NUNHA SOCIEDADE TECNOLÓXICA, A EDUCACIÓN É CLAVE

 

Que é un algoritmo? En que se diferencian a ciencia e a tecnoloxía? Por que o sistema de numeración posicional cambiou a historia? E quen foi “o matemático errante”?

 A curiosidade lévanos a indagar nos misterios da ciencia e a explorar un mundo fascinante que, á súa vez, permítenos coñecernos como humanidade. Para o matemático Enrique Gracián, o coñecemento científico significa “saber de cultura, igual que sabemos de música ou de arte, e así entender o porqué de moitos procesos e cambios da historia”.

 Licenciado en matemáticas pola Universidade de Barcelona, Enrique Gracián foi durante anos o subdirector do mítico programa ‘Redes’ de TVE, xunto a Eduard Punset. Conta cun longo historial como docente en diversos ámbitos académicos e colaborou na sección de ciencia de medios como ‘La Vangardia’ e ‘El País’. Tamén é o creador do método ’SANGAKOO’, un sistema innovador para a didáctica das matemáticas. Entre as súas publicacións destacan as biografías do matemático Von Neumann e do científico Robert Hooke, así como os libros de divulgación matemática ‘O Infinito, un descubrimento sen fin’ e ‘Os números primos, o longo camiño cara ao infinito’. En 2020 publicou o seu último ensaio, titulado ‘Construír o mundo’.