UN PAÍS CHAMADO ESPAÑA

RIQUEZA NATURAL E PAISAXÍSTICA DE ESPAÑA VI

Continúo coa serie Riqueza natural e paisaxística de España, na que facemos un pequeno percorrido polas marabillas que a natureza esculpíu ao longo dos anos e aqueles espazos que son o resultado do traballo e enxeño do ser humano.

Hoxe imos a...

6. Xardín Nazarí de Vélez de Benaudalla (Andalucía)

No mesmo centro urbano e administrativo de Vélez de Benaudalla (Granada) atópase un lugar paradisiaco, acondicionado para o descanso, e ideal para os momentos reflexivos e contemplativos. Este lugar é o Xardín Nazarí de Vélez de Benaudalla.

Catalogado pola Xunta de Andalucía como Xardín Histórico,  tamén é coñecido como xardín dos Sentidos ou o Generalife chico, non sufriu grandes transformacións estruturais ao longo da súa dilatada historia.

A pesar de ser considerado como un claro exemplo de xardín hispano-musulmán, os estudos de 1995 puxeron de manifesto que, tanto o xardín como as vivendas que aquí quedan son obras do século  XVI, realizadas a partir dunha adaptación das hortas preexistentes, e mantendo o sistema hidráulico árabe.

Esta leira de recreo está delimitada por unha cerca perimetral, a excepción do flanco que dá ao tallo natural de Vélez de Benaudalla. Presenta dous elementos ben diferenciados, por unha banda unha vivenda, desenvolta en tres corpos ao redor dun patio central e por outro un amplo xardín, con hortas, muíño e grutas.

Mañá outro lugar alucinante!

FONTE: Idea orixinal abc.es/viajar, rinconesdegranada.com   Imaxe: turismo.velezdebenaudalla.es

RIQUEZA NATURAL E PAISAXÍSTICA DE ESPAÑA V

Continúo coa serie Riqueza natural e paisaxística de España, na que facemos un pequeno percorrido polas marabillas que a natureza esculpíu ao longo dos anos e aqueles espazos que son o resultado do traballo e enxeño do ser humano.

Hoxe imos a...

5. O Parque do Pasatempo (Galicia)

O Parque do Pasatempo é un espazo considerado como unha combinación perfecta entre un xardín de recreo e un parque cultural, de estilo enciclopédico. Coa súa construción pretendíase dar a coñecer distintas culturas do mundo, que aínda podemos gozar a través das súas grandes paredes e muros, ademais de parques e fontes.

Situado na cidade de Betanzos (A Coruña), é un parque construído inicialmente en 1893 e rematado en 1914 (aínda que posteriormente tivo certas restauracións), a instancias do benfeitor e emigrante betanceiro na Arxentina Juan García Naveira.

Dende febrero diste ano, 2020, foi declarado Ben de Interese Cultural coa categoría de Xardín Histórico. É un dos lugares de visita recomendada para os peregrinos que fan o Camiño inglés.

Mañá outro lugar alucinante!

FONTE: Idea orixinal abc.es/viajar, es.wikipedia.org  Imaxe: gl.wikipedia.org

RIQUEZA NATURAL E PAISAXÍSTICA DE ESPAÑA IV

Continúo coa serie Riqueza natural e paisaxística de España, na que facemos un pequeno percorrido polas marabillas que a natureza esculpíu ao longo dos anos e aqueles espazos que son o resultado do traballo e enxeño do ser humano.

Hoxe imos a...

4. Os bufóns de Pría flysch (Principado de Asturias)

Un bufón é unha formación kárstica que consiste nun orificio vertical formado a poucos metros do bordo dun cantil de rocha calcaria e que inferiormente comunica co mar. Cando a marea sobe e as ondas baten con forza, expulsa cara arriba un chorro de auga de mar pulverizada, o que provoca un son característico que é o que lle dá o nome de bufón. A columna de auga pulverizada pode alcanzar máis de 10 metros de altura e o bufido oírse a varios quilómetros.

Os bufóns de  Pría atópanse na localidade de Llanes de Pría, no concello asturiano de Llanes. Trátase da agrupación de bufóns máis occidental da costa asturiana. Está integrado dentro da Paisaxe Protexida da Costa Oriental de Asturias.

Mañá outro lugar alucinante!

