CANTO SABES SOBRE A TÁBOA PERIÓDICA? IX

Continúo coa serie adicada á táboa periódica dos elementos, unha disposición en formato de táboa dos elementos químicos, ordenados polo seu número atómico, configuración electrónica e propiedades químicas recorrentes.

A contestación correcta á pregunta de onte é Número de protóns. É unha partícula subatómica cunha carga eléctrica elemental positiva 1 (1,6 × 10-19 C), que é igual en valor absoluto e de signo contrario á do electrón, e unha masa 1.836 veces superior á dun electrón. Este número é o que ordena os elementos na taboa periódica. Un exemplo…

E imos coa pregunta de hoxe!

9. Non todos os elementos da táboa periódica atópanse na natureza de maneira libre, ou polo menos aquí na Terra. Algúns deles foron sintetizados nun laboratorio, motivo polo cal reciben o nome de elementos sintéticos. Sabes cal destes elementos foi "creados de maneira artificial"?

- Cloro

- Circonio

- Plutonio

- Oganesón

Mañá a solución e una nova pregunta!

 FONTE:  nationalgeographic.com.es e es.wikipedia.org    Imaxe: concepto.de e rinconeducativo.org/es

CHEGA O VERÁN 2025

O verán de 2025 no hemisferio norte comezará hoxe, 21 de xuño,  ás 22 horas 42 minutos hora oficial peninsular segundo cálculos do Observatorio Astronómico Nacional.

Posición da Terra en relación co Sol durante o solsticio de verán no Hemisferio Norte / Vito Technology, Inc.

O solsticio de verán marca o primeiro día de verán en termos astronómicos. Neste día, experimentamos o día máis longo e a noite máis curta.

Esta estación durará aproximadamente 93 días e 16 horas, e terminará o 22 de setembro co comezo do outono.

Bo verán a tod@s!

SOPA DE LETRAS CLXXVI

RIBADAVIA           ALLARIZ           VILARDEVÓS

ENTRIMO               PUNXÍN            SARREAUS

BANDE                   OURENSE          CARBALLIÑO

LOBIOS                   MASIDE            CELANOVA

AVIÓN                    TOÉN                 VERÍN

A ORIXE DAS PALABRAS: DOURAR A PÍLULA

Dourar a pílula é preparar o camiño para dar unha mala noticia, dando rodeos para mitigar o dano que se vai a sufrir o receptor da mensaxe: "Basta de palabrerías; non fai falta que me doures a pílula para dicirme que xa non me queres". Pero tamén, adular a alguén para conseguir algo, é dicir facerlle a pelota: Rodolfo está a dourar a pílula ao xefe para conseguir unha subida de soldo".

Cando un pensa nunha pílula, imaxina esa cápsula pequena que contén medicamento para ser inxerido vía oral. Trátase dunha solución para enmascarar o mal sabor do fármaco, xa que ademais mestúrase cun excipiente, cuxa patente foi rexistrada en París en 1834 polo farmacéutico francés Mothes. Con todo, a pílula do modismo pouco ten que ver coa de Mothes.

Así pois, camuflar o mal sabor dunha medicina, recubríndoa dalgún sabor máis apetecible ou de pigmentos coloridos ou dourados, é un labor que os boticarios levan facendo desde hai varios séculos. A frase foise orixinando como unha especie de metáfora dese traballo farmacolóxico: ofrecer algo amargo, pero nun continente máis atractivo para poder ser inxerido.

O normal era mergullar as pílulas en concentrados doces que se mesturaban en sabor para que así absorbesen o mellor posible o concentrado doce. Despois secábano a lume lento ata que estes compoñentes doces producían unha capa que envolvía a estes compoñentes máis desagradables para o padal dos pacientes.

Por isto comezou a utilizarse esta expresión de maneira literal porque os boticarios o que facían era dourar a pílula para facela máis comestible.

