval, aínda que mantén diferencias.

O Entroido é unha festa popular que ten a súa orixe como indicación da fin do inverno e o comezo da primavera. Nel conflúen rituais cristiáns e paganos, sendo a época na que se poden romper tódalas normas, cambiar de personalidade ou identidade e ironizar sobre as institucións máis asentadas. É, sen dúbida, a festa máis irreverente do calendario galego. Foi por iso que se prohibiu durante a época franquista, malia que se mantivo vivo nas aldeas. 

Durante uns días aparcaremos os libros para disfrutar desta festa nosa, que aquí é máis carnaval que entroido.

Que o pasedes ben!

MESSIER 78

Imaxe da nebulosa Messier 78 / ESO - IGOR CHEKALIN

"Messier 78" é o nome desta fotografía do  ruso Igor Chekalin, que gañou a última edición do Concurso de Astrofotografía Tesouros Ocultos 2010, do Observatorio Europeo Austral (ESO).

Messier 78, está situada na constelación de Orión, a uns 1.350 anos luz da Terra, e é visible con un telescopio pequeno. A imaxe foi tomada cun telescopio de 2,2 metros de diámetro do observatorio de La Silla, en Chile. Igor resaltou a imaxe a partir de varias exposicións monocromo tomadas con filtros azul, amarelo verdoso e vermello. Na nebulosa as partículas de po reflicten a luz das estrelas. O tono azulado é a cor dominante porque esas partículas dispersan máis eficazmente a corta lonxitude de onda da luz azul que a máis longa co vermello.

O concurso Tesouros Ocultos pretende rescatar imaxes interesantes do ceo arquivadas como información en bruto na base de datos da ESO.

CONTO: O GATO

Dous amigos andan pola Cañiza, provincia de Pontevedra, tomando unhos chatos de tardiña. Ao chegar á praza dille un ao outro:

- Marcho para a casa. Faise tarde, vai frío e aínda teño que preparar unha bolsa de auga quente para metela na cama porque estas noites de friaxe non me dan quecido os pés.

- Iso xa non se leva, dille o amigo. Ou pos calefacción, que é algo cara dende logo, ou compras un gatiño que lle chaman de Agora. É un animaliño con moito pelo, acaríñalo e faiche compaña, mantelo cunha latiña de penso ao mes e vaise contigo aos pés da cama para darche calor natural durante toda a noite. Compra o gato e déixate de botas de auga.

Ao cabo de dúas semanas víronse na feira e o dos pés fríos estaba irrecoñecible. A cara e as mans rabuñadas de todo, algunha roupa esgarfellada, un ollo tapado cunha venda e coa apariencia de que pelexara cun xabaril no medio dun silveiro. Un nazareno, vai.

- Pero, que che pasou? -dixo o colega. Foi ise cabrón do gato. Dixo o outro moi enfadado e mesmo soltou unha blasfemia berrando coma un poseso.

-Pero home. Non che expliquei...?

-Pois eu non sei como fixen. O funil no cu aínda llo din metido, pero cando botei a auga fervendo, pensei que me devoraba.

FONTE: Almanaque Agrícola ZZ. Ano LIX

A MENTIRA DESCUBERTA

 

Este vídeo chegoume o outro día, o DÍA DA PAZ. A verdade é que xa tiña preparado o artigo para ese día, polo que non o subín. Quero facelo hoxe pois ten moita miga e dá para moito que pensar.

Corresponde a unha anécdota do neto de M. Gandhi, do que falaba o outro día no meu artigo. Merece a pena velo!