FONTE: Idea orixinal abc.es/viajar, es.wikipedia.org e desnivel.com  Imaxe: guiarepsol.com

RIQUEZA NATURAL E PAISAXÍSTICA DE ESPAÑA III

Continúo coa serie Riqueza natural e paisaxística de España, na que facemos un pequeno percorrido polas marabillas que a natureza esculpíu ao longo dos anos e aqueles espazos que son o resultado do traballo e enxeño do ser humano.

Hoxe imos a...

3. O flysch (País Vasco)

O termo flysch é unha palabra bastante descoñecida. Un fenómeno xeolóxico de millóns de anos de antigüidade e que os científicos levan estudando décadas, pero que para a maioría soa a chinés ou alemán, orixe desta palabra.

Entre Zumaia e Mutriku desprégase o flysch, unha sucesión de cantís e estratos. Iste tramo de litoral atópase no Xeoparque da Costa Vasca (Geoparkea), espazo protexido (en 2015 a UNESCO integrouno na súa rede mundial de xeoparques), preto de San Sebastian.

Unha clase en vivo de Historia e Xeografía que hai que compasar coa hora da marea baixa, o momento do día en que o mar Cantábrico retírase e deixa ver no seu máximo esplendor os estratos rochosos verticais que o mar acaba engulindo.

Curiosamente, foron o escenario da última tempada de Xogo de Tronos.

Mañá outro lugar alucinante!

FONTE: Idea orixinal abc.es/viajar, es.wikipedia.org e traveler.es  Imaxe: turismo.euskadi.eus

RIQUEZA NATURAL E PAISAXÍSTICA DE ESPAÑA II

Continúo coa serie Riqueza natural e paisaxística de España, na que facemos un pequeno percorrido polas marabillas que a natureza esculpíu ao longo dos anos e aqueles espazos que son o resultado do traballo e enxeño do ser humano.

Hoxe imos a...

2. Campos de lavanda de Prihuega (Guadalaxara)

Sempre se falou da beleza dos espectaculares campos de lavanda franceses, principalmente emprazados na Provenza, ou dos que se cultivan na Illa de Hvar, en Croacia. Pero non fai falta saír de España, na provincia de Guadalaxara (Castela-A Mancha), sen ir máis lonxe, cultívanse enormes extensións de lavanda que alcanzan o seu apoxeo a mediados de xullo.

O afortunado lugar para este marabilloso milagre da natureza é a localidade de Brihuega, un precioso recuncho da Alcarria, cheo de colorido espectacular da lavanda en flor.

Mañá outro lugar alucinante!

FONTE: Idea orixinal abc.es/viajar, es.wikipedia.org e desnivel.com  Imaxe: elmagazindemerlo.blogspot.com

RIQUEZA NATURAL E PAISAXÍSTICA DE ESPAÑA

España posúe unha riqueza natural e paisaxística inigualable, marabillas que a natureza esculpíu ao longo dos anos. Ao lado desas paisaxes salvaxes, non podemos esquecer aqueles que son o resultado do traballo e enxeño do ser humano.

Imos facer un pequeno percorrido por alúns deses lugares. Comezamos!

1. O Torcal de Antequera (Málaga)

O Torcal de Antequera, situado nos termos municipais malagueños de Antequera e Villanueva de la Concepción, é un espazo único que reúne un das paisaxes kársticos máis espectaculares de toda Europa. Con máis de 200 millóns de anos, conta formacións rochosas con forma de depresións circulares que se orixinaron pola acumulación e depósito de sedimentos mariños e a erosión de axentes naturais, dando lugar a esta contorna, con murallóns  calcáreos de formas moi caprichosas que chegan a alcanzar os 1.300 metros de altitude e as súas singularidades, tanto xeolóxicas como botánicas conduciron á Xunta de Andalucía a cualificalo como Paraxe Natural en 1989, aínda que xa desde 1978 posuía a calificación de Parque Natural. En 2014 é declarado Zona Especial de Conservación, gozando a serra a declaración de Zona Especial para a Protección das Aves.

Fisuras, gretas, canles e simas dominan un terreo no que a rocha nai atópase tan próxima á superficie que en moitos lugares, os vexetais deben desenvolverse directamente sobre ela. Pero non ocorre o mesmo no fondo das dolinas ou torcas que deron o seu nome á zona: nelas acumúlanse os materiais e forman un chan rico en nutrientes, onde a vexetación atopa un bo asento. A paisaxe componse así dun mosaico no que o gris prateado da rocha espida mestúrase co verde das zonas máis chairas.

