CANTO SABES DE HUNGRÍA? XV

Continúo coa serir adicada a Hungría, un dos vintesete Estados soberanos que forman a Unión Europea e que se atopa na chaira panónica da Europa Central.

A contestación correcta á pregunta de onte é Potencias do Eixe.  Hungría foi durante a Segunda Guerra Mundial membro das potencias do Eixo. Na década de 1930, o Reino de Hungría baseou a súa estratexia para saír da Gran Depresión no incremento do comercio coa Italia fascista e a Alemaña nazi o que trouxo como consecuencia un xiro á dereita da política húngara e unha aproximación en política exterior aos mencionados países, da que Hungría obtivo beneficios territoriais temporais: diversas disputas territoriais con Checoslovaquia, a Eslovaquia, e Romanía saldáronse con acordos negociados favorables a Hungría. En 1940, baixo a presión de Alemaña, Hungría uniuse ao Eixo. Aínda que esperaba evitar a participación directa na guerra, esta pronto se fixo inevitable. En 1941, as forzas húngaras participaron na invasión de Iugoslavia e a invasión da Unión Soviética. Mentres combatía contra a Unión Soviética, Hungría mantivo negociacións de paz secretas cos Estados Unidos e o Reino Unido. Hitler descubriu a súa traizón e, en 1944, as forzas alemás ocuparon Hungría para evitar unha deserción similar á de Italia. Cando as tropas soviéticas aproximábanse ao territorio húngaro o rexente Miklós Horthy asinou un armisticio entre Hungría e a Unión Soviética. Os alemáns reaccionaron e o fillo de Horthy foi secuestrado por un comando alemán mentres as tropas de Hitler ocupaban a capital, na que o rexente non contaba coas forzas necesarias. Horthy viuse obrigado a revogar o armisticio e pouco despois foi deposto do poder e internado en Alemaña. En 1945 as forzas húngaras e alemás en Hungría foron derrotadas polos soviéticos.

E imos coa pregunta de hoxe e última da serie!

15. Cal é a flor nacional de Hungría?

- Rosa

- Violeta

- Tulipán

- Margarida

Mañá a solución e una nova proposta!

FONTE: es.wikipedia.org     Imaxes: eurasia1945.com

#DígochoEu Non me chames rubia!

O capítulo de hoxe vaiche axudar a distinguir ben as cores do pelo! 

#DígochoEu

O DÍA MÁIS CALOROSO XAMAIS REXISTRADO NA TERRA

O pasado 21 de xullo de 2024, domingo, foi o día máis caloroso xamais rexistrado a nivel mundial, segundo os datos preliminares publicados polo monitor climático da UE

Segundo o Servizo de Cambio Climático de Copérnico (C3S), a temperatura media global do aire en superficie, de 17,09 graos Celsius o domingo, foi a máis cálida dos seus rexistros, que se remontan a 1940.

"A Terra acaba de experimentar o seu día máis cálido", dixo o monitor nun comunicado. A nova máxima diaria superou en 0,01 graos centígrados a anterior temperatura récord de 17,08 rexistrada o 6 de xullo de 2023.

"Agora atopámonos nun territorio verdadeiramente inexplorado e, a medida que o clima siga quentándose, seguramente veremos como se baten novos récords nos próximos meses e anos", engadiu.

Cada mes desde xuño de 2023 ha eclipsado o seu propio récord de temperatura en comparación co mesmo mes de anos anteriores.

Segundo Copernicus, neste contexto e en pleno verán boreal, non é «totalmente inesperado» que se supere este novo máximo diario.

Podería verse eclipsado pola forte calor experimentada a principios desta semana, segundo o monitor, que apunta a un refacho de días récord ocorridos en xullo e agosto de 2023.

Esperábase que as temperaturas globais alcanzasen o seu punto máximo e descendesen pronto, aínda que podería haber máis fluctuaciones nas próximas semanas, segundo Copernicus. Proba delo é o novo aviso da AEMET para esta fin de semana.

O cambio climático está a provocar fenómenos meteorolóxicos extremos máis longos, fortes e frecuentes, como ondas de calor e inundacións, e este ano estivo marcado por grandes catástrofes en todo o planeta.

