A CIENCIA, UN MOTOR PARA DESCUBRIR O UNIVERSO

O cosmos, a antimateria, as partículas ou o Bosón de Higgs… Son termos científicos que parecen afastados da nosa realidade e que, moitas veces, resúltannos difíciles de entender. Pero hai científicos capaces de conducirnos nunha viaxe extraordinaria a través dos misterios da ciencia, facéndonos comprender e descubrir. Un deles é Alberto Casas, doutor en Física, profesor e investigador do CSIC.

Segundo explica: “O motor que move a un científico é a curiosidade, entender algo da natureza que non se entende e que hai que desvelar”. Esa curiosidade, asegura, témola todos de maneira innata, pero imos perdendo a medida que medramos. Para Alberto Casas, é impresionante o que a ciencia chegou a descubrir sobre os misterios da natureza: “Agora sabemos que son as estrelas, por que locen, como foi a orixe do universo ou por que arde a madeira”. Con todo, engade, “aínda quedan moitas preguntas profundas sen responder, moitas incógnitas ás que a ciencia debe dar resposta”. Para el, continuar investigando é “un exercicio de creatividade fascinante”.

Alberto Casas é doutor en Física Teórica e profesor de Investigación do CSIC. As súas áreas de investigación son a física de partículas elementais e a cosmoloxía. Traballou no CERN (Centro Europeo de Física de Partículas) de Xenebra e nas universidades de Oxford e California. Tamén é autor dos libros de divulgación científica ‘O lado escuro do universo’ (2013), ‘O LHC e a fronteira da física’ (2019) e ‘O cosmos e a materia escura’ (2017), entre outros.

CANTO SABES DE ANATOMÍA? XII

Continúo coa serie adicada a anatomía, esta rama das ciencias naturais relativa á organización estrutural dos seres vivos, é dicir, a forma, topografía, localización, disposición e a relación entre si dos órganos que as compoñen.

A contestación correcta á pregunta de onte é O+. A distribución dos grupos sanguíneos na poboación humana non é uniforme. O máis común é O+, mentres que o máis escaso é  AB–. O donante universal é o O- e o receptor universal é o AB+. 

E imos coa pregunta de hoxe!

12. Cal é o maior órgano do corpo humano?

- Fígado

- Pulmóns

- Pel

- Cerebro

Mañá a solución e unha nova pregunta

FONTE: Idea orixinal alfalr.com e gal.wikipedia.org  

#DígochoEu​: Non digas 'que *asco!' nin *asqueroso

 

*Asco e *asqueroso son castelanismos! Esther Estévez Casado cóntanos como se di correctamente en galego!

#DígochoEu

#DígochoEu:​ Non digas *atragantarse

 

En galego non nos *atragantamos! Esther Estévez Casado dinos varias alternativas para dicilo correctamente!

#DígochoEu

DISCIPLINA POSITIVA

"Que é educar? Creo que temos demasiada información e demasiadas expectativas. Esquecéusenos a mirada desde a curiosidade e non facemos caso ás nosas intuicións, que realmente están aí. Desde onde educamos e para que educamos é o que van recibir os nosos fillos. Que queremos? Que os nosos fillos sintan que nos preocupamos por eles ou que nos ocupamos deles?". María Soto é considerada unha das máximas representantes da Disciplina Positiva en España, unha metodoloxía que aposta por unha crianza baseada na firmeza e a amabilidade, onde os límites establécense sen usar premios nin castigos.

Despois de estudar Logopedia e Psicoloxía, María Soto certificouse como facilitadora para impartir talleres e cursos sobre Disciplina Positiva, que desenvolveu no seu proxecto e libro, ’Educa Bonito’, con consellos e ferramentas para unha crianza e educación baseadas no respecto mutuo. "A sociedade, a ciencia, a tecnoloxía cambiaron, pero as ’frases de nai’ seguen sendo as mesmas. Os valores, os principios morais non deben cambiar, pero si debemos revisar como ensinalos, porque estamos a educar á xeración do século XXI con ferramentas educativas do século anterior", conclúe a autora.

CANTO SABES DE ANATOMÍA? XI

Continúo coa serie adicada a anatomía, esta rama das ciencias naturais relativa á organización estrutural dos seres vivos, é dicir, a forma, topografía, localización, disposición e a relación entre si dos órganos que as compoñen.

A contestación correcta á pregunta de onte é Ventrículos. O corazón no ser humano está dividido en catro cavidades: dúas superiores, a aurícula dereita e a aurícula esquerda, e dúas inferiores, o ventrículo dereito e o ventrículo esquerdo. A aurícula esquerda comunica co ventrículo esquerdo por medio da válvula mitral e a aurícula dereita comunica co ventrículo dereito por medio da válvula tricúspide. Cada ventrículo recibe sangue da aurícula do seu mesmo lado e a impulsa a unha arteria: as arterias pulmonares, no caso do ventrículo dereito, e a aorta, no caso do ventrículo esquerdo.

E imos coa pregunta de hoxe!

11. Cal é o gupo sanguíneo máis común?

- B+

- B-

 -A+

- A-

- O-

- O+

- AB-

- AB+

Mañá a solución e unha nova proposta!

FONTE: Idea orixinal alfalr.com e gal.wikipedia.org    

CANTO SABES DE ANATOMÍA? X

Continúo coa serie adicada a anatomía, esta rama das ciencias naturais relativa á organización estrutural dos seres vivos, é dicir, a forma, topografía, localización, disposición e a relación entre si dos órganos que as compoñen.

A contestación correcta á pregunta de onte é Glúteo maior. O esqueleto humano adulto está constituído por polo menos 206 ósos​, podendo chegar o seu número nalgunhas persoas, incluíndo os ósos wormianos, tipicamente aos 210.​ No lactante e o neno hai que sumar ademais 3 ou 4 vértebras sacras, que posteriormente fúndense no sacro, de 3 a 5 vértebras coccíxeas, que logo fúndense no cóccix, e o ilio, isquion e pube, que no adulto están fusionados no  coxal​.

E imos coa pregunta de hoxe!

10. Como se chaman as dúas cámaras inferiores do corazón humano?

- Aurículas

- Ventrículos

Mañá a solución e unha nova pregunta!

FONTE: Idea orixinal alfalr.com e gal.wikipedia.org       Imaxe: partesdel.com

#DígochoEu:​ Non digas *migrañas

 

En galego non temos *migrañas. Esther Estévez Casado cóntanos como se chaman as dores fortes de cabeza neste capítulo!

#DígochoEu