CUN LIBRO NUNCA ESTÁS SÓ

De pequena tiña medo a falar en público e soñaba con vivir en Nova York. Hoxe inspira a miles de persoas coas súas conferencias e leva 20 anos habitando a Gran Mazá. Para Bisila Bokoko non hai obstáculo que a free, nin soño que non se propoña alcanzar. “Se cres, creas”, asegura esta filántropa e emprendedora nada en España con raíces en Guinea Ecuatorial.

Bokoko está considerada unha das mulleres españolas máis influentes na actividade empresarial en Estados Unidos. Foi Directora Executiva da Cámara de Comercio España en Nova York e é, ademais, unha recoñecida empresaria. “A educación foi a chave da miña liberdade”, asegura esta muller decidida e inquieta que pisou África por primeira vez cando tiña 35 anos. Aínda que, admite Bokoko, "sabía moito das miñas raíces grazas aos libros e ás historias que me contaban os meus avós". Un dos seus proxectos máis ambiciosos pretende plantar o coñecemento nas zonas máis remotas do continente. É o ’African Literacy Project’: unha rede de bibliotecas en varios países para promover a alfabetización nos pobos africanos.

Bisila Bokoko defende o empoderamento das persoas a través do desenvolvemento persoal. O seu traballo valeulle multitude de galardóns internacionais. En 2019 a ONU honrouna co premio ‘Cidadá do Mundo’. “É o recoñecemento que mellor describe quen son”, sentenza.

CANTO SABES DE ANATOMÍA? V

Continúo coa serie adicada a anatomía, esta rama das ciencias naturais relativa á organización estrutural dos seres vivos, é dicir, a forma, topografía, localización, disposición e a relación entre si dos órganos que as compoñen.

A contestación correcta á pregunta de onte é Fígado. É un órgano vital presente nos vertebrados e nalgúns outros animais, no ser humano constitúe a maior glándula do corpo humano. Localízase no canto dereito superior do abdome, baixo o diafragma, e o seu peso aproximado é de case 1,5 kg no home adulto e un pouco menos na muller; en cativos é proporcionalmente maior, pois constitúe 1/20 do peso total dun recentemente nacido. Funciona como glándula exócrina, isto é, libera secrecións en sistema de canais que se abren nunha superficie externa ou interna. Actúa tamén como glándula endócrina, unha vez que tamén libera substancias no sangue ou nos vasos linfáticos.

E imos coa pregunta de hoxe!

5. Cantas vértebras ten o corpo humano?

- 26

- 33

- 39

- 45

Mañá a solución e unha nova pregunta!

FONTE: Idea orixinal alfalr.com e gal.wikipedia.org

#DígochoEu​: Non digas *escalofriante nin *escalofrío

 

Se tes frío ou medo non tes *escalofríos. Esther Estévez Casado contános que palabras podes usar en galego para cada situación!

#DígochoEu

#DígochoEu:​ Non digas *bozal

 

Hai unha chea de palabras en galego para substituír o castelanismo *bozal! Esther Estévez Casado dínolas.

 #DígochoEu

APLICACIÓNS ECOLÓXICAS DA ORTIGA

Usar as plantas para protexer a outras plantas. Esa é a estratexia que guía a cada vez máis produtores ecolóxicos que escapan dos pesticidas ou abonos químicos. A ortiga, por exemplo, é unha das plantas máis eficaces para manter baixo control ao pulgón ou aos ácaros. Dende A Horta de Ana, danos as claves para elaborar insecticidas e abono de ortiga. Porque non son o mesmo. Cada un ten un uso e o seu proceso de elaboración é diferente. E xa combinado o seu uso cun funxicida elaborado con cola de cabalo a protección dos nosos cultivos será moito maior.

Insecticida de ortiga

Por cada quilo de ortigas hai que engadir 10 litros de auga. A mestura deixarase repousar durante 12 horas. O mestura resultante ten que combinarse nunha proporción do 20 % con auga. É dicir, por cada 2 litros habería que poñer 10 de auga. "Isto úsase para pulverizar sobre as plantas e podemos utilizalo xa nos plantóns de verduras de verán que se están poñendo nestes días nas hortas", conta Ana.

