INVENTORES QUE SE ARREPENTIRON DAS SÚAS CREACIÓNS VII

Continúo coa serie adicada a es serie de inventores que, a pesar de que as súas creacións coparon os titulares dos medios de comunicación da época, arrepentíronse dos seus propios inventos, atormentando continuamente a súa conciencia.

Hoxe falaremos de...

7. Robert Propst: Oficina de Acción

Actualmente, para a maioría das persoas, estar nun cubículo de oficina pode parecer o peor dos castigos. Con todo, este non era o obxectivo principal do seu inventor,o americano Robert Propst (Colorado, 1921-2000), quen ao ver o que se fixo coa súa creación, lamentouse profundamente.

A finais dos anos sesenta e inicios da década do setenta, os deseños futuristas estaban de moda. Sobre a base disto, Propst deseñou un estilo de oficina futurista no que se prescindía de portas e paredes reais.

Iste invento recibiu o nome de “Oficina de Acción” e, nos seus primeiros modelos presentábase como unha oficina ao aire libre, con paredes falsas que ofrecían espazo para colocar o traballo e manter contacto cos compañeiros de traballo.

Tecnicamente, o deseño orixinal contemplaba unha maior cantidade de espazo para os usuarios dos cubículos. Pola súa banda, outro beneficio asociado ao invento de Propst é que resultaba máis económico para as empresas.

Desta forma, o invento foi adoptado por unha gran parte das empresas a nivel mundial. Con todo, co pasar dos anos, o deseño foise desvirtuando ata converterse nos espazos pequenos e limitados que a maioría dos usuarios rexeitan apaixonadamente.

En atención a isto, o inventor, cando tiña uns 80 anos de idade, manifestou estar arrepentido e lamentar o resultado do seu invento, o que, nas súas palabras, chamou unha “tolemia monolítica”.

FONTE: Idea orixinal Sarah Romero/muyinteresante.es e tekcrispy.com     Imaxe: hermanmiller.com e tekcrispy.com