#DígochoEu: Aprende a facer a cama en galego!
Pero será posible? Que ten que vir Esther Estévez Casado ensinarvos a facer a cama? Veña, tomade nota!
#DígochoEu
CANTO SABES SOBRE BOTÁNICA? XVI
Coninúo con esta serie, adicada a botánica ou fitoloxía, esa rama da bioloxía que estuda as plantas, baixo todos os seus aspectos.
A resposta á pregunta do día anterior é Matusalén. Iste é o sobrenome dado a un Pinus longaeva, considerado como o segundo organismo non clonado máis antigo con vida, cunha idade estimada de máis de 4.850 anos. O primeiro é unha árbore sen nome da mesma especie que ten 5.068 anos.
E imos coa pregunta de hoxe!
16. Identifica iste arbusto a patir da fotografía.
- Visgo (Viscum album)
- Acivro (Ilex aquifolium)
- Flor de espiño (Pyracantha coccinea)
Mañá a solución e unha nova pregunta!
FONTE: Idea orixinal nationalgeographic.com.es e wikipedia.org Imaxe: caminodosfaros.com
CIENCIAS E HUMANIDADES DEBEN AVANZAR DA MAN
Están as ciencias e as humanidades condenadas a rivalizar? Ciencia e filosofía deberían camiñar da man? Son grandes cuestións que nos expoñen os avances tecnolóxicos e científicos do século XXI. A resposta de Jimena Canales, física e doutora en Historia da ciencia, é clara: “Mentres ciencias e humanidades non avancen conxuntamente, non abordaremos moitos dos problemas que ten hoxe a ciencia, que se deben abordar de maneira humanística”.
Jimena Canales naceu en México e criouse en Monterrey, unha cidade infestada de grandes industrias e fábricas. De nena apaixonábanlle as máquinas e a tecnoloxía, e a través delas tentaba comprender o mundo no que vivimos. “Interésame a historia da ciencia porque me dá respostas acerca de como vivimos hoxe en día, no mundo dixital”, explica.
Doutora en Historia da Ciencia pola Universidade de Harvard, os traballos de investigación de Jimena Canales céntranse en mellorar a comprensión da ciencia e a tecnoloxía en relación coas artes e as humanidades. É autora dos libros ‘O físico e o filósofo: Einstein, Bergson e o debate que cambiou a nosa comprensión do tempo’ (2020), ‘Unha décima de segundo: unha historia’ (2011) e ‘Endemoniados: unha historia sombría dos demos na ciencia’ (2020).
Jimena Canales naceu en México e criouse en Monterrey, unha cidade infestada de grandes industrias e fábricas. De nena apaixonábanlle as máquinas e a tecnoloxía, e a través delas tentaba comprender o mundo no que vivimos. “Interésame a historia da ciencia porque me dá respostas acerca de como vivimos hoxe en día, no mundo dixital”, explica.
Doutora en Historia da Ciencia pola Universidade de Harvard, os traballos de investigación de Jimena Canales céntranse en mellorar a comprensión da ciencia e a tecnoloxía en relación coas artes e as humanidades. É autora dos libros ‘O físico e o filósofo: Einstein, Bergson e o debate que cambiou a nosa comprensión do tempo’ (2020), ‘Unha décima de segundo: unha historia’ (2011) e ‘Endemoniados: unha historia sombría dos demos na ciencia’ (2020).
#DígochoEu: Non digas *tiritar
Castelanismo á vista! *Tiritar. Hoxe ademais facemos un 2x1 polo mesmo prezo! Esther Estévez Casado resólvenos como se di *tirita!
CANTO SABES DOBRE BOTÁNICA? XV
Coninúo con esta serie, adicada a botánica ou fitoloxía, esa rama da bioloxía que estuda as plantas, baixo todos os seus aspectos.
A resposta á pregunta do día anterior é Quercus robur. O carballo é unha árbore anxiosperma da familia das fagáceas, caducifolia, que pode chegar aos 15-20 metros de altura. Esténdese por zonas de clima atlántico en calquera tipo de terreo, tanto en chairas como en ladeiras rochosas, desde o nivel do mar ata os 1.000 metros de altitude. É unha árbore robusta, que pode vivir varios séculos e acadar os 40 metros de altura con pólas que comezan xa desde a parte inferior. Cando a formación é monoespecífica, só de carballos, o bosque é denoninado carballeira. Se se mesturan outras especies de clima atlántico chamámolo fraga. Foi a especie máis abundante e dominante na Europa atlántica e segue a ser predominante no interior de Galicia.
E imos coa pregunta de hoxe!
