#DígochoEu: #CiberEsther (Ollo co séxting!)
Sabes o que é o séxting? E o perigosos que pode ser? Atende aos consellos de #CiberEsther!
DOCENCIA
#DígochoEu: Onde se coloca o pronome cando hai un 'de súpeto'?
Onde colocamos o pronome se hai de súpeto na oración?
#DígochoEu
CANTO SABES SOBRE AS BOLBORETAS? V
Continúo coa serie adicada ás bolboretas, eses insectos de aspecto delicado, voo grácil e exuberantes cores.
A contestación correcta á pregunta de onte é Imago. Efectivamente, o imago é o último estadio de desenvolvemento da metamorfose dun insecto, xa sexa despois da súa última ecdisis a partir dunha ninfa nos hemimetábolos, ou despois de emerxer da crisálide ou pupa nos holometábolos. Dicir que o termo ecdisis é sinónimo de muda nos artrópodos e o farado precisamente fai referencia ao momento en que un insecto xa esta preparado para unha fase da súa metamorfose, pero aínda se atopa envolvido pola cutícula da súa fase anterior.
Bolboreta e cerdeira en flor
E imos coa pregunta de hoxe!
5. E falando do ciclo de vida dunha bolboreta e do seu produto final, o imago. Sabes canto pode vivir unha bolboreta en estado adulto?
- 1 semana
- De 3 a 4 semanas
- De 2 a 3 meses
Mañá a solución e unha nova proposta!
FONTE: nationalgeographic.com.es Imaxe: ISTOCK
CANTO SABES SOBRE AS BOLBORETAS? IV
Continúo coa serie adicada ás bolboretas, eses insectos de aspecto delicado, voo grácil e exuberantes cores.
A contestación correcta á pregunta de onte é Ninfa. O ciclo de vida dunha bolboreta ten lugar en 4 fases: ovo, larva, crisálide ou pupa e adulta. A fases de ninfa, pola súa banda, adoita darse no hemimetabolismo: trátase dunha fase, ou fases sucesivas, nas que o insecto medra de tamaño mantendo as súas características e xeralmente mudando o exoesqueleto que os protexe.
Bolboreta cola de anduriña
E imos coa pregunta de hoxe!
4. As bolboretas, pois, son o produto final deste proceso de metamorfose, pero sabes con que nome coñécese á fase adulta destes e outros insectos?
- Imago
- Farado
Mañá a solución e unha nova proposta!
FONTE: nationalgeographic.com.es Imaxe: ISTOCK
#DígochoEu: Como se di 'encalar'?
CANTO SABES SOBRE AS BOLBORETAS? III
Continúo coa serie adicada ás bolboretas, eses insectos de aspecto delicado, voo grácil e exuberantes cores.
A contestación correcta á pregunta de onte é Holometabolismo. Efectivamente, cando falamos de insectos que cambian de forma estamos a falar de metamorfose, a cal poden axustarse a dous modelos. O hemimetabolismo, tamén chamado metamorfose incompleta, presenta un proceso gradual no que as distintas etapas xuvenís do insecto son moi parecidas entre se e moi similares tamén aos adultos; un exemplo dáse nos saltamontes. O holometabolismo, pola contra, caracterízase por transformacións bruscas onde as larvas son considerablemente diferentes respecto a os adultos. É o caso das bolboretas.
Eclosión da pupa dunha bolboreta
E imos coa pregunta de hoxe!
3. Falando da metamorfose das bolboretas, diremos que esta desenvólvese en 4 fases diferentes. Sabes cal das que indicamos a continuación non é unha delas?
- Ovo
- Larva
- Ninfa
- Crisálide
- Adulta
Mañá a solución e unha nova proposta!
FONTE: nationalgeographic.com.es Imaxe: ISTOCK
CANTO SABES DA GRAN BRETAÑA? XIX (FIN)
Remato coa serie adicada a Gran Bretaña, a illa situada no océano Atlántico Norte fronte á costa noroeste da Europa continental, sendo a maior illa de Europa, é a terceira máis poboada do planeta.
A contestación correcta á pregunta de onte e última da serie é 3. Rishi Sunak (Southampton, 12 de maio de 1980) político británico, primeiro ministro do Reino Unido desde o 25 de outubro de 2022, sendo líder do Partido Conservador e Unionista desde ese mesmo mes. Entre o 13 de febreiro de 2020 e o 5 de xullo de 2022 traballou como chanceler da Facenda.
Sucedeu no cargo a LizTruss, que estivo no cargo entre o 6 de setembro e o 2 de outubro de 2022. Esta, a súa vez, sustituíu a Boris Johson, que estivo no cargo entre o 24 de xullo de 2019 e 6 de setembro de 2022.
Carlos III (Charles Philip Arthur George) é rei dende o 8 de setembro de 2022, tras a norte da súa nai, Isabel II.
Espero que servise esta serie para unha aproximación ao coñecemento da Gran Bretaña.
Ata a próxima serie!
FONTE: es.wikipedia.org Imaxes: es.wikipedia.org