FRASES

PERSEVERANZA

O termo ‘perseveranza’ procede, etimolóxicamente, da palabra latina perseverantia que significa constancia, tesón ou firmeza. Considérase que alguén é perseverante cando insiste con decisión no cumprimento duns obxectivos, moitas veces impostos por un mesmo. Perseverante é ese neno que termina de construír a súa nave espacial sen deixala a medio pintar, esa deportista que supera o seu tempo récord ou calquera persoa que se empeñe en chegar a unha meta custe o que custe e sen importar cantas veces caia. ‘Se caes sete veces, levántate oito’.

Reflexionemos sobre este termo a traves de frases pronunciadas por diferentes personaxes da historia:

A primeira é do escritor e filósofo español Miguel de Unamuno (1864-1936): “O modo de dar unha vez no cravo é dar cen veces na ferradura”
 

A segunda é do entrenador de futbol americano Vicen Lombardi (1913-1970) "A diferenza entre unha persoa exitosa e outros non é unha falta de fortaleza, nin unha falta de coñecemento, senón máis ben unha falta de vontade"  

A terceira é o músico e compositor alemán Beethoven (1770-1827): “A marca esencial que distingue a un home digno de chamarse así, é a perseveranza nas situacións adversas e difíciles”

 A cuarta é do escritor e periodista francés Henry Barbusse (1873-1935): “É tentando o imposible como se realiza o posible”

A quinta é do avogado, activista contra o apartheid e político Nelson Mandela (1918-2013): “Despois de escalar unha montaña moi alta, descubrimos que hai moitas outras montañas por escalar”
 

A sexta e última é do médico, político, militar, estadista, filósofo e ideólogo chino Sun Yat-sen (1866-1915): "A clave do éxito é a acción, e o esencial na acción é a perseveranza"

Sexamos pois, perseverantes!

FONTE: Idea orixinal Sarah Romero/muyinteresante.com    Imaxe: familybanker.it/blog 

EDUCACIÓN

O obxectivo principal da educación é prepararnos para os problemas da vida real e achegar aos máis novos o coñecemento para enfrontalos. Ela axúdanos a ser mellores cidadáns, a obter un traballo mellor pagado, mostra a importancia do traballo duro e, ao mesmo tempo, axúdanos a medrar e desenvolvernos. É a forma en que, entre todos, damos forma a unha mellor sociedade para vivir coñecendo e respectando os dereitos, as leis e as normas.

Sobre iste tema imos hoxe reflexionar coas seguintes frases:

1. A primeira é do músico británico Edward Benjamin Britten (1973-1976):  "Aprender é como remar contra corrente: en canto se deixa, retrocédese".

2. A segunda é do pedagogo estadounidense John Dewey (1859-1952): "A educación non é preparación para a vida; a educación é a vida en si mesma".

3. A terceira é do escritor estadounidense RalphWaldo Emerson (1803-1882): "O educador é o home que fai que as cousas difíciles parezan fáciles".

4. A última de hoxe é do activista conta o apartheid sudafricano Nelson Mandela (1918-2013): "A educación é a arma máis poderosa que podes usar para cambiar o mundo".

DÍA MUNDIAL DA FILOSOFÍA

O Día Mundial da Filosofía (World Philosophy Day) celébrase todos os anos o terceiro xoves do mes de novembro, hoxe, e o seu obxectivo é fomentar o pensamento crítico e independente.

Instituido pola Organización da Nacións Unidas para a Educación, a Ciencia e a Cultura (UNESCO) no ano 2002 para convidar á humanidade para reflexionar sobre a actualidade e os retos para a sociedade, todo iso orientado á procura universal do espírito filosófico.

Con tal motivo, hoxe repasamos algunhas das frases máis famosas da filosofía, que servirán para que reflexionemos:

- A peor loita é a que non se fai (Karl Marx)

- Se me enganas unha vez, túa é a culpa; se me enganas dúas, é miña (Anaxágoras)

- A vida non se trata de atoparte a ti mesmo, senón de crearte a ti mesmo (Bernard Shaw)

- Esíxete moito a ti mesmo e espera pouco dos demais. Así te aforrarás desgustos (Confucio)

- A boa conciencia é a mellor almofada para durmir (Sócrates)

- Felicidade non é facer o que un quere senón querer o que un fai (Jean Paul Sartre)

- O problema da muller sempre foi un problema de homes (Simone de Beauvoir)

- Os homes xeniais empezan grandes obras, os homes traballadores termínanas (Leonardo dá Vinci)

- A liberdade está en ser donos da propia vida (Platón)

- Se abordas cada situación como asunto de vida ou morte, morrerás moitas veces (Adam Smith)

- Non fagas a outros aquilo que non che gustaría que che fixesen a ti, nin te fagas a ti o que non lle farías aos demais (Confucio)

- Pensar é fácil, actuar é difícil, e poñer os pensamentos dun mesmo en acción é o máis difícil do mundo (Goethe).

FONTE: Sarah Romero/muyinteresante.com

DÍA DA TERRA

Día da Terra, 22 de abril de 2022 / ucsp.edu.pe

Hoxe, e dende o 22 de abril de 1970, celebrase o Día da Terra, sendo unha boa ocasión para reflexionar sobre a situación do noso planeta e a imperiosa necesidade de restablecer o equilibrio ecolóxico perdido.

A primeira reflexión é de Gary Sherman Snyder (San Francisco, 1930), poeta e activista estadounidense.

 “A natureza non é un lugar para visitar. É o fogar”

A segunda reflexión é Mahatma Gandhi (Porbandar, 1869 - Nova Delhi, 1948), líder pacifista indio.