Funxicida con cola de cabalo

Combinar o uso dese insecticida natural cun funxicida, tamén bio, elaborado a base d cola de cabalo é unha das recomendacións desta agricultora ecolóxica para aumentar a protección das plantas. Para facelo basta con comprar, por exemplo, cola de cabalo seca da que se vende nas herboristerías. Hai que mesturar 4 litros de auga por 100 gramos de cola de cabalo e deixalo macerar durante doce horas. Logo hai que mesturalo con auga nunha proporción do 10%. Por cada litro de mestura, poñer 10 de auga. "O que  fai a cola de cabalo é achegar sílice e iso vai moi ben contra os fungos", conta Ana. A súa recomendación: aproveitar para pulveriza as plantas con insecticida de ortiga mesturado con iste funxicida.

Xurro de ortiga fermentada

Para elaborar este abono natural hai que mesturar un quilo de ortiga con dez de auga e deixalo fermentar. Removerse cada día e xusto estará listo cando ao revolvelo non se vexa escuma. Segundo Ana o proceso para obter esa substancia que pode utilizarse para abono no chan dura entre uns 10 e 12 días. Pero non pode aplicarse directamente. A mestura (que pode gardarse en  garrafas nun lugar escuro durante tres ou catro meses) hai que diluíla en auga nunha proporción do 10 %. É dicir, por cada litro de mestura hai que engadir 10 de auga. Iso é o que se bota ao chan. É recomendable usalo cando se fan transplantes porque axuda á raíz. Por exemplo, cando se plantan pementos, pode botarse ao redor de medio litro. Tamén cando se botan sementes é bo regalas logo con esa mestura porque lles axuda a brotar.

FONTE: M.C./lavozdegalicia.es    Imaxe: A Lois

CANTO SABES DE ANATOMÍA? IV

Continúo coa serie adicada a anatomía, esta rama das ciencias naturais relativa á organización estrutural dos seres vivos, é dicir, a forma, topografía, localización, disposición e a relación entre si dos órganos que as compoñen.

A contestación correcta á pregunta de onte é Fémur. É o óso máis longo e máis voluminoso do corpo humano, e localízase na coxa. Tamén é o óso máis resistente. O fémur consiste nunha diáfise central, na epífise proximal que se prolonga, a través dun pescozo, até unha cabeza (esférica), articulando co óso do cadril, e na epífise distal que se divide en dous cóndilos, que se ligan á tibia e á rótula. Unha persoa de 1,80 m ten un fémur de aproximadamente 50 cm.

E imos coa pregunta de hoxe!

4. Cal é o único órgano que pódese rexenerar?

- Cerebro

- Corazón

- PulMóns

- Fígado

Mañá a solución e unha nova pregunta!

FONTE: Idea orixinal alfalr.com e gal.wikipedia.org

CANTO SABES DE ANATOMÍA? III

Continúo coa serie adicada a anatomía, esta rama das ciencias naturais relativa á organización estrutural dos seres vivos, é dicir, a forma, topografía, localización, disposición e a relación entre si dos órganos que as compoñen.

A contestación correcta á pregunta de onte é Epiderme. Está situada encima da segunda capa da pel, chamada derme. Trátase dun epitelio estratificado escamoso ou pavimentoso,   composto por células chamadas queratinocitos, que están mortas na parte superior da epiderme e que proliferan na parte inferior. Actúa como unha eficaz barreira protectora contra a penetración de patóxenos no organismo, facendo da pel unha barreira natural contra a infección. Tamén regula as perdas de auga do corpo cara á atmosfera por medio da perda de auga transepidérmica, que ten escaso control fisiolóxico (distinta da suoración).

E imos coa pregunta de hoxe!

3. Como se chama iste óso?

- Fémur

- Tibia

- Peroné

- Úmero

Mañá a solución e unha nova pregunta!

FONTE: Idea orixinal alfalr.com e gal.wikipedia.org

#DígochoEu:​ Aprende a distinguir vogais abertas e pechadas (capítulo 20)

 

Saberías pronunciar ben "Manolo está tolo e ten un polo e un bolo no colo"? Pois moita tranquilidade!​ Aquí tes a resposta da man de Esther Estévez Casado.

#DígochoEu