EXTRAVAGANTE DISOSAURO CON PELO E BALLENAS

 

Un equipo internacional decubriu entre os fósiles da colección do Museo Estatal de Historia Natural de Karlsruhe, en Alemaña, un dinosauro distinto a calquera outro coñecido. Aínda que aos científicos pasáralle inadvertido ata o de agora, en vida, esta criatura non era precisamente invisible. O dinosauro, do tamaño dun pito moderno, paseábase hai 110 millóns de anos polo que hoxe é Brasil co aspecto máis fabuloso que se poida imaxinar. Unha longa mata de pelo percorría o seu dorso ata as súas patas e, o que é máis enigmático, unhas baleas de queratina, longas e ríxidas, proxectábanse cara a fóra e cara atrás dende os seus ombreiros.

Os paleontólogos, que nunca viron cousa igual, cren que o animal utilizaba estes extravagantes atributos para cegar aos seus potenciais parellas ou intimidar a depedradores ou competidores. O achado, publicado na revista Cretaceous Research, pode lanzar luz sobre como os pavos reais e outras aves herdaron a súa capacidade para lucirse.

O espécime foi recuperado das dúas laxas de pedra nas que estaba. Utilizando raios X, os investigadores atoparon elementos esqueléticos e tecidos brandos previamente ocultos, o que lles permitiu construír unha imaxe clara das súas características. Bautizaron á nova especie como Ubirajara jubatus, un nome indio tupí para Señor da lanza, en referencia precisamente ás estruturas alongadas, planas e ríxidas da criatura, cada unha cunha pequena crista afiada no medio. Estas baleas estaban colocadas para non impedir a liberdade de movemento nos brazos e patas, polo que non molestarían ao animal á hora de cazar, acicalarse ou enviar sinais.

As cintas "probablemente usáronse para exhibirse, atraer á parella, rivalizar entre machos ou escorrentar ao inimigo", afirma o coautor do estudo na Universidade de  Portsmouth. Os investigadores non poden probar o sexo do espécime, pero cren probable que fose un macho novo, "o cal é sorprendente dado que as habilidades de exhibición máis complexas están reservadas para machos adultos maduros", engade. Ademais, dada a súa extravagancia, non cre difícil imaxinar que o dinosauro se entregaara a un baile elaborado para mostrar o seu rechamante aspecto. 

Unha sección da longa e espesa pelambrera que corre polo lombo do animal conservábase case intacta. As patas tamén estaban cubertos de  filamentos parecidos a pel. Crese que este pelo era controlado por músculos que permitíanlle levantarse, de maneira similar a un can que arrepían o seu pelo ou un puerco espiño levanta as súas espiñas cando está ameazado. Desta forma, Ubirajara podería aplanar a súa melena preto da pel cando non estaba exhibíndose, o que permitiríalle moverse rapidamente sen enredarse na vexetación.

Pero, por que engalanarse dunha maneira que te faga máis obvio tanto para a túa presa como para os depredadores potenciais? Para moitos animais, o éxito evolutivo é máis que simplemente sobrevivir, tamén debes lucirte ben se queres transmitir os teus xenes á próxima xeración.  As aves modernas son famosas pola súa elaborada plumaxe e exhibicións que utilizan para atraer parellas; a cola dos machos do pavo real e as aves do paraíso son exemplos claros. Ubirajara móstranos que esta tendencia para lucirse non é unha característica única das aves, senón algo que as aves herdaron dos seus devanceiros dinosauros.

FONTE: J. de Jorge/abc.es/ciencia                       Imaxe: Bob Nicholls/Paleocreations.com 2020