DOCENCIA

CANTO SABES SOBRE OS POLBOS? IX

Continúo coa serie adicada aos polbos, considerados entre os animais máis intelixentes da fauna e un dos animais máis enigmáticos do océano... ou do espazo exterior... 

A contestación correcta á pregunta do día anterior é 300 millóns de anos. Os polbos levan habitando o noso planeta desde tempos moi remotos. Calcúlase que estes xa estaban presentes nos mares do carbonífero hai uns 300 millóns de anos. De feito o fósil de polbo máis antigo que se coñece pertence a unha especie bautizada como Pohlsepia mazonensis, que viviu hai 296 millóns de anos.

E imos coa pregunta de hoxe!

9. Outro aspecto crave dos polbos, como xa sabemos, é que carecen de ósos, son todo músculo. E falando de músculos: sabes cantos corazóns ten un polbo?

- 2

- 3

- 4

- 8

Mañá a solución e a última pregunta da serie!

FONTE: nationalgeographic.com.es/naturaleza        Imaxe: Jinggong Zhang/BigPicture Competition/Academia das Ciencias de California

#DígochoEu: Como se di *yoyó?

 

Como se di *yoyó en galego? ’Eueu’?

#DígochoEu

CANTO SABES SOBRE OS POLBOS? VIII

Continúo coa serie adicada aos polbos, considerados entre os animais máis intelixentes da fauna e un dos animais máis enigmáticos do océano... ou do espazo exterior... 

A contestación correcta á pregunta do día anterior é Todas as respostas son correctas. En efecto, todas estas calidades fan do polbo o campión da camuflaxe. Por unha banda os polbos cambian de cor a través dun sistema de pigmentos e reflectores que se combina para xerar unha inmensa variedade de cores e debuxos. Por outro, a súa pel lisa, grazas á acción dos músculos, pode tornarse rugosa, imitando perfectamente mesmo o aspecto dunha alga mariña. Por último a maneira na que un polbo se coloca pode facer que sexa máis ou menos visible. Algúns, por exemplo, enróscanse para parecer un anaco de coral e logo arrástranse lentamente sobre o leito mariño utilizando só dous brazos.

E imos coa pregunta de hoxe!

8. E neste punto preguntaraste: como alcanzaron os polbos tal nivel de sofisticación? A resposta está na evolución, e é que os polbos levan habitando o planeta desde polo menos hai...

- 60 millóns de anos

- 140 millóns de anos

- 300 millóns de anos

Mañá a solución e unha nova pregunta!

FONTE: nationalgeographic.com.es/naturaleza           Imaxe: David Liitschwager/National Geographic

#DígochoEu: Non digas *tirolina

 

Non hai *tirolinas no dicionario da RAG. Esther Estévez dinos a palabra que podes usar no seu lugar!

#DígochoEu

CANTO SABES SOBRE OS POLBOS? VII

Continúo coa serie adicada aos polbos, considerados entre os animais máis intelixentes da fauna e un dos animais máis enigmáticos do océano... ou do espazo exterior... 

A contestación correcta á pregunta do día anterior é Todas as respostas son correctas. En efecto, un polbo pode facer todo isto e máis. Son capaces de camiñar polo fondo mariño acompasando de forma hipnótica o movemento dos seus brazos, pero tamén poden nadar si a situación esíxeo, deixarse arrastrar polas correntes ou utilizar un chorro de aire e tinta para propulsarse e protexerse. Tamén utilizan as cunchas doutros animais como protección e os seus potentes e sofisticados ollos desenvolveron a capacidade de recibir e procesar unha inmensa cantidade de información sensorial.

E imos coa pregunta de hoxe!

7. Ademais de todo isto, os polbos tamén son virtuosos da cripsis, é dicir, a capacidade de pasar desapercibidos aos sentidos doutros animais Sabes en que elementos se fundamenta a súa capacidade de camuflaxe?

- Nos seus receptores e pigmentos

- Na textura da súa pel

- Na súa postura

- Todas as respostas son correctas

Mañá a solución e unha nova pregunta!

FONTE: nationalgeographic.com.es/naturaleza              Imaxe: iStock/nationalgeographic.com.es

#DígochoEu: #AquíDicímoloAsí O galego en Asturias

 

Hoxe no #AquíDicímoloAsí viaxamos ata o occidente de Asturias para analizar a súa fala. Variante do galego ou lingua de transición entre o galego e o asturiano?

#DígochoEu

CANTO SABES SOBRE OS POLBOS? VI

Continúo coa serie adicada aos polbos, considerados entre os animais máis intelixentes da fauna e un dos animais máis enigmáticos do océano... ou do espazo exterior... 

A contestación correcta á pregunta do día anterior é 500 millóns de neuronas. En efecto o sistema nervioso dos polbos consta de nada menos que de 500 millóns de neuronas aproximadamente. Unha auténtica barbaridade se comparámolo coas 100.000 que pode ter unha lagosta, o millón de neuronas que posúen abellas e cascudas, os 80 millóns de vertebrados como os ratos e os 200 das ratas.

E imos coa pregunta de hoxe!

6. A parte dun sistema nervioso excepcional, os polbos contan con outras particularidades igual de excepcionais. Saberías dicir cal destas é propia destes animais?

- Poden contorsionar o seu corpo en formas imposibles e inverosímiles

- Poden cambiar de cor e forma adaptándose á súa contorna

- Poden expulsar chorros de tinta cando senten ameazados

- Todas as respostas son correctas

Mañá a solución e unha nova pregunta!

FONTE: nationalgeographic.com.es/naturaleza           Imaxe: nationalgeographic.com.es

#DígochoEu: Como se di *albahaca?

 

No TikTok do #DígochoEu preguntáronnos como se di albahaca en galego, pois velaquí a resposta!