A VONTADE DE APRENDER É O PASO MÁIS IMPORTANTE PARA O CAMBIO

 

O deporte arrebatoulle unha perna pero tamén salvoulle a vida. Con tan só 16 anos, Desirée Vila sufriu un accidente practicando ximnasia acrobática e, debido a unha neglixencia médica, perdeu a súa perna dereita. Un ano e medio despois xa estaba a correr. “Hai que ter a capacidade de seguir adiante a pesar das adversidades e seguir esforzándoche por facer o que máis che gusta, que no meu caso é o deporte”, afirma a atleta.

Vila abrazou a súa discapacidade para alcanzar a elite do deporte. Entregada ao atletismo, actualmente compite nas probas de 100 metros e triplo salto, coa que logrou un diploma olímpico nos Xogos Paralímpicos de Tokio. A atleta compaxina a súa carreira deportiva cos estudos de Relacións Internacionais na Universidade Rei Xoán Carlos e un intenso labor de divulgación sobre discapacidade en redes sociais. “Aínda queda moito traballo por facer para dar a coñecer a discapacidade”, recoñece. Na autobiografía ‘O único incurable son as ganas de vivir’, a deportista relata a súa experiencia cunha discapacidade sobrevinda. Desirée Vila obtivo a Medalla de Ouro da Real Orde do Mérito Deportiva grazas aos seus logros deportivos no atletismo paralímpico e por converterse nun un referente de resiliencia e visibilización da discapacidade.