Este ano xa se produciron ondas de calor mortais en América do Norte, México, India e Tailandia, por nomear algúns países, mentres que as inundacións devastaron partes de África Oriental, China e Brasil.

Os incendios forestais esténdense polo sur e o leste de Europa, así como por Canadá e Estados Unidos, xa que as prolongadas temperaturas abrasadoras nalgunhas partes do hemisferio norte fan que as condicións sexan de seca extrema.

A queima de combustibles fósiles é o principal motor do quecemento global, pero as emisións de gases de efecto invernadoiro que atrapan a calor seguen aumentando, a pesar dos esforzos internacionais por cambiar a enerxías limpas e frear o aumento das temperaturas.

Segundo Copernicus, 2023 foi o ano máis caloroso xamais rexistrado e 2024 podería seguirlle os pasos tendo en conta as temperaturas «suficientemente cálidas» experimentadas ata a data.

Pero era demasiado pronto para predicir con seguridade cal dos dous anos sería máis cálido, engadiu.

FONTE: Baltasar Pérez/quo.eldiario.es/natureza

O #DígochoEu vai á praia!

Con esta calor non hai quen pare! Por iso o #DígochoEu vai á praia e tráenos varias palabriñas coas que ás veces metemos a zoca!

CANTO SABES DE HUNGRÍA? XIV

Continúo coa serie adicada a Hungría, un dos vintesete Estados soberanos que forman a Unión Europea e que se atopa na chaira panónica da Europa Central.

A contestación correcta á pregunta de onte é Forinto. Ou florín húngaro é a moeda de uso oficial en Hungría. Un forint divídese en 100 fillér (división só teórica: o fillér xa non está en circulación) Como membro da Unión Europea, a meta do goberno húngaro é substituír o forinto polo euro a longo prazo.

 

E imos coa pregunta de hoxe!

14. Na segunda Guerra Mundial, Hungría formou parte do bando…

- Aliados

- Potencias do Eixe

Mañá a solución e última pregunta da serie!

FONTE: es.wikipedia.org     Imaxes: es.wikipedia.org e es.ucoin.net

SERÍA IMPOSIBLE VIAXAR DONDE O FAGO SEN HOSPITALIDADE

Con máis de cinco millóns de seguidores e máis de catrocentos millóns de visualizacións, Rubén Díez, máis coñecido como Lethal Crysis, é un dos viaxeiros e creadores de contidos máis recoñecidos en España pola Xeración Z. A súa canle de Youtube é a xanela ao mundo onde percorre os lugares máis extremos e descoñecidos, como unha forma de traducir a diversidade cultural e tradicional á linguaxe documentalista.

No seu libro Un mundo de historias recolle algúns dos momentos extraordinarios que viviu este mozo viaxeiro e desvela costumes ou vivencias insólitos. "É difícil ser racista se viaxaches, porque todos estes prexuízos que tes sobre outras persoas e outras culturas, vánseche cando precisamente ti mesmo necesitas da axuda destas persoas porque estás nun lugar onde non hai hoteis, non hai restaurantes. Quen che vai a dar para comer? Onde dormes? Dependes plenamente de certas familias locais, da súa hospitalidade", reflexiona.

Lethal Crysis percorreu países en tempos de postguerra, zonas de temperaturas extremas, desde a tundra ao deserto, pasando pola selva e os océanos.

CANTO SABES DE HUNGRÍA? XIII

Continúo coa serie adicada a Hungría, un dos vintesete Estados soberanos que forman a Unión Europea e que se atopa na chaira panónica da Europa Central.

A contestación correcta á pregunta de onte é Urálicas. O húngaro ou magiar e unha lingua que se fala en Hungría e áreas adxacentes de Romanía, Serbia, Eslovaquia, Croacia, Austria e Eslovenia. Pertence ao grupo das linguas ugrofinesas da familia das linguas urálicas, máis especificamente, dentro do subgrupo das linguas ugrias. Xunto co estoniano, o éuscaro e o finés, pertence ao grupo das linguas europeas que non son da familia das linguas indoeuropeas, coas que tamén comparte o trazo tipolóxico de ser unha lingua aglutinante. 

