POR QUE AS AVES MARIÑAS COMEN PLÁSTICOS?
Unha das grandes preguntas sobre a contaminación por plásticos dos océanos é por que os animais cómense estes refugallos. Ata agora, a resposta máis aceptada era que os confunden visualmente con comida. Pero é difícil de explicar como especies adaptadas ás súas contornas durante miles de anos de evolución poden equivocarse en algo tan básico como o alimento.
Un novo estudo, publicado onte, achega unha resposta algo máis complexa, pois demostra que os plásticos cheiran exactamente como a comida da que se alimentan as aves mariñas. O traballo centrouse no grupo das procelariformes, que inclúe a albatros, petreles e pardelas. Estas especies teñen un afinado olfacto para o sulfuro de dimetilo (DMS), un composto bioquímico que segrega o fitoplancto en descomposición e que lles indica o punto onde hai alimento. O composto é un dos principais responsables do cheiro a mar e ten un papel crave no clima.
Un equipo de investigadores da Universidade de California en Davis (EE UU) demostrou que, tras menos dun mes flotando en augas mariñas, os plásticos máis comúns comezan a emitir sulfuro de dimetilo. Tamén demostraron que este composto está directamente relacionado coa inxestión de plástico por parte das aves mariñas. O seu estudo, publicado en Science Advances, mostra que as especies analizadas son cinco veces máis propensas a abarrotarse de plástico que outras que non poden olfatear o DMS.
Cada ano, os humanos tiramos ao mar oito millóns de toneladas de plástico. A maioría chega ao mar desde Terra, en parte pola falta de reciclaxe. Máis de 200 especies de mamíferos, peces, aves e tartarugas consomen estes residuos, que obstruyen o tracto dixestivo dos animais e resultan tóxicos nalgúns casos. Por exemplo, un estudo publicado este ano apuntaba a que os microplásticos están a intoxicar a algúns peixes do Báltico e poderían explicar o declive dalgunhas especies de interese pesqueiro. Ao actual ritmo de contaminación dos mares, o 99% das aves mariñas inxerirán plástico en 2050, resalta o novo estudo.
FONTE: Nuño Domínguez/Xornal El País
0 comentarios