CANTO SABES SOBRE AMÉRICA? VI

Continúo coa serie, que onte comezamos sobre América, é o segundo continente máis grande da Terra, despois de Asia.

A contestación correcta á pregunta de onte é Amazonas. É o río máis longo e caudaloso do mundo, e contén máis auga que o Nilo, o Yangtsé e o Misisipi xuntos, supoñendo preto dunha quinta parte da auga doce en estado líquido do planeta. Nace na Crebada de Apacheta, rexión de Arequipa (Perú), e despois de percorrer 7.062 km por Perú, Colombia e Brasil, desemboca no océano Atlántico, na costa nordés de Brasil.

E imos coa pregunta de hoxe!

6. Cal é o maior lago de auga doce de América?

- Lago Hurón

- Lago Michigan

- Lago Titicaca

- Lago Superior

Mañá a solución e unha nova proposta!

FONTE: es.wikipedia.org          Imaxe: es.wikipedia.org         

NGC 1999: UNHA NEBULOS PARFECTA PARA HALLOWEEN

O que temos diante os nosos ollos é NGC 1999, unha nebulosa de reflexión situada a uns 1.350 anos luz de distancia na constelación de Orión que brilla coa luz da estrela variable V380 Orionis e que é a rexión de formación estelar masiva máis próxima á Terra.

A recente imaxe desta nebulosa de reflexión captada polo Hubble non pode ser máis fantasmagórica (acorde coa celebración da festa de Halloween).

Coñecida como Ced 55i, DG 60 ou LBN 979, esta nebulosa foi descuberta o 5 de outubro de 1785 polo astrónomo británico de orixe alemá William Herschel.

"NGC 1999 en si mesmo é unha reliquia da formación estelar recente: está composto de detritos que quedaron da formación dunha estrela recentemente nada. Do mesmo xeito que a néboa que se enrosca ao redor dun farol, as nebulosas de reflexión como NGC 1999 só brillan debido á luz dunha fonte incrustada. No caso de NGC 1999, esta fonte é a estrela recentemente nada V380 Orionis antes mencionada, que é visible no centro desta imaxe. Con todo, o aspecto máis notable da aparencia de NGC 1999 é o rechamante buraco no seu centro, que se asemella a un ollo de fechadura negro como a tinta de proporcións cósmicas", dixeron os astrónomos do Hubble.

A imaxe, que se creou a partir de varias exposicións separadas da Wide Field Planetary Camera 2 do Hubble, data de pouco despois da Misión de Servizo 3A en 1999. Grazas ás novas observacións, os científicos descubriron que a mancha escura do centro da nebulosa non era unha nube densa e fría de gas, senón simplemente unha rexión baleira do espazo; un oco baleiro na nebulosa.

"A orixe desta greta inexplicable no corazón de NGC 1999 segue sendo descoñecido", conclúen os expertos.

FONTE: Sarah Romero/muyinteresante.es/ciencia     Imaxe: NASA / ESA / Hubble / ESO / K. Noll

CANTO SABES SOBRE AMÉRICA? V

Continúo coa serie, que onte comezamos sobre América, é o segundo continente máis grande da Terra, despois de Asia.

A contestación correcta á pregunta de onte é Aconcagua. É o pico máis alto do cordal dos Andes e por tanto de América do Sur e de toda América , cunha altitude de 6.960,8 metros. Está situado na provincia arxentina de Mendoza.

E imos coa pregunta de hoxe!

5. Cal é a o río máis longo de América?

- Río Misisipi

- Río Paraná

- Río da Prata

- Río Amazonas

Mañá a solución e unha nova proposta!

FONTE: es.wikipedia.org          Imaxe: Joshjrowe / es.wikipedia.org         

#DígochoEu: Non digas *andén

 

Nada de chorar no *andén por alguén que marcha no tren! Porque en galego non dicimos *andén.

#DígochoEu

SOMOS CONSCIENTES DO VALOR DUN BOSQUE?

 

As árbores están entre os seres vivos máis antigos que habitan o planeta Terra. Desde hai uns anos sucédense episodios de morte súbita e xeneralizada de árbores en bosques de todo o mundo. “A estrutura dos bosques en contornas coma a nosa e, en xeral, a maior parte das rexións do mundo, están moi afectados pola actividade humana”, asegura o profesor Paco Lloret. 

Catedrático de Ecoloxía da Universidade Autónoma de Barcelona e investigador do do Centro de Investigación Ecolóxica e Aplicacións Forestais, Paco Lloret leva décadas estudando o que está a pasar cos bosques. No seu último libro, ’A morte dos bosques’, o profesor percorre algúns dos rodais máis importantes de América, Europa e África para evidenciar os procesos que están a provocar o seu colapso. Máis aló do cambio climático, as secas ou os incendios, Lloret profunda no funcionamento dos bosques, na súa complexa dinámica interna ou o papel que xogan na biodiversidade. 

Escenario de contos e rituais, espazo para a espiritualidade ou a supervivencia, os bosques están intimamente ligados ao desenvolvemento humano. “Proporciónannos múltiples servizos, non só pola explotación da súa madeira, senón tamén pola súa capacidade de regular o clima e a provisión de auga", asegura Lloret que co seu traballo pretende axudar a preservar este legado natural.

SOLUCIÓN SOPA DE LETRAS CIX

 

Termos da festa do Samaín!

#DígochoEu: #ApuntamentoLusófono 57

 

O ApuntamentoLusófono de hoxe está centrado nas tradicións do Samaín / Halloween en Galicia e en Portugal. Viñeron visitarnos os Maléficos de Valença, que organizan unha boa na noite do 31 de outubro ao 1 de novembro. Tamén nos visitou a cantante Hydn que, aínda que non vaia ao #BenidormFest, será para sempre a gran diva do ’galenglish’.

#DígochoEu

CANTO SABES SOBRE AMÉRICA? IV

Continúo coa serie, que onte comezamos sobre América, é o segundo continente máis grande da Terra, despois de Asia.

A contestación correcta á pregunta de onte é San Cristobo e Neves. É un país do norte antillano, en concreto das Illas de Barlovento, debendo o seu nome precisamente a este par de illas. Cristobal Colón colonizou estas illas na súa segunda viaxe a este continente, chamando á maior San Cristobo na honra ao colonizador de América e Nieves á segunda pola neve do seu cume (causada en realidade polas nubes), en alusión a un milagre da Virxe María coa advocación da nosa Señora das Neves e ocorrido no monte Esquilino, en Roma, no século IV. É o país máis pequeno do continente americano, tanto en tamaño como en poboación polo que é considerado un microestado. Posúen unha superficie de 261 km² (San Cristóbal 1.688​ e Nieves 93)​ e unha poboación de 54.961 habitantes. A súa capital e cidade máis poboada é Basseterre, en San Cristobo.

E imos coa pregunta de hoxe!

4. Cal é a montaña máis elevada de América?

- Pissis

- Aconcagua

- Benete Chico

- Huascarán

Mañá a solución e unha nova proposta!

FONTE: es.wikipedia.org          Imaxe: Bjørn Christian Tørrissen/ es.wikipedia.org