IMAXES DE OSIRIS-REX RECOLLENDO MOSTRAS EN BENNU
Vídeo: A nave Osiris-Rex da NASA fai historia ao recller mostras do asteroide Bennu / Atlas
A axencia espacial estadounidense difundiu as primeiras imaxes, nun vídeo de apenas dez segundos e en varias fotografías, do achegamento vinte e catro horas antes da sonda OSIRIS-REx ao asteroide Bennu, situado actualmente a 320 millóns de quilómetros da Terra e que viaxa a unha velocidade de máis de 100.000 km/h.
O vídeo mostra os últimos instantes do achegamento do brazo robótico, articulado e de máis de tres metros de lonxitude, da sonda á superficie pedregosa do asteroide, e a nube de partículas e pequenas pedras que saen despedidas ao impactar contra a superficie un chorro de nitróxeno a alta presión. Dese rebumbio de residuos, a NASA espera que a OSIRIS-REx puidese recoller un mínimo de 60 gramos de mostras de menos de dous centímetros de diámetro. Se a recollida de mostras non resultase satisfactoria, a sonda podería realizar un novo intento o próximo mes de xaneiro, para emprender en marzo unha viaxe de regreso á Terra que durará dous anos.
0 comentarios