Remato coa serie adicada a Andorra, un micro-estado que se atopa no suroeste de Europa, no corazón dos Pirineos Orientais tendo fronteira con España pola Comunidade Autónoma de Cataluña e con Francia polo departamento de l’Ariège.

A contestación correcta á pregunta de onte, e última da serie, é Rebezo. Rupicapra pyrenaica, é un mamífero artiodáctilo da familia dos bóvidos, subfamilia dos caprinos, que está presente nalgunhas cadeas montañosas do suroeste de Europa, entre elas Os Pirineos. O rebezo é un símbolo da fauna de Andorra. Vive na alta montaña, come herba e brotes tenros dos arbustos e caracterízase por ter unhas patas fortes e unhas pezuñas duras que lle permiten rubir por sitios inimaxinables. É un animal moi áxil e ten unha vista, oído e olfacto excelentes. Ademais, dispón de dous cornos pequenos e delgados e unha cola curta. Se se atópase a gusto no seu hábitat, adoita ter unha cría e (moi raramente), dúas. A época de cría adoita ser entre maio e principios de xuño. Considérase que un rebezo xa é adulto cando supera os dous anos e medio de vida. É un animal difícil de ver, sobre todo no verán, que é cando se estende cara ás cimas máis altas. No inverno, en cambio, adoita baixar aos bosques en busca de comida, é entón cando podemos ter sorte e ver algún exemplar.

Espero que esta serie servise para coñecer mellor o micro-estado de Andorra!

Ata a próxima serie!

FONTE: es.wikipedia.org e guiandorra.com Imaxe: guiandorra.com

0 comentarios

CANTO SABES DE ANDORRA? XII

vgomez - 06 de julio de 2024 - 00:26 - DOCENCIA

Continúo coa serie adicada a Andorra, un micro-estado que se atopa no suroeste de Europa, no corazón dos Pirineos Orientais tendo fronteira con España pola Comunidade Autónoma de Cataluña e con Francia polo departamento de l’Ariège.

A contestación correcta á pregunta de onte é Euro. Andorra careceu historicamente de moeda oficial. Ata a introdución do euro en España e Francia, a peseta española e o franco francés foron as moedas usadas de facto. O 1 de xaneiro de 2002 comezou a posta en circulación do euro e este converteuse na moeda de facto do país. O 1 de abril de 2012, entrou en vigor un acordo monetario que permitía a Andorra usar o euro de maneira oficial así como acuñar as súas propias moedas de euro. A primeira emisión de moedas de euro de Andorra tivo lugar en decembro de 2014.

E imos coa pregunta de hoxe e última da serie!

12. Cal é o animal oficial de Andorra?

- Corzo

- Marmota alpina

- Xabaril

- Rebezo

Mañá a solución e remate da serie!

FONTE: es.wikipedia.org Imaxes: es.numista.com e entremontañas.com

0 comentarios

#DígochoEu: Non digas *espantapáxaros 🐦

vgomez - 05 de julio de 2024 - 00:13 - DOCENCIA

Nin *espantapáxaros, nin *espatapaxaros. Esther danos a alternativa! 🐦

#DígochoEu

0 comentarios

CANTO SABES DE ANDORRA? XI

vgomez - 05 de julio de 2024 - 00:13 - DOCENCIA

Continúo coa serie adicada a Andorra, un micro-estado que se atopa no suroeste de Europa, no corazón dos Pirineos Orientais tendo fronteira con España pola Comunidade Autónoma de Cataluña e con Francia polo departamento de l’Ariège.

A contestación correcta á pregunta de onte é Lago de Juclà. Nas profundidades do val de Incles, a 2.300 metros de altitude escóndese o lago máis grande de Andorra: O lago de Juclà.

E imos coa pregunta de hoxe!

11. Cal é a moeda oficial de Andorra?

- Franco Francés

- Peseta Española

- Euro

- Diner

Mañá a solución e unha nova pregunta!

FONTE: es.wikipedia.org Imaxes: josecanovas.com e toprutas.com

0 comentarios

CANTO SABES DE ANDORRA? X

vgomez - 04 de julio de 2024 - 00:03 - DOCENCIA

A contestación correcta á pregunta de onte é Valira. Nace no circo de Els Pessons, na parroquia de Encamp (Andorra). Logo dunha ampla curva cara ao norte e occidente, o río toma un sentido sur, dirixíndose a Andorra la Vella a capital do país, que atravesa. Pouco despois da localidade de Sant Julià de Lória, o Valira entra en Cataluña, pola provincia de Lleida, desembocando no río Segre algo máis ao sur de La Seu d’Urgell. Un afluente no curso superior teñen tamén o nome de Valira, o Valira d’Ordino (dito tamén da Massana, do Nord ou ribera de Ordino) e o propio Valira é dito Valira d’Encamp (dito tamén de Orient, de Canillo ou de Soldeu). Ambos os dous únense en Escaldes-Engordany, recibindo o Valira d’Ordino pola beira dereita. Un afluente, pola esquerda, do Valira, o río Runer, fai de fronteira entre Andorra e España.

E imos coa pregunta de hoxe!

10. Entre lagos e estanques, Andorra, conta con máis de 70 en todo o país. Cal é o lago máis grande de Andorra?

- Lago d’Engolasters

- Lago de Juclà

- Lago de les Truites

- Lago de Estanyó

Mañá a solución e unha nova pregunta!

FONTE: gl.wikipedia.org Imaxes: reddit.com e andbus.net

0 comentarios