EXPRESIÓNS GALEGAS CON RETRANCA IV

Sigo a falar dalgunhas expresións que os galegos temos e que fóra das nosas fronteiras non se entenderán ou poden levar a equívocos. Ademais, teñen uns matices que tentaremos explicar e que ás veces son difíciles de traducir.

7. Malo será

É unha expresión moi empregada na nosa terra, que convida ao optimismo. Vén significar que, aínda que haxa adversidades, sempre se sae adiante, xa que as malas etapas sempre teñen un final. Non duran para sempre. Neste senso tamén se emprega Nunca choveu que non escampase.

8. Ser un toxo

O toxo é esa planta silvestre con flores amarelas e espiñas. Imaxínaste como sería darlle un abrazo a un toxo? Pois, así máis ou menos pódeste sentir cando abrazas a alguén que é un toxo. Entón, que significa ser un toxo? En xeral, chámaselles así ás persoas impertinentes, ariscas ou bastas.

FONTE: xenera.com e blog.mundo-r.com/es        Imaxes: crtvg.es e laregion.es

Continuará...