E imos coa pregunta de hoxe!

13. Cal é a moeda oficial de Hungría?

- Euro

- Forinto

- Dinar

- Lira

Mañá a solución e una nova proposta!

FONTE: es.wikipedia.org    Imaxes: es.wikipedia.co e as.com 

SABÍAS QUE... OS SERES QUE VIVEN NA ALCAHOFA DA TÚA DUCHA

Algunha vez preguntácheste que segredos esconde ese obxecto tan cotián que utilizamos a diario para refrescarnos? Detrás da inocente aparencia dunha “alcachofa” de ducha ocúltase un universo microscópico fascinante e, en ocasións, un pouco repugnante. Un mundo onde millóns de microorganismos libran unha batalla constante pola supervivencia e que merece que lle dediquemos un pouco de atención.

Imaxina a “alcachofa” da túa ducha como unha pequena cidade medieval, húmida e cálida, chea de rúas estreitas e recunchos escuros. Un labirinto de tubaxes e orificios no que habita unha gran variedade de microorganismos. Por esas angostas canellas conviven nunha harmonía caótica, formando unha comunidade microbiana única, bacterias, fungos e virus. Todos eles atoparon no noso baño o lugar perfecto para vivir e reproducirse.

As bacterias son, sen dúbida, as máis numerosas e diversas. Desde as coñecidas E. coli, que escapan dos nosos intestinos, ata as Pseudomonas, amantes da humidade e capaces de formar biopelículas deslizantes e pegañentas. Biopelículas que actúan a modo de escudos protectores, resgardando ás bacterias dos perigos externos e facilitando a súa supervivencia.

Os fungos son microorganismos filamentosos que atopan na “alcachofa” un festín de nutrientes, como poden ser restos de xabón e champú. Alí forman colonias ramificadas que se adhiren tenazmente ás superficies, creando un aspecto esbrancuxado e viscoso.

Unha biopelícula é unha comunidade de microorganismos, principalmente bacterias, que se adhiren a unha superficie e que se envolven nunha matriz pegañenta producida por elas mesmas. Esta matriz, composta por substancias como proteínas, polisacáridos e acedos nucleicos, proporciónalles protección e permítelles comunicarse entre si.

A primeira fase na formación dunha biopelícula é a adhesión, basicamente consiste en que as bacterias nadan libremente na auga ata que atopan unha superficie adecuada, como pode ser o interior da “alcachofa”, á que se aferran grazas a unhas estruturas bacterianas chamadas pili.

Unha vez adheridas, as bacterias comezan a producir a matriz extracelular, unha substancia pegañenta que as une entre si e aumenta a súa adherencia á superficie.

Aos poucos a biopelícula vai medrando, a matriz vólvese máis grosa e complexa, formando canles que permiten a circulación de nutrientes e a eliminación de refugallos. Cando as condicións ambientais vólvense desfavorables, algunhas bacterias poden desprenderse da biopelícula e iniciar unha peregrinación que as leva a colonizar novos lugares.

Por todo iso, énos fácil entender que as biopelículas das “alcachofas” póidanse converter nun serio problema para a nosa saúde, xa que as bacterias que hai nelas vólvanse máis resistentes aos desinfectantes e aos antibióticos, xa que a matriz protéxeas.

A pesar de que o describimos a nosa “alcachofa” de ducha como unha comunidade harmónica, a vida nela é complexa e existe unha loita constante polos recursos. As bacterias compiten polo espazo e os nutrientes, os fungos expanden as súas colonias e os virus buscan novas células ás que infectar.

A todo isto, hai que engadir a auga quente e o xabón que utilizamos para limpar os nosos corpos, os cales crean un ambiente dinámico e cambiante, favorecendo a proliferación de microorganismos.

Así que xa sabes, a próxima vez que te duches lembra que non está só, que millóns de microrganismos obsérvante desde as alturas.

FONTE: Pedro Gargantilla/abc.es/ciencia      Imaxe: cuidateplus.marca.com