Mañá outro lugar de alucine!

FONTE: Idea orixinal abc.es/viajar, es.wikipedia.org e desnivel.com  Imaxe: desnivel.com

OS BORBÓNS EN ESPAÑA XII (FIN)

Remato co paseo pola galería de todos os monarcas que, baixo o apelido Borbón, sentáronse no trono de España e o repaso dos fitos máis importantes do seu reinado.

12. FELIPE VI

Filipe VI (Madrid, 30 de xaneiro de 1968), de nome completo Felipe Xoán Pablo Alfonso de Todos os Santos de Borbón e Grecia, é o rei actual de España. É o fillo menor de Xoán Carlos I de España e Sofía de Grecia. Logo da abdicación do seu pai o 2 de xuño de 2014, ascendeu ao trono o 19 do mesmo mes e ano co nome de Filipe VI, ao ser proclamado perante as Cortes Xerais.

Está casado con Letizia Ortiz Rocasolano (Oviedo, 1972), raíña consorte de España, coa que ten dúas fillas, a princesa Leonor e a infanta Sofía.

Durante os seus anos como rei, Felipe Vi tivo que facer fronte ao xuízo da súa irmá e cuñado, ao problema independentista catalán, ás tensións internas na familia, á inestabilidade política e aos numerosos escándalos que se ían descubrindo ao redor da figura do seu pai. Todo isto causou un forte deterioro na imaxe pública da Casa Real e certo rexeitamento por parte da poboación española.

Moito terrían que cambiar as tornas, tanto sociais como lexislativas, para que que a princesa Leonor, a súa herdeira, non acceda ao trono, continuando así coa dinaistia Borbón en España.

Ata a próxima serie!

FONTE: Idea orixinal Daniel Delgado/muyinteresante.es e wikipedia.org Imaxe: Fotografía de Felipe VI/Wikimedia Commons.

OS BORBÓNS EN ESPAÑA XI

Continúo co paseo pola galería de todos os monarcas que, baixo o apelido Borbón, sentáronse no trono de España e o repaso dos fitos máis importantes do seu reinado.

11. XOÁN CARLOS I

Xoán Carlos I (Roma, 5 de xaneiro de 1938), fillo de Xoán de Borbón e neto de Alfonso  XIII, foi enviado a España para converterse no sucesor do ditador Francisco. Tras a morte do dictador, foi proclamado o 22 de novembro de 1975, de acordo coa Lei de Sucesión na Xefatura do Estado de 1947. A Constitución española, ratificada por referendo popular o 6 de decembro de 1978 e promulgada o 27 de decembro do mesmo ano, recoñéceo expresamente como rei de España e lexítimo herdeiro da dinastía histórica de Borbón, outorgándolle a xefatura do Estado.

En 1962 contraera matrimonio con Sofía de Grecia (Atenas,1938), tendo 3 fillos, un varón e dúas mulleres.

Con todo, o entón príncipe parecía ter outros plans máis acordes coas necesidades do país e os desexos dos españois, polo que acabou por converterse nun dos personaxes principais da Transición e a nova orde democrática que xurdiu en España en 1978. 

Os momentos claves do seu reinado foron: A Trasición cara a democracia (1975-1982), os gobernos de Felipe González (1982-1996), os gobernos de Xosé Mª Aznar (1996-2004), os gobrenos de José L. Rodríguez Zapatero (2004-2011) e os gobernos de Mariano Raxoi (2011-2017).

Lembrado polo seu papel neste período e pola súa intervención durante o intento de golpe de estado de 1981 (23 F), os seus últimos anos de reinado encadearon numerosos escándalos e sospeitas en casos de corrupción que lle levaron a abdicar en xuño de 2014. A súa presenza mediática como representante da Casa Real decreceu desde entón, en parte porque non deixaban de aparecer novos casos ou escándalos nos que se vía envolvido o rei emérito. O 3 de agosto diste ano, 2020, anunciou que abandonaba España nun último intento de que os seus actos non afecten á Coroa nin ao actual rei, estando, ao parecer, nos Emiratos Árabes Unidos.

Mañá o último monarca Borbón, por agora!

FONTE: Idea orixinal Daniel Delgado/muyinteresante.es e wikipedia.org Imaxe: Fotografía de Xoán Carlos I /Wikimedia Commons.