COGOMELOS RAROS QUE SE ATOPAN EN GALICIA IX

Continúo coa serie adicada aos cogomelos moi particulares ou raros que podemos atopar en Galicia, que coa chegada ao outono as condicións meteorolóxicas son idóneas para a proliferación destes fungos, polo que é a estación do ano na que máis especies agroman.

9. COGOMELO DO CURA

Si que podemos atopar especies moi saborosas e comestibles nos montes galegos. É o caso da Russula virescens, comunmente coñecida como cogomelo do cura. É considerado como un dos mellores cogomelos comestibles do xénero Russula e​ é moi popular en España e China. Cun sabor descrito como suave, amendoado, afroitado ou doce, pódese cociñar á grella, frito, salteado ou consumido cru. Non é moi coñecida entre a cidadanía pero o seu sabor merece a pena.

Continuará…

FONTE: Nadia Iglesias/gciencia.gal/medioambiental      Imaxe: Wikimedia Commons