"Dígocho eu" - King Kids ft. Esther Estévez
Aquí está a primeira canción finalista do concurso ’unha canción para Esther’! Son os King Kids e cántannos "Dígocho eu". O videoclip gravouse en Gallery Selfie Vigo.
A HISTORIA DUNHA NENA QUE SOÑOU SER PIANISTA
Medrou no Palacio de Belas Artes de Medellín-Colombia nunha época de racismo, clasismo e discriminación. En plenos anos 40, Teresa Gómez era a filla negra adoptada dos porteiros do edificio que albergaba a Escola de Música da cidade. Alí só estudaban as nenas brancas da alta sociedade, que chegaban ao Palacio en coches conducidos por choferes con luvas brancas. Naquel mundo, Teresita creceu sabendo que ela era distinta. Pero ela amaba a música e ás agachadas empezou a tocar pequenas pezas ao piano, que aprendera de oído. Como nun conto de fadas, a nena tocaba o piano a soas, pola noite e en segredo, ata que unha mestra descubriuna: “A negra está a tocar o piano!”, exclamou ao vela. Pronto esa mesma mestra entendeu que estaba diante hunha nena prodixio e ofreceuse a darlle clases de piano ás agachadas. Pouco despois, Teresita obtivo a oportunidade que merecía: estudar piano co resto das nenas. Teresa Gómez ofreceu o seu primeiro concerto como solista con tan só 10 anos.
Así foi a infancia da que hoxe é unha das máis grandes pianistas colombianas. Realizou estudos superiores de piano na Universidade Nacional de Colombia e, posteriormente, graduouse como concertista e mestra de piano Summa Cum Laude na Universidade de Antioquia. Nos anos 80, foi nomeada agregada cultural da Embaixada de Colombia na antiga República Democrática Alemá, desde onde divulgou a vida e obra dos máis destacados compositores colombianos por toda Europa. Con numerosos premios e recoñecementos, Teresa Gómez realizou centos de xiras e certames musicais por todo o mundo en representación de Colombia.
CANTO SABES SOBRE OCEANÍA? VIII
Continúo coa serie, adicada ao quinto continente, Oceanía. Un continente insular e tamén o máis pequeno do noso planeta, con 8.542.499 km².
A contestación correcta á pregunta de onte é 1-d, 2-a, 3-c, 4-b. Para velo máis claro:
E imos coa pregunta de hoxe!
8. Se te fixas nas imaxes superiores, a modo de exemplos, son moitas as bandeiras que repiten un símbolo. Que significado ten?
Mañá a solución e unha nova proposta!
FONTE: es.wikipedia.org Imaxe: es.wikipedia.org
#DígochoEu: #CiberEsther: É correcto dicir 'cookies'?
Hoxe #CiberEsther fálanos das cookies, que teñen un nome específico en galego. De feito, sabías que a RAG recomenda dicir ’rastros’ e non ’cookies’?
RESUCITAN UN VIRUS CONXELADO NO PERMAFROSTDURANTE 48.500 ANOS
Características morfolóxicas que guían a identificación temperá de virus recentemente illados (tinción negativa, microscopía electrónica de transmisión). (A) A gran partícula ovoide (1000 nm de lonxitude) dos Pandoravirus co seu ápice ostiolo característico (punta de frecha branca). (B) Unha mestura de partículas de Pandoravirus e partículas icosaédricas de Megavirus que exhiben unha "porta estelar" (estrutura similar a unha estrela de mar branca que coroa un vértice, punta de frecha branca). (C) A partícula alongada dun Cedratvirus (1500 nm de lonxitude) presenta dúas estruturas en forma de cortiza no vértice (puntas de frecha brancas). (D) A partícula alongada dun Pithovirus (1900 nm de lonxitude) exhibe unha estrutura similar a unha cortiza no vértice único (punta de frecha branca). (E) A gran partícula icosaédrica "peluda" (770 nm de diámetro) dun Megavirus, coa súa prominente "porta estelar" (punta de frecha branca). (F) A partícula icosaédrica máis pequena (200 nm de diámetro) típica dos Asfarvirus/Pacmanvirus / biorxiv.org
Científicos franceses reviviron un virus de 48.500 anos de antigüidade que estivo encerrado no permafrost siberiano desde a Idade de Xeo. Introducírono nun cultivo de amebas vivas e observaron que volvía a replicarse. Podería infectar a humanos.
Os científicos reviviron varios virus antigos, incluído un de 48.500 anos que é o máis antigo xamais recuperado. Estiveron encerrados no profundo do permafrost siberiano desde a Idade de Xeo.
Nun novo artigo publicado en bioRxiv, os autores desta investigación, da que é primeiro autor Jean-Marie Alempic, explican como identificaron e reviviron 13 virus pertencentes a cinco clados diferentes, a partir de 7 mostras colleitadas no xeado Afastado Oriente ruso.
Un clado é cada unha das ramificacións que se obtén despois de facer un único corte na árbore filoxenético. Empeza cun antepasado común e consta de todos os seus descendentes, que forman unha única rama na árbore da vida.
Entre os virus identificados, puideron revivir un dunha mostra de permafrost que tiña uns 48.500 anos de antigüidade.
Tamén recuperaron tres novos virus dunha mostra de feces de mamut conxeladas, de 27.000 anos de antigüidade, así como un anaco de permafrost recheo cunha gran cantidade da do mamut. Dous novos virus máis foron illados do contido estomacal conxelado dun lobo siberiano (Canis lupus).
