TAL DÍA COMO HOXE: 22 DE MARZO...

1518 En Valladolid, o navegante portugués Fernando de Magallanes asina unhas capitulacións polas que é nomeado capitán xeral da Armada e gobernador das terras que se descubran.

1835 No Teatro do Príncipe (de Madrid) estréase Don Álvaro ou a forza do senón, do Duque de Rivas, o que supuxo o triunfo definitivo do romanticismo en España.

1895 Os irmáns Lumière (Auguste e Louis) dan a primeira exhibición dunha película cinematográfica.

1928 España reincorpórase á Sociedade de Nacións.

1979 Xoán Carlos I inaugura a sede da Real Academia da Lingua Galega.

2006 En España, a banda terrorista ETA declara un cesamento do fogo permanente.

FONTE: hoyenlahistoria.com    Imaxes: hoyenlahistoria.com e elmundo.es

CANTO SABES DE LITUANIA? II

Continúo coa serie, que onte comezamos, adicada a Lituania, a maior e máis poboada das tres repúblicas bálticas, situada no nordés de Europa cun rico patrimonio histórico, paisaxes cubertas por densos bosques e costas no mar Báltico.

A contestación correcta á pregunta de onte é Limita ao norte con Letonia, ao sueste con Belarús, ao sur con Polonia, ao suroeste co enclave ruso de Kaliningrado e ao oeste co mar Báltico. A saber...

E imos coa pregunta de hoxe!

2. Cal é a capital de Lituania?

- Kaunas

- Klaipéda

- Vilna

- Šiauliai

Mañá a solución e unha nova proposta!

FONTE: es.wikipedia.org     Imaxes: elcorreo.com e buendia.travel

SOLUCIÓN ENCRUCILLADO CXCV

VERTICAIS: 1. TURMALINA 2. ÚBALO 3. ESTRUGA 8. NEGREIRA.

HORIZONTAIS: 4. KHARG 5. ASTATO 6. POXA 7. LATÓN 9. VILNA 10. UKELELE.

Máis cultura xeral!

TAL DÍA COMO HOXE: 21 DE MARZO...

752 En Roma (Italia) elíxese Esteban II como papa, pero morre tres días antes de ser ordenado bispo de Roma, polo que non llo considerou un papa lexítimo.

1188 En Xapón, Antoku convértese en emperador.

1413 En Inglaterra, Enrique V convértese en rei.

1963 En Estados Unidos péchase oficialmente a prisión da illa de Alcatraz, debido á contaminación que producía na baía de San Francisco

1965 En cabo Cañaveral (Estados Unidos), a NASA lanza a nave Ranger 9, que será a última sonda lunar.

FONTE: hoyenlahistoria.com    Imaxe: lavanguardia.com

CANTO SABES DE LITUANIA?

Lituania é maior e máis poboada das tres repúblicas bálticas. É pequena pero non minúscula. Aínda que soe estraño, o centro xeográfico de Europa áchase neste país do nordés de Europa cun rico patrimonio histórico, paisaxes cubertas por densos bosques e costas no mar Báltico.

Queres coñecer un pouco mellor lituania? Si? Pois comezamos!

1. Cales son os límites de Lituania?

- Limita ao norte con Estonia, ao sueste con Belarús, ao sur con  Rusia, ao suroeste con Polonia e ao oeste co mar Báltico.

- Limita ao norte con Letonia, ao sueste con Belarús, ao sur con Polonia, ao suroeste co enclave ruso de Kaliningrado e ao oeste co mar Báltico.

Mañá a solución e unha nova proposta!

FONTE: es.wikipedia.org    Imaxes: lonelyplanet.es e mapamundi.co

ENCRUCILLADO CXCV

VERTICAIS: 1. Mineral formado por un silicato de boro e aluminio, con pequenas cantidades doutras substancias, que cristaliza no sistema trigonal en prismas alongados de caras convexas 2. Pequeno paxaro paseriforme da familia dos frinxílidos, que en Galicia é escaso e aparece principalmente en inverno nas áreas forestais, tanto de coníferas coma de bosque mixto, onde se alimenta de sementes de todos os tipos, especialmente de amieiros e de coníferas 3. Planta herbácea da familia das urticáceas, da que existen diferentes especies que se caracterizan por ter o talo e follas cubertos de pelos urticantes e flores en acio, que ao contacto coa pel produce proído e ampolas 8. Concello da provincia da Coruña, pertencente á comarca da Barcala, onde se atopa o Pazo do Cotón, situado ó pé do Camiño Real, construción dos séculos XVII-XVIII.

HORIZONTAIS: 4. Nome da illa, piar fundamental da economía iraniana, xa que xestiona aproximadamente o 90 % das exportacións de cru do país 5. Elemento químico de propiedades similares ao iodo, que pertence ao grupo dos halóxenos e de símbolo At 6. Venda pública que consiste en adxudicar algo a quen máis ofrece por el 7. Aliaxe de cobre e zinc en distintas proporcións 9. Capital de Lituania 10. Instrumento musical de corda, semellante a unha guitarra, pero de menor tamaño e con catro cordas.

TAL DÍA COMO HOXE: 20 DE MARZO...

1786 En Suecia, o rei Gustavo III funda a Academia Sueca

 

1852 En EE. UU., Harriet Beecher Stowe publica A cabana do tío Tom, que supuxo un gran apoio á causa da emancipación dos negros.

1854 Na cidade de Ripon (Wisconsin) fúndase o Partido Republicano de Estados Unidos.

1915 No observatorio de Barcelona, o astrónomo José Comas e Solá, descobre o asteroide 804, bautizado co nome de Hispania. É o primeiro asteroide descuberto por científicos españois.

1918 Harlow Shapley calcula, utilizando a telemetría fotométrica, que o Sol se atopa a unha distancia de 50.000 anos-luz do centro da nosa galaxia 

2013 Lanzamento da consola Ouya.

FONTE: hoyenlahistoria,com    Imaxes: es.wikipedia.org e hobbyconsolas.com

CHEGA A PRIMAVERA 2026

Floración /rinconverdeagro.com

Hoxe, 20 de marzo 2026, entrará a primavera ás 15:46 (hora de España). Durará 92 días e 18 horas, ata o 21 de xuño, no que comerá o verán.

Durante este día, o Sol sitúase directamente sobre o ecuador terrestre. Isto provoca un efecto único: a duración do día e a noite é practicamente idéntica en case todo o planeta. Por unhas horas, a luz e a escuridade están en equilibrio. (Equinoccio).

A partir de aquí, os días comezan a alongarse rapidamente. O Sol sae un pouco antes cada mañá e ponse máis tarde cada tarde, regalándonos eses minutos extra de luz que tanto apreciamos para gozar das terrazas e os paseos ao aire libre.