FONTE: M. Sánchez/elmundo.es      Imaxe: María Isabel Sanchez/lmcipolletti.com

CANTO SABES SOBRE A TÁBOA PERIÓDICA? VIII

Continúo coa serie adicada á táboa periódica dos elementos, unha disposición en formato de táboa dos elementos químicos, ordenados polo seu número atómico, configuración electrónica e propiedades químicas recorrentes.

A contestación correcta á pregunta de onte é Mercurio. Estaba claro, case todos vimos algunha vez un termómetro. De feito o mercurio foi coñecido polos antigos gregos por outro nome: hydrargyros, palabra formada polos vocábulos hydros, auga; e argiros, prata, é dicir, prata líquida. O seu símbolo químico é Hg.

 

E imos coa pregunta de hoxe!

8. Os elementos químicos da táboa periódica están ordenados polo seu número atómico. Pero que nos indica ese número?

- Número de electróns

- Numero de neutróns

- Número de protóns

Mañá a solución e una nova proposta!

FONTE:  e es.wikipedia.org    Imaxe: nationalgeographic.com.es e astronomia.fandom.com

CALENDARIO ESCOLAR CURSO 2025/2026 GALICIA

Hoxe, 20 de xuño, rematan as actividades lectivas do curso 2024/2025, pero xa temos que pensar no próximo curso. Imos coñecer o calendario do mesmo. 

A O próximo curso escolar 2025/2026 comezará o próximo 8 de setembro e finalizará o 19 de xuño de 2026 para todas as etapas educativas, excepto os segundos cursos dos ciclos formativos de grao Básico, Medio e Superior de FP, que finalizarán o 15 de xuño, tal e como publica o Diario Oficial de Galicia.

Con todo, no caso dos Ensinos de Réxime Especial, como xa se fixo no presente curso, tendo en conta as características e particularidades deste tipo de ensinos, poderá flexibilizarse o inicio das actividades lectivas ata o 15 de setembro como moi tarde. Tamén fai falta subliñar que no caso de 2º curso de Bacharelato as clases finalizarán de acordo coas datas previstas para a Proba de acceso á universidade, PAU.

Os períodos de vacacións escolares irán do día 22 de decembro de 2025 ao 7 de xaneiro de 2026, ambos inclusive, en Nadal; os días 16, 17 e 18 de febreiro de 2026 para o Entroido, e desde o día 30 de marzo ao 6 de abril, ambos os incluídos, para a Semana Santa. Ademais, serán días non lectivos o 31 de outubro (Día do ensino), o 3 de novembro e as festas laborais de ámbito estatal, autonómico e local.

A orde de calendario tamén recolle que, para o próximo curso, as probas de avaliación de diagnóstico fixadas polo Goberno do Estado a través da LOMLOE para 4º de Primaria terán lugar entre o 20 e o 24 de abril, e para 2º de ESO realizaranse entre o 13 e o 17 de abril.

En canto ao período de adaptación para o alumnado de 4º curso de Educación Infantil, os centros poden optar por unha incorporación gradual que non se prolongará máis aló do 12 de setembro.

CANTO SABES SOBRE A TÁBOA PERIÓDICA? VII

Continúo coa serie adicada á táboa periódica dos elementos, unha disposición en formato de táboa dos elementos químicos, ordenados polo seu número atómico, configuración electrónica e propiedades químicas recorrentes.

A contestación correcta á pregunta de onte é Metais. Aínda que poida parecer o contrario, o que máis abunda na táboa periódica son os metais. De feito existen tan só 20 elementos non metálicos e 7 elementos clasificados como metaloides. Os 91 elementos restantes son metais.

E imos coa pregunta de hoxe!

7. E falando de metais, sabes cal é o único metal que podemos atopar na Terra en condicións normais en estado líquido?

- Manganeso

- Mercurio

- Chumbo

Mañá a solución e una nova proposta!

FONTE:  nationalgeographic.com.es e es.wikipedia.org    Imaxe: humanidades.com

#DígochoEu: Cóntoche como detectar as apps espía que nos poden instalar os #cibercarrachos

Esther explicanos como detectar unha aplicación espia. Coidado cos #cibercarrachos 😈!

#DígochoEu