BANDEIRAS DO MUNDO LXXVII

Esta é a bandeira de San Vicente e as Granadinas (Saint Vincent and the Grenadines), un país insular en América, situado ao norte de Venezuela e da illa de Granada, na cadea das Antillas Menores do mar Caribe. Conta cunha poboación que rolda os 200.000 habitantes, sendo a súa capital Kingstown. O seu idioma oficial é o inglés.

A bandeira está composta por tres franxas verticais de cor azul (a máis próxima ó mastro), amarela (a central) e verde (a exterior). A franxa amarela é de dobre anchura respecto ás outras dúas e contén, na súa parte central a letra V (inicial de San Vicente que da nome ao país), formada con tres rombos ou diamantes verdes, dous situados nos extremos e o terceiro no centro. A cor verde representa a vexetación exuberante de San Vicente e a permanente vitalidade da súa poboación. Esta cor tamén alude ó termo que define a San Vincente e as Granadinas como "as xemas das Antillas". A cor azul simboliza o ceo e o mar que rodea as illas. O amarelo representa a cordialidade, o espírito alegre dos seus habitantes e as douradas praias das Granadinas.

FONTE: gal.wikipedia.org

OS TEUS COÑECEMENTOS SOBRE MEDIO AMBIENTE XIV

A contestación correcta á pregunta do día anterior, na que se pon a proba os teus coñecementos sobre medio ambiente, é satisfai as necesidades do presente sen comprometer as posibilidades das xeracións futuras. O desenvolvemento sustentable é a capacidade dunha sociedade para cubrir as necesidades básicas das persoas sen prexudicar o ecosistema nin ocasionar danos no medio ambiente. Deste xeito, o seu principal obxectivo é perpetuar ao ser humano como especie, satisfacendo as súas necesidades presentes e futuras, mediante o uso responsable dos recursos naturais.

E imos coa pregunta de hoxe!

14. Sabes cal destes obxectos non deben tirarse no contedor de vidro (iglú verde)?

- Un vaso

- Unha lámpada

- Ambos

Mañá a solución e unha nova pregunta!

FONTE: Idea orixinal muyinteresante.es e nationalgeographic.com.es

SOLUCIÓN CRUCIGRAMA XXIX

 

VERTICAIS: 1. Puigdemont (Carles) 2. Thuberg (Greta) 5. Nadal (Rafa) 7. Sánchez (Pedro) 8. Casado (Pablo).

HORIZONTAIS: 2. Trump (Donald) 3. Iglesias (Pablo) 4. Junqueras (Oriol) 6. Bolsonaro (Jair) 9. Rivera (Albert).

Algúns personaxes do 2019!

CRUCIGRAMA XXIX

 

Este crucigrama recolle algúns dos personaxes importante de España e do mundo en 2019, iso si, só aparecen os apelidos.

VERTICAIS: 1. Presidente que fora da Generalitat de Catalunya, fugado da xustiza española e que a espera de recuperar o escano no Parlamento Europeo 2. Activista medioambiental sueca, de 16 anos, nomeada persoa do ano pola revista Time 5. Depotista de Manacor, que ocupa a primeira posición do ranking ATP 7. Presidente en funcións á espera da investidura 8. Lider da oposición do noso país.

HORIZONTAIS: 2. Presidente americano sometido a xuízo político ou impeachment 3. Político español, de 41 anos, que espera ser vicepresidente do goberno, se o hai 4. Político catalán, preso pola xustiza, que espera ser excarcerado 6. Presidente dun pais sudamericano, en contra da homosexualidade e que cre que o cambio climático é unha cousa de activistas que berran 9. Expolítico español e catalán unido sentimentalmente coa cantante María Lucía Sánchez Benítez (Malú).

Mañá a solución!

OS TEUS COÑECEMENTOS SOBRE O MEDIO AMBIENTE XIII

A contestación correcta á pregunta do día anterior, na que se pon a proba os teus coñecementos sobre medio ambiente, é contedor amarelo. Aínda que o aluminio é o terceiro elemento máis común sobre a cortiza terrestre, ao estar xeralmente mesturado en estado natural con outros materiais a súa produción require un alto consumo enerxético.  Con todo, para a súa reciclaxe requírese menos dun cuarto da enerxía empregada na súa elaboración inicial e pode ser reutilizado un número indefinido de veces sen que a súa calidade véxase afectada no máis mínimo.

E imos coa pregunta de hoxe!

13. Desenvolvemento sustentable é aquel que:

-Satisfai as necesidades do presente sen poñer en perigo o medio ambiente.

-Satisfai as necesidades do presente realizándoo da maneira máis económica posible.

-Satisfai as necesidades do presente sen comprometer as posibilidades das xeracións futuras.

Mañá a solución e unha nova pregunta! 

FONTE: Ideas orixinal muyinteresante.es Imaxe:expoknews.com

BANDEIRAS DO MUNDO LXXVI

Esta é a bandeira da República do Congo (République du Congo/Repubilika ya Kongo/Republiki ya Kongó), un país da África Central, tamén chamado Congo-Brazzaville para distinguilo da veciña República Democrática do Congo. Conta cunha poboación que rolda os 5 millóns de habitantes, sendo a súa capital Brazzaville. O seus idiomas oficiais son o francés, lingala e congo.

A bandeira está formada por dous triángulos opostos, separados por unha franxa diagonal amarela. O  trángulo esquerdo é verde e o dereito é vermello. Estas cores son as tradicionais do panafricanismo e proveñen da bandeira de Etiopía: o vermello significa a loita pola liberdade, o verde representa a natureza do país e o amarelo simboliza a riqueza da natureza.

FONTE: gal.wikipedia.org

AXUDAR NA CASA NON É SUFICIENTE, HAI QUE COMPARTIR A CARGA MENTAL

 

Alberto Soler é Psicólogo e Máster en Psicoloxía Clínica e da Saúde. Con máis de 10 anos de experiencia clínica e asesoramento a pais, Soler é conferenciante e colaborador habitual en prensa, radio e televisión. No seu videoblog, Pílulas de Psicoloxía e no libro “Fillos de pais felices”, do que é  co-autor, dá resposta ás dúbidas universais sobre educación, crecemento persoal e crianza. “No momento no que temos unha etiqueta posta, acabamos comportándonos de acordo con esa etiqueta…Debemos ser conscientes de que as expectativas que poñemos sobre os nenos acaban condicionando a súa conduta”, explica. Alberto Soler advirte dos perigos do ensino con “etiquetas” e da obediencia cega: o futuro dos nenos pasa pola educación en valores como a asertividade, o pensamento crítico e a autonomía.

BANDEIRAS DO MUNDO LXXV

Esta é a bandeira de Panamá (República de Panamá), un país localizado no istmo do mesmo nome, franxa que une a América do Sur con América Central, cun territorio montañoso soamente é interrompido pola conca da Canle de Panamá, a vía interoceánica que une ao océano Atlántico co océano Pacífico. Conta cunha poboación que rolda os 4 millóns de habitantes, sendo a súa capital Cidade de Panamá. O seu idioma oficial é o español.

A bandeira consiste nun rectángulo dividido en catro cuarteis: o superior esquerdo é unha estrela azul de cinco puntas sobre fondo branco; o superior dereito é de cor vermella; o inferior esquerdo é de cor azul, e o inferior dereito é unha estrela vermella de cinco puntas sobre fondo branco. Representa aos partidos Liberal (a cor vermella) e Conservador (a cor azul). O branco simboliza a paz á que chegaron ambos os dous partidos e as estrelas sinalan a rectitude e forza do país.

FONTE: gal.wikipedia.org