15. Sabes con que nome se coñece á árbore viva máis vello do mundo?
- Matusalén
- Adán
- O vello piñeiro do Ancient Bristlecone Pine Forest, en White Mountains
Mañá a soulción e unha nova pregunta!
FONTE: Idea orixinal nationalgeographic.com.es e wikipedia.org Imaxe: nationalgeographic.com.es e wikipedia.org
ATOPAN DÚAS MONSTRUOSAS GALAXIAS, 62 VECES MÁIS GRANDES QUE A NOSA VÍA LÁCTEA
Estas son as dúss impresionantes radiogalaxias descubertas polo telescopio MeerKAT / I. Heywood (Oxford/Rhodes/SARAO)
Dúas xigantescas radiogalaxias acaban de ser descubertas grazas ás 64 antenas do poderoso telescopio MeerKAT, en Sudáfrica, no transcurso dunha investigación na que participaron unha trintena de astrónomos de institutos e observatorios de todo o mundo. Unha radiogalaxia é un tipo de galaxia activa que se caracteriza pola súa gran luminosidade nas frecuencias de radio, que emiten en forma de grandes e potentes chorros ou "jets". Os chorros fórmanse como consecuencia da interacción de partículas cargadas e poderosos campos magnéticos ao redor dos buracos negros supermasivos que se atopan nos corazóns desas galaxias.
As dúas novas radiogalaxias, con todo, destacan sobre todas as demais. En efecto, dos millóns de radiogalaxias atopadas ata o de agora só 800 son xigantes, e as dúas recentemente descubertas poderían ser os maiores obxectos individuais observados ata o de agora en todo o Universo. A pesar do seu gran tamaño, decenas de veces maiores que a nosa Vía Láctea, esta poboación galáctica resulta difícil de detectar, xa que a súa luz tenue e difusa está máis aló do alcance da maioría dos telescopios.
En palabras da investigadora e autora principal do estudo recentemente publicado en Monthly Notices of the Royal Astronomical Society, "atopamos estas radiogalaxias xigantes nunha rexión do ceo que ten só catro veces a área da Lúa chea. Segundo o noso coñecemento actual da densidade de radiogalaxias xigantes, a probabilidade de atopar dúas delas nesta rexión tan pequena é de menos do 0,0003%. E iso significa que as radiogalaxias xigantes son probablemente moito máis comúns do que pensabamos!".
O achado brinda aos astrónomos novas pistas sobre como as galaxias evolucionan, e tamén desvela o misterio do enorme tamaño e da idade dalgunhas radiogalaxias, que se cre que se atopan entre as máis antigas do Universo.
As dúas galaxias en cuestión están a varios miles de millóns de anos luz de distancia de nós. Estas dúas galaxias son especiais porque atópanse entre as máis grandes coñecidas, e no 10% superior de todas as radiogalaxias xigantes. Teñen máis de 2 megaparsecs de diámetro, o que equivale a uns 6,5 millóns de anos luz, unhas 62 veces o tamaño da Vía Láctea.
A razón pola que só unhas poucas entre os millóns de radiogalaxias coñecidas alcanzan tamaños tan xigantescos segue sendo un misterio. Crese que as máis grandes son tamén as máis antigas, e se iso é certo, deberían de existir moitas máis que os poucos centos que se coñecen actualmente.
FONTE: José Manuel Nieves/abc.es/ciencia
#DígochoEu: Non digas armario *empotrado
En galego non temos armarios *empotrados porque tampouco temos *potros! Esther Estévez Casado acláranolo.
#DígochoEu
CANTO SABES SOBRE BOTÁNICA? XIV
Coninúo con esta serie, adicada a botánica ou fitoloxía, esa rama da bioloxía que estuda as plantas, baixo todos os seus aspectos.
A resposta á pregunta do día anterior é Amorphophallus titanum. Coñecida como aro xigante ou bunga bangkai (do indonesio, flor cadáver) Amorphophallus titanum é unha planta que produce a inflorescencia, en forma de espádice, máis grande do mundo. Ademais do seu extraordinario tamaño, posúe outra característica única: desprende un fétido cheiro a carne podrecida, polo que se lle coñece como "flor cadáver". A función deste desagradable aroma é a de atraer insectos polinizadores.
E imos coa pregunta de hoxe!
14. Á vista da imaxe, de que árbore estamos a falar?
- Quercus alba
- Quercus ilex
- Quercus robur
Mañá a solución e unha nova pregunta!
FONTE: Idea orixinal nationalgeographic.com.es e wikipedia.org Imaxe: caminodosfaros.com