OS TEUS COÑECEMENTOS SOBRE MEDIO AMBIENTE XIX

A contestación correcta á pregunta do día anterior, na que se pon a proba os teus coñecementos sobre medio ambiente, é Madrid. A conferencia estaba orixinalmente planificada para realizarse en Brasil, pero o goberno dese país desistiu a fins de 2018. Chile asumiu a presidencia e, por tanto, a organización do evento, establecendo como sede o Parque Bicentenario de Cerrillos, en Santiago de Chile. Con todo, o goberno chileno suspendeu a realización da conferencia a pouco máis dun mes da súa celebración, debido á serie de protestas ocorridas nese país, sendo cambiada a súa sede á Madrid, iso si, baixo a presidencia de Chile.

E imos coa pregunta de hoxe e última desta serie!

19. Onde se celebrará a 26ª Conferencia das Partes (COP 26) de 2020?

- Francia

- Italia

- Reino Unido

Mañá a solució!

FONTE: Idea orixinal muyinteresante.es e globalcitizen.org

BANDEIRAS DO MUNDO LXXXII

Esta é a bandeira de Chad (República do Chad/République du Tchad/جمهورية تشاد) é un país ubicado en África central, sen litoral. Conta cunha poboación que rolda os 15 millóns de habitantes, sendo a súa capital Yamena. Os idiomas oficiais son francés e árabe.

A bandeira está formada por tres franxas verticais, sendo azul a máis próxima ao pau, amarela a central e vermella a máis afastada ao pau. As cores da bandeira de Chad xorden da combinación das cores da bandeira de Francia (antiga metrópole) e as cores tradicionais do panafricanismo. A franxa azul representa o ceo, a esperanza, a agricultura e as augas no sur de Chad; a franxa amarela simboliza o sol e o deserto no norte de Chad; e a franxa vermella simboliza o progreso, a unidade e o sacrificio.

FONTE: gal.wikipedia.org

PERIGO, PEÓNS ZOMBIS

Perigo, peóns zombis!

Utilizar o móbil mentres se conduce ocasiona cada ano a morte de 390 persoas, segundo o estudo Smartphones: o impacto da adicción ao móbil nos accidentes de tráfico, realizado pola Fundación Liña Directa en colaboración co Instituto Universitario de Investigación de Tránsito e Seguridade Viario da Universidade de Valencia (INTRAS).

Ademais, o estudo apunta que as distraccións co móbil causan o 20% de todos o falecidos, un de cada cinco, en accidentes de tráfico e un total de case 8.000 accidentes con vítimas.

Estas cifras converten o uso do móbil en "unha das principais causas de mortalidade na estrada, á altura do exceso de velocidade ou do consumo do alcol", conclúe a investigación.

Pero a problemática do móbil e automóbil vai máis aló. O número de viandantes atropelados é cada vez máis frecuente, e os propios camiñantes (un 90%) recoñecen o risco nalgunha das súas condutas. Nalgúns casos, os peóns van completamente illados da súa contorna, especialmente cando usan auriculares, algo que realizan 3 de cada 5 persoas. Entre elas, os usos máis habituais son para escoitar música (o 44% confesa facelo moi a miúdo, usando o móbil ou outros dispositivos), ou para facer ou recibir chamadas (28%). Unhas prácticas que provocan o  fenómieno coñecido como «peóns zombis».

Segundo o VI Informe de distraccións, realizado por BP, Castrol e o RACE, as distraccións están detrás dun elevando porcentaxe deses accidentes. Gran parte delas son debidas ao mal uso das tecnoloxías, do teléfono móbil e das redes sociais, tanto por parte dos condutores como dos peóns. Así, máis de medio millón de españois recoñecen sufrir un contratempo relacionado co uso do ‘smartphone’ ao volante ou mentres camiñaban pola vía pública.

Temos un problema!

FONTE: revista.dgt.es e abc.es/motor

OS TEUS COÑECEMENTOS SOBRE MEDIO AMBIENTE XVIII

A contestación correcta á pregunta do día anterior, na que se pon a proba os teus coñecementos sobre medio ambiente, é 1997. O protocolo foi adoptado o 11 de decembro de 1997 en Kioto, Xapón, pero non entrou en vigor ata o 16 de febreiro de 2005. En novembro de 2009 eran 187 os estados que o ratificaban. Estados Unidos, que era cando se asinou o protocolo o maior emisor de gases de invernadoiro4​ (desde 2005 o é China), nunca o ratificou.