O equipo introduciu os virus nun cultivo de amebas vivas e demostrou que estes virus aínda eran capaces de invadir a célula e de replicarse: os experimentos mostraron que os virus aínda tiñan o potencial de ser patóxenos infecciosos.
O proxecto é obra dun equipo de investigadores da Universidade de Aix-Marseille en Francia, que en 2014 revivira un virus de 30.000 anos de antigüidade atopado no permafrost siberiano.
No seu artigo, os investigadores salientan que é necesario realizar máis investigacións sobre os virus capaces de infectar eucariotas, organismos con células que teñen un núcleo, así como a todas as formas de vida complexas, como plantas e animais, incluídos os humanos.
Os científicos sinalan que se publicaron moi poucos estudos sobre este tema. Explican que é probable que o aumento das temperaturas, como resultado do cambio climático, volva espertar moitas ameazas microbianas, incluídos os virus patóxenos, do pasado antigo.
"Como lamentablemente está ben documentado por pandemias recentes (e en curso), calquera virus novo, mesmo relacionado con familias coñecidas, case sempre require o desenvolvemento de respostas médicas altamente específicas, como novos antivirais ou vacinas", escriben os autores do estudo.
"Non existe un equivalente de ’antibióticos de amplo espectro’ contra os virus debido á falta de procesos universalmente conservados que poidan usarse como medicamentos en todas as familias de virus. Por tanto, é razoable especular sobre o risco de que as partículas de virus antigos poidan seguir sendo infecciosas e volver aparecer despois do desxeo das antigas capas de permafrost", engaden os autores.
Destacan así mesmo que o quecemento climático é particularmente notable no Ártico, onde as temperaturas media parecen aumentar o dobre de rápido que nas rexións tépedas, e que unha das consecuencias máis visibles deste proceso é o desxeo global do permafrost a profundidades crecentes.
Engaden que a desconxelación do permafrost ten importantes consecuencias microbiolóxicas, como a liberación física de bacterias vivas (ou arquexas) que permaneceron en criptobiosis atrapadas no permafrost profundo e illadas da superficie da Terra durante polo menos 2 millóns de anos.
Sinalan que o retorno periódico das epidemias de ántrax que devastan as poboacións de renos relacionouse co descongelamiento máis profundo da capa activa do permafrost na superficie do chan durante os veráns excepcionalmente calorosos, o que permitiría que as esporas centenarias de Bacillus anthracis, procedentes dos cemiterios ou cadáveres de animais vellos, volvan rexurdir.
FONTE: levante-emv.com/tendencias21
CANTO SABES SOBRE OCEANÍA? VII
Continúo coa serie, adicada ao quinto continente, Oceanía. Un continente insular e tamén o máis pequeno do noso planeta, con 8.542.499 km².
A contestación correcta á pregunta de onte é 1-e, 2-c, 3-d, 4-a e 5-b. Camberra é a capital de Australia, Wellington é a capital de Nova Zelandia, Port Moresby é a capital de Papúa Nova Guinea, Suva é a capital de Fidxi e Nukualofa é a capital de Tonga.
E imos coa pregunta de hoxe!
7. Identifica estas bendeiras de países de Oceanía:
1. Australia
2. Illas Salomón
3. Tuvalu
4. Samoa
Mañá a solución e unha nova proposta!
FONTE: gl.wikipedia.org Imaxe: es.wikipedia.org
A ORIXE DAS PALABRAS: QUE CHE DEAN MORCILLAS
Posiblemente nalgunha ocasión, cando alguén vos importunou, resultado molesto ou sacado das vosas casas, utilizariades a expresión que che dean morcillas con ánimo de resolver categórica e bruscamente a conversación e librarvos desa persoa.
Pero, cal é a procedencia desta expresión? Antigamente a rabia ou hidrofobia era unha enfermidade moi contaxiosa (propiciada pola insalubridade de rúas e augas) e amplamente estendida nalgunhas cidades por animais abandonados (sobre todo cans vagabundos, aínda que algunhas fontes indican que tamén se daban casos nos gatos) chegando en ocasións a converterse nunha perigosa epidemia de saúde pública.
Como método para a súa erradicación dábase para comer a eses animais rueiros unhas morcillas, as cales contiñan estricnina no seu interior (un potente e mortal veleno) e desta maneira tentábase eliminalos co fin de controlar a transmisión da enfermidade.
Este procedemento desapiadado cos devanditos animais deu paso a finais do século XIX, tanto en Madrid como noutras cidades, á creación das canceiras e á profesión de laceiro, que era o que se ocupaba de capturar aos cans rueiros e confinalos, acabando así coa mortal práctica da morcilla.
Que che dean morcilla é unha locución que ten múltiples sinónimos como que che dean por saco, que te fodan, que te folle un peixe, vaite a fritir morcillas/espárragos, vaite á porra (ou a outro sitio máis escatológico) … está visto que o repertorio do noso idioma ten unha vasta amplitude de formas para que podamos librarnos dos nosos semellantes.
FONTE: Alfred López/blogs.20minutos.es
SOLUCIÓN AO ENCRUCILLADO CXIX
VERTICAIS: 1. Guggenhaim 7. Restra 5. Folón 8. Alabama.
HORIZONTAIS: 2. Sargo 3. Úmero 4. Perú 6. Belén 9. Melchor 10. Acivro.
Máis cultura xeral!