#DígochoEu: Non digas *tentempié

Se en galego non se pode dicir *tentempié para referirmos a esa comida lixeira para repoñer forzas, como se dirá pois?

#DígochoEu

Tres sinais para elixir ben o amor

O mito da media laranxa, as relacións tóxicas ou a síndrome de Wendy e Peter pan. Son algúns dos temas que aborda o psicólogo Luis Muiño para “deixar de romantizar” o amor romántico: “O amor romántico é como un feitizo. Engánanos cunha visión idealizada do outro”. E engade: “Cando o feitizo rompe, a miúdo descubrimos que a nosa parella é alguén diferente ao que criamos ver”. Segundo afirma, o 90% das persoas que acoden a terapia, fano por mor do amor. Ou, matiza, "por mor dunha visión distorsionada do que é o amor”. Muiño anímanos a renovar a maneira en que concibimos a parella e avoga por aprender a construír amores que non estean baseados na idealización e na posesión, senón en "un amor máis libre e máis san: un amor posromántico”, conclúe.

Luis Muiño é un psicoterapeuta e divulgador español dedicado a promover a saúde mental e o benestar emocional. O seu traballo combina a divulgación científica con accións de impacto social. As súas ideas caracterízanse polo seu pragmatismo, profundo coñecemento das condutas humanas e unha forma orixinal de comunicar, calidades polas que obtivo o premio de xornalismo do Colexio Oficial de Psicólogos de Madrid. Ao longo da súa carreira, colaborou en diversos programas, como O factor humano en Radio Nacional de España, e escribiu en publicacións como Muy Interesante, El País e La Vanguardia. Ademais, é autor de varios libros, entre os que destacan A trampa do amor e Entende a túa mente, este último inspirado no seu popular podcast do mesmo nome, un dos máis buscados en español.

CANTO SABES DE ESTREMADURA? IX

Continúo coa serie adicada a Estremadura, comunidade autónoma situada no centro-oeste da península ibérica. Un espazo de grandes contrastes e está considerado como un dos máis importantes enclaves ecolóxicos de España. O seu patrimonio histórico é, igualmente, un dos máis sobresalientes da Península Ibérica.

A contestación correcta á pregunta de onte é Texo. Dos 1.007 km de percorrido, 816 son por territorio español, de los cuales 97 son pola provincia extremeña de Cáceres, 47 forman a frontera do noso país con Portugal e os últimos 145 son exclusivamente por este último país ata a súa desembocadura.

 

E imos coa pregunta de hoxe!

9. Estremadura está organizada territorialmente en municipios, pero cantos ten?

- 188

- 288

- 388

- 488

Mañá a solución e unha nova proposta!

FONTE: es.wikipedia.org       Imaxes: billiken.lat/naturaleza e es.wikipedia.org

O CEREBRO É UN CABRÓN

Aarón Fernández do Olmo é neuropsicólogo clínico e unha das voces máis sólidas e empáticas na divulgación científica sobre o funcionamento do cerebro humano. Cunha mirada que combina o rigor académico cunha profunda sensibilidade social, Fernández do Olmo explora como as alteracións neurolóxicas afectan non só as funcións cognitivas, senón tamén a identidade, a percepción e os vínculos máis íntimos. A través de exemplos cotiáns e explicacións accesibles, convida a reflexionar sobre os misterios do cerebro e os seus paradoxos, como cando nos falla a memoria, perdemos a linguaxe ou sentimos que a realidade se nos escapa.

O seu libro O cerebro é un cabrón non é só un título provocador: é unha invitación para comprender que, ás veces, o noso órgano máis complexo pode actuar de forma desconcertante, pero tamén permitir fugaces momentos de tenrura e verdade. O seu traballo é unha ponte entre a neurociencia e a vida real, e unha invitación para comprender que coidar o cerebro tamén é unha forma de coidar o humano.

CANTO SABES DE ESTREMADURA? VIII

Continúo coa serie adicada a Estremadura, comunidade autónoma situada no centro-oeste da península ibérica. Un espazo de grandes contrastes e está considerado como un dos máis importantes enclaves ecolóxicos de España. O seu patrimonio histórico é, igualmente, un dos máis sobresalientes da Península Ibérica.

A contestación correcta á pregunta de onte é Calvitero. Está situado no límite entre os municipios de Tornavacas (provincia de Cáceres) e Candelario (provincia de Salamanca), na serra de Béjar, pertencente ao Sistema Central. Ten una altitude de 2.404 m.

 

E imos coa pregunta de hoxe!

 

8. Dous grandes ríos de España, Texo e Guadiana, pasan por Estremadura, pero cal é o que ten máis percorrido por esta Comunidade?

Mañá a solución e unha nova proposta!

FONTE: es.wikipedia.org       Imaxes: es.wikipedia.org e turismodeobservacion.com

#DígochoEu: Non digas *rabadela

O extremo óseo da columna vertebral que comprende o cóccix e parte do sacro non é *rabadela. Entón como se di correctamente en galego?

#DígochoEu

#DígochoEu: Nos coches non hai lúas!

Nada de *lúas nos coches! Entón como se di?

#DígochoEu

León XIV, o primeiro Papa matemático en máis de mil anos: o anterior inventou un ábaco e foi acusado de bruxería

Á esquerda, miniatura de Silvestre II. Á dereita, León XIV. Ambos teñen formación matemática / Wikipedia/Reuters

León XIV (Robert Francis Prevost-Chicago, 14 de setembro de 1.955) é o primeiro Papa estadounidense da Historia e tamén o primeiro matemático en máis de mil anos. Para atopar a outro Santo Padre con esa formación hai que retrotraerse ao ano 999, cando o francés Gerberto de Aurillac  (Auvernia, Francia, c. 945-Roma, 12 de maio do 1.003), foi proclamado bispo de Roma, cargo que ostentou ata a súa morte, en 1.003, co nome de Silvestre II.

Coñecido como o Papa do ano 1.000, inventou un tipo de ábaco e outros enxeños, e influíu na introdución en Europa do sistema decimal islámico e o uso do cero. Con todo, os seus inimigos acusárono de bruxería e de facer pactos co diaño.

Que o novo Papa sexa matemático é moi boa noticia!