#DígochoEu: Non digas *as labores
En galego temos labor pero non temos *as labores. Esther Estévez Casado explícanos o porqué no episodio de hoxe!
OS RECUNCHOS MÁIS FERMOSOS DE EUROPA VIII
Continúo coa aventura dende a casa, consistente nun paseo polos lugares máis insólitos e marabillosos de Europa, xa que pola pandemia vémonos limitados e non podemos viaxar para velos in situ.
Hoxe imos a...
8. Bruxas (Bélxica)
Bruxas é unha cidade do noroeste de Bélxica, capital da rexión de Flandres Occidental, atopándose a 90 quilómetros da capital Bruxelas.
O maior atractivo da cidade e o seu centro histórico, declarado Patrimonio da Humanidade pola UNESCO no ano 2000. Aínda que parte está reconstruído, o dito centro urbano é un dos máis grandes atractivos turísticos centroeuropeos, xa que mantén intactas as estruturas arquitectónicas medievais. É coñecida como a Venecia do norte debido á grande cantidade de canles que atravesan a cidade, e á beleza dos mesmos. Todo o centro histórico é peonil, polo que é un pracer percorrer as súas rúas, gozando das vistas aos seus impoñentes monumentos góticos.
Bruxas foi Capital europea da cultura no 2002, xunto á cidade española de Salamanca.
Parece quitada dun conto de fadas!
Mañá outro lugar marabilloso do noso continente!
FONTE: Sarah Romero/muyinteresante.es e es.wikipedia.org Imaxe: muyinteresante.es
#DígochoEu: Os barcos non *zarpan
En galego, os barcos non *zarpan porque *zarpar é un castelanismo. Esther Estévez Casado tráenos varias opcións para substituír este verbo.
COLLE POLO MANGO A TIXOLA DA TÚA VIDA
Algo tan sinxelo como un nariz de pallaso cambiou por completo a vida de Wendy Ramos. Acudiu ao seu primeiro taller de clown e descubriu algo sorprendente: que ser pallaso significaba mirar aos demais dunha forma máis humana. Comprobouno anos despois, visitando hospitais e cárceres co seu grupo de clowns: “O pallaso non só vístese como no circo, non só fai chistes. O pallaso desvístese por dentro, debe quitarse todas as etiquetas e prexuízos que todos temos”, explica. Para ela, esta é a única forma de axudar ao outro, desde a aceptación da propia fraxilidade: “Grazas a iso podes ver a verdadeira beleza que hai en cada persoa”, conclúe.
Wendy Ramos estudou Ciencias da Comunicación na Universidade de Lima e foi unha das fundadoras da compañía teatral ‘Patacláun’, cuxo espectáculo de comedia aceda deu o salto á televisión peruana a finais dos 90. En 2001 creou a ‘Fundación Bolaroja’, un proxecto educativo e de transformación social a través do clown. Con el puxo en marcha o proxecto de clowns hospitalarios ‘Doutores Bolaroja’, co que realizou numerosas intervencións culturais e sanitarias en Perú, Nicaragua, Rusia, Isla de Pascua e España. Tamén en cárceres, áreas marxinais e poboacións afectadas por desastres naturais. Froito do seu labor social, o Ministerio de Saúde peruano nomeouna promotora de saúde, embaixadora da loita contra a tuberculose e embaixadora da ‘Marca Perú’ en 2011. Ramos é ademais actriz, guionista, conferenciante e autora do libro inspirado no seu blogue, ‘Diario dunha vaca descarriada’. En 2018 formou parte do elenco da película ‘Pai non hai máis que un’, do director español Santiago Segura, e en