vgomez

SOLUCIÓN Á SOPA DE LETRAS XL

vgomez - 05 de julio de 2020 - 10:32 - A PENSAR

Algúns dos pardidos políticos que se presentas ás Eleccións ao Parlamento de Galicia do próximo 12 de xullo do 2020.

0 comentarios

CANTO SABES DE MONUMENTOS VII

vgomez - 05 de julio de 2020 - 10:32 - DOCENCIA

Continúo coa serie “Canto sabes de monumentos”, e esta é a solución a pregunta de onte: Machu Picchu, (Perú). Conforma un antigo poboado andino construído antes do século XV no promontorio rochoso que une as montañas Machu Picchu e Huayna Picchu, na vertente oriental dos Andes Centrais, no sur do Perú e a 2.430 msnm, altitude da súa praza principal. Segundo documentos de mediados do século XVI Machu Picchu sería unha das residencias de descanso de Pachacuti (primeiro emperador inca, 1438-1470). Así a todo, algunhas das súas mellores construcións e o evidente carácter cerimonial da principal vía de acceso á Llaqta demostrarían que esta foi usada como santuario relixioso. Sexa como for, as súas peculiares características arquitectónicas e paisaxísticas convertérono nun dos destinos turísticos máis populares do mundo.

E imos co monumento de hoxe!

7. Leste outro monumento quedou finalista da selección das 7 novas marabillas do mundo moderno. Recoñécelo?

- Catedral de Aquisgrán (Alemaña)

- Dhammakaya Cetiya (Tailandia)

- Templo de Ouro (India)

Mañá a solución e un novo monumento!

FONTE: Idea orixinal muyinteresante.es, gal.wikipedia.org

0 comentarios

HOXE POLA NOITE, ESPECTÁCULO NO CEO

vgomez - 04 de julio de 2020 - 09:32 - O CEO DO MES

Esta noite do sábado 4 ao domingo 5, vai ser, se o tempo o permite, unha noite especial para mirar ao ceo. A Lúa chea levantarase segundo se deite o Sol, ás 22:24 horas. Irá ascendendo despois suavemente polo ceo para alcanzar a súa máxima elevación ás 2 h 9 min, cando estará situada no meridiano.

Á espera do prato forte da noite, a eclipse, temos un espectáculo celeste: Xúpiter brillará como un diamante uns graos ao leste do globo lunar, e Saturno, aínda un pouco máis cara ao leste (á esquerda segundo miramos), completa un belo trío. O planeta dos aneis é agora 15 veces menos brillante que o xigante Xúpiter, pero, aínda así, segue sendo un dos astros máis brillantes do ceo nocturno.

A eclipse lunar penumbral dará comezo ás 05:07, cando a lúa xa descendería para aproximarse ao horizonte oeste e terá o seu máximo ás 06.28 segundo se deita por poñente.

Este será unha eclipse moi sutil, pois a Lúa non chega a entrar na rexión de sombra da Terra. No máximo da eclipse, a fracción do diámetro lunar inmersa na penumbra terrestre será do 35%. Tan só veremos unha leve coloración alaranxada ou amarelada sobre o disco lunar, sobre todo sobre a súa zona norte, segundo o noso satélite vaise escondendo tras o horizonte. Non será posible ver a totalidade da eclipse, pois este terminará ás 7:49, cando o Sol xa estará ben levantado.

A disfrutar do espectáculo!

0 comentarios

CANTO SABES DE MONUMENTOS? VI

vgomez - 04 de julio de 2020 - 09:31 - DOCENCIA

Continúo coa serie “Canto sabes de monumentos”, e esta é a solución a pregunta de onte: Thomas Jefferson, George Washington, Theodore Roosevelt e Abraham Lincoln. O Monte Rushmore (Mount Rushmore National Memorial), situado en Keystone, Dacota do Sur, conmemora o nacemento, o crecemento, a conservación e o desenvolvemento dos Estados Unidos de América. Entre 1927 e o 31 de outubro de 1941, Gutzon Borglum e 400 traballadores tallaron os bustos colosais de 18 metros dos presidentes citados anteriormente, que representan os primeiros 150 anos da historia dos Estados Unidos

E imos co monumento de hoxe!