“A terra prové o suficiente para satisfacer as necesidades de cada home, pero non a avaricia de cada home”

A terceira reflexión é de Thomas Fuller (Northamptonshire, 1609 - Londres, 1661), clérigo e historiador inglés,

 “Nunca recoñeceremos o valor da auga ata que o pozo estea seco”

A cuarta e última, de Félix Rodríguez de la Fuente (Poza de la Sal, 1929 - Alaska, 1980), naturalista español.

 “Hai que facer algo para protexer a unha Nai que non se queixa, que nos deu todo o que temos, e á que estamos a matar!"

O futuro da Terra está nas nosas mans!

ENTROIDO, CARNAVAL...

Entroido, antroido, entruido, entrudio, entrudo e carnaval. Son estas as palabras que aparecen no dicionario da Real Academia Galega como denominacións da festa que fai vibrar todo o país nestes días.

Imos reflexionar sobre esta festa a través destas fráses:

A primeira é da figura capital da música popular brasileira contemporánea: Marcus Vinícius da Cruz de Melo Moraes (1913-1980):

- A felicidade do pobre parece a gran ilusión do carnaval, a xente traballa o ano enteiro por un momento, un soño para facer a fantasía de rei, de pirata ou xardineiro. Para todo acabarse o mércores.

A segunda é un Anonimo:

- O entroido permítenos por un momento ser outra persoa, dar renda solta aos nosos instintos, para logo, volver ser o que somos, o que fomos.

A terceira é de do escritor e  periodista británico Gilbert Keith Chesterton (1874-1936):

- A algúns homes os disfraces non os disfrazan, senón revélanos. Cada un disfrázase daquilo que é por dentro.

Para rematar, parte dunha canción de Úrsula Hilaria Celia de la Caridad De La Santísima Trinidad Cruz Alfonso (1925-2003), acantante cubana máis coñecida como Celia Cruz:

- Ai! non hai que chorar, que a vida é un carnaval e as penas vanse cantando.

Disfrutade do Entroido!

Imaxe: lacasainfantil.com

MOZ@S E CAMBIO CLIMÁTICO

Greta Thunberg e activistas de Mocidade polo Clima e Fridays For Future durante a rolda de prensa en Madrid / Getty.

Estes días estase a celebrar en Madrid a COP25. Nel participa Greta Thunberg, que cos seus 16 anos, converteuse nun dos personaxes máis relevantes do ano 2019 polo seu activismo climático.

Aquí tes algunhas das frases máis importantes que pronunciou Greta durante a súa presenza nos eventos da COP25:

“Eu só son unha pequena peza, necesitamos máis referentes no activismo polo clima”

“Espero realmente que a COP25 sexa unha ocasión para que os políticos fagan algo fronte á emerxencia, e que isto sexa algo que non poidan ocultar máis”

"O cambio é o que os mozos pedimos, e a nosa voz está a ser por fin escoitada. Por iso, están desesperados por tentar silenciarnos"

“Levamos un ano facendo folga sobre o clima, e seguen sen facer nada. A xente está a sufrir e morrendo e non podemos continuar así”

“Os eloxios non nos van a salvar, senón as vosas accións”

“Non queremos só promesas, e xa oímos moitas. Queremos que actuedes"

FONTE: Laura Marcos/muyinteresante.es

ALGUNHAS FRASES DE OSCAR WILDE

Oscar Wilde / semanariouniversidad.com

Oscar Wilde (Oscar Fingal O’Flahertie Wills) (Dublín-Irlanda, 1854 - París-Francia, 1900) permanece como un dos pensadores máis punzantes, divertidos e contemporáneos. De ser o rei da alta sociedade londiniense á morte solitaria e cruel en París por amar a quen non debía, el mesmo foi a súa mellor creación. Son especialmente famosas as súas obras teatrais, pero que ninguén perda os seus artigos e relatos curtos. Incluso a transcrición do xuízo que desgraciou a súa vida para sempre (foi condenado por "indecencia grave" ao descubrirse a súa relación con Alfred Douglas) está cheo de momentos  hilarantes.

Quí tes algunhas das súas frases que son tan universais e contemporáneas que son facilmente aplicables ao aquí e o agora: a un mundo cada vez máis individualista, uns políticos cada vez máis ensimesmados e un futuro cada vez menos claro.

- “A sociedade existe só como un concepto mental, no mundo real só existen os individuos”

- “Os nenos comezan amando aos seus pais, despois dun tempo xúlganos, e raramente, se é que nunca, perdóanos”

- “A vida é unha cousa demasiado importante como para tomala en serio”

- “Non ten inimigos, pero é enormemente desprezado polos seus amigos”

- “Cada vez que a xente está de acordo comigo sinto que me estou equivocando”

- “A experiencia non é máis que o nome que damos aos nosos erros”

-  “O home está máis afastado de si mesmo cando fala de cara. Dálle unha máscara e dirache a verdade”.

- “Cando era mozo pensaba que o diñeiro era o máis importante na vida, agora que son maior sei que o é”

- “Os verdadeiros amigos apuñálante de fronte”

Memorables!

FONTE:icon/elpaís.com

SABES QUEN O DIXO (FIN)

A contestación correcta á pregunta do último día de Quen o dixo? é Verdadeiro. Oscar Wilde (1854-1900) foi un dos dramaturgos máis destacados do Londres victoriano tardío e moi coñecido na súa época polo seu incrible enxeño. “Perdoa ao teu inimigo. Non hai nada que lle enfurezca máis ás veces si", é outra das súas citas famosas.

Sinatura de Wilde/Wikipedia

Así remata esta serie adicada a frases celebres e os seus autores. Ata a próxima! 

FONTE: muyinteresante.es