DOCENCIA

CANTO SABES SOBRE OS POLBOS? V

Continúo coa serie adicada aos polbos, considerados entre os animais máis intelixentes da fauna e un dos animais máis enigmáticos do océano... ou do espazo exterior... 

A contestación correcta á pregunta do día anterior é Verdadeiro. En efecto, os polbos teñen un cerebro que se atopa a anos luz do dos seus competidores. De feito, a súa rede neuronal, extremadamente complexa, expándese fóra dos límites da súa cabeza, abarcando os seus tentáculos, ventosas e mesmo a pel, facendo destes animais de 8 brazos auténticos cerebros andantes. Esta é a razón pola que moitos falan, erroneamente, de que o polbo ten 8 cerebros.

E imos coa pregunta de hoxe!

5. E falando do cerebro dos polbos, sabes de cantas neuronas fai gala o sistema nervioso destes animais? Unha pequena pista: non te quedes curto...

- 10.000 neuronas

- 600.000 neuronas

- 120 millóns de neuronas

- 500 millóns de neuronas

Mañá a solución e unha nova pregunta!

FONTE: nationalgeographic.com.es/naturaleza               Imaxe: Cordon Press/nationalgeographic.com.es/naturaleza

CANTO SABES SOBRE OS POLBOS? IV

Continúo coa serie adicada aos polbos, considerados entre os animais máis intelixentes da fauna e un dos animais máis enigmáticos do océano... ou do espazo exterior... 

A contestación correcta á pregunta do día anterior é Quitóns. A pesar de que algunhas especies carecer de cuncha, o dos quitóns é outro grupo do filo dos moluscos: os poliplacóforos, tamén coñecidos como cascudas de mar. O dos cefalópodos é un grupo máis variado no que se inclúen as sepias, as luras, os náutilos, auténticos fósiles viventes -na imaxe - e os polbos. O seu nome procede das voces gregas kephalé e podós, que vén significar algo como os pés na cabeza.

E imos coa pregunta de hoxe!

4. E se, os polbos son iso: cabeza e patas. O que nos podería levar a pensar que os polbos son os animais co cerebro máis desenvolvido do grupo dos invertebrados. Dirías que esta afirmación é...

- Verdadeira

- Falsa

Mañá a solución e unha nova pregunta!

FONTE: nationalgeographic.com.es/naturaleza              Imaxe: David Liittdschwagwer/National Geographic

CANTO SABES SOBRE OS POLBOS? III

Continúo coa serie adicada aos polbos, considerados entre os animais máis intelixentes da fauna e un dos animais máis enigmáticos do océano... ou do espazo exterior... 

A contestación correcta á pregunta do día anterior é Os polbos non teñen cuncha, pero tivérona outrora e perdérona nalgún punto da súa evolución. Así é, os polbos de hoxe son animais invertebrados e carecen tanto de ósos como doutras partes duras como a cuncha. Con todo, segundo un estudo publicado hai uns anos na revista Current Biology, parece que os polbos primitivos posuían uns duros e pesados caparazóns cuxa perda permitiulles obter unha maior mobilidade, dando lugar aos áxiles e maleables animais que hoxe coñecemos.

E imos coa pregunta de hoxe!

3. Dentro dos moluscos, xunto a outras especies, os polbos pertencen á clase dos cefalópodos. Saberías dicir cal destes animais é un intruso que non pertence a esta clase?

- Lura

- Xiba

- Náutilo

- Quitón

Mañá a solución e unha nova proposta!

FONTE: nationalgeographic.com.es/naturaleza      Imaxe: iStock/nationalgeographic.com.es/naturaleza

#DígochoEu: Non digas *desglosar

 

En galego non podemos *desglosar os votos dun concurso, temos que usar outro verbo! Esther Estévez danos alternativas!

 #DígochoEu

CANTO SABES SOBRE OS POLBOS? II

Continúo coa serie adicada aos polbos, considerados entre os animais máis intelixentes da fauna e un dos animais máis enigmáticos do océano... ou do espazo exterior... 

A contestación correcta á pregunta do día anterior é Moluscos. En efecto, aínda que poida parecer que non teñen nada que ver, os polbos pertencen ao mesmo grupo de animais que os mexillóns, as ameixas, os curiosos nudibránquios e os caracois. Son animais invertebrados e unha orde de moluscos cefalópodos octopodiformes.

E imos coa pregunta de hoxe!

2. Moi ben, agora sabes que os polbos son moluscos, pero quizá teñas unha dúbida: que pasou coa súa cuncha?

- Os polbos teñen cuncha, pero é moi pequena e atópase moi escondida

- Os polbos non teñen cuncha, pero tivérona outrora e perdérona nalgún punto da súa evolución

Mañá a solución e unha nova pregunta!

FONTE: nationalgeographic.com.es/naturaleza          Imaxe: iStock/nationalgeographic.com.es/naturaleza

#DígochoEu: #MiraQuenFalaGalego Andy

 

No último #ApuntamentoLusófono tiveramos connosco a Andy, un rapaz que nunca estivo en Galicia pero que case sabe máis galego ca Esther!

#DígochoEu

CANTO SABES SOBRE OS POLBOS?

Os polbos están considerados entre os animais máis intelixentes da fauna. Teñen unha gran capacidade de aprendizaxe, tanto no ámbito social como no espacial, e mesmo son capaces de resolver problemas sinxelos. No puramente físico, teñen tres corazóns, nove cerebros e poden cambiar a cor e a textura da súa pel segundo a cantidade de luz ambiente que o rodea. Agora, varios novos estudos arroxan máis datos sobre estes curiosos animais. Un dos máis recentes asegura que, do mesmo xeito que ocorre cos seres humanos, o seu cerebro pasa mentres dormen por diferentes ciclos, nos que soñan e cambian de cor. Un segundo traballo apunta a que poden paladear calquera cousa que pase polos seus tentáculos antes de levarllo á boca.

Estas e outras cousas máis poder aprender, ou lembrar, nesta serie na que poño a proba os teus coñecementos sobre un dos animais máis enigmáticos do océano... ou do espazo exterior...

Anímaste? Pois comezamos!

1. Xa que imos falar dos polbos, o primeiro que deberiamos saber de que tipo de animais trátase. De entrada pode resultarche estraño, pero os polbos pertencen ao fílo dos...

- Moluscos

- Rotíferos

- Crustáceos

Mañá a solución e unha nova pregunta!

FONTE: nationalgeographic.com.es/naturaleza         Imaxes: nationalgeographic.com.es/naturaleza e iStock/nationalgeographic.com.es/naturaleza

#DígochoEu: Non digas *paradóxico

 

Algo que é contrario á lóxica ou contraditorio non é *paradóxico en galego!

#DígochoEu