E imos coa pregunta de hoxe!

18. A 25.ª conferencia das partes da Convención Marco das Nacións Unidas sobre o Cambio Climático (COP25), celebrouse entre o 2 e o 15 de dicembro de 2019 en...

- Chile

- París

- Madrid

Mañá a solución e unha nova pregunta!

FONTE: Idea orixinal muyinteresante.es Imaxe: miteco.gob.es

BANDEIRAS DO MUNDO LXXXI

Esta é a bandeira de Bélxica (Reino de Bélgica/Koninkrijk België/Royaume de Belgique/Königreich Belgien), un país membro da Unión Europea, situado no noreste europeo. Conta cunha poboación que rolda os 11 millóns de habitantes, sendo a súa capital Bruselas. Os idiomas oficiais son neerlandés, alemán e francés.

A bandeira componse de tres bandas verticais iguais de cor negro, amarelo e vermello. Estas cores son característicos da provincia de Brabante. Os rebeldes de  Brabante levaban estas cores durante o levantamento contra Austria no século 18. Por segunda vez, o  tricolor apareceu durante o levantamento contra Guillermo I dos Países Baixos. Este motín, a diferenza do anterior, foi un éxito, é por iso que a bandeira evoca a loita pola independencia e a liberdade.

FONTE: gal.wikipedia.org e simbologiadelmundo.com

O ELEMENTO NATURAL MÁIS BRILLANTE DO PLANETA

Pollia condensata. O seu froito é unha baga de cor azul iridiscente / Imaxe: grist.org

A baga africana Pollia condensata é un pequeno froito prodixioso que se caracteriza por ser un dos máis resplandecentes do planeta. De feito, foi considerada pola Universidade de Cambridge como o elemento natural máis brillante do planeta, segundo un artigo publicado pola revista Proceedings of the National Academy of Sciencie.

Trátase do froito dunha planta perenne da familia das Commelinaceae,  que se atopa nas rexións tropicais de África, concretamente, foi descrita por primeira vez en Angola.

A Pollia condensata conta cun talo de aproximadamente un metro de altura, longas follas planas que se dobran en forma de V e flores de cor branca ou rosa pálido.

A cor azul da baga non provén de ningún pigmento, senón que, do mesmo xeito que ocorre con algunhas especies de escaravellos, a súa estrutura celular conta cunha microestrutura de celulosa helicoidal que reflicte luz nunha lonxitude curta de onda, conseguindo un efecto iridiscente e unha reflectividade do 30%, aproximadamente o que un espello prateado.

Cada célula, que é independente, produce a súa propia cor, polo que se producen os reflexos de diferentes tonalidades.

Non é venenoso pero tampouco comestible, xa que carece de calquera valor nutricional. Só algunhas especies de paxaros recádanas pero, lonxe de comelas, transpórtanas aos seus niños para atraer ás femias. Con iso, a Pollia consegue dispersar as súas sementes, que se atopan no interior.

FONTE: plantasyjardines.e

OS TEUS COÑECEMENTOS SOBRE MEDIO AMBIENTE XVII

A contestación correcta á pregunta do día anterior, na que se pon a proba os teus coñecementos sobre medio ambiente, é ao contedor amarelo. O mesmo sucede cos tapóns fabricados con diferentes polímeros plásticos que irán ao mesmo contedor: o amarelo. Outra cousa son os tapóns de rosca que irán xunto coa botella ao contedor verde (iglú).

E imos coa preguinta de hoxe!

 

17. En que ano se adoptou o Protocolo de Kioto?

- 1997

- 2015

- 2019

Mañá a solución e unha nova proposta!

FONTE: Idea orixinal muyinteresante.es Imaxe: es.slideshare.net

BANDEIRAS DO MUNDO LXXX

Esta é a bandeira de Angola (República de Angola), un país da costa occidental de África. A sua poboación rolda os 30 millóns de habitantes, sendo a súa capital Luanda. O idioma oficial e o portugués.

A bandeira está dividida horizontalmente en dúas metades, unha franxa superior vermella e unha parte inferior negra. A cor vermella simboliza o sangue derramado polo pobo durante a loita pola independencia e o negro simboliza ó continente africano. O símbolo do centro, en cor amarelo, componse dunha roda dentada entrecruzada cun machete e unha estrela. A roda dentada representa ós traballadores industriais, o machete ós campesiños agricultores, e a estrela o progreso e a solidariedade internacional.

FONTE: gal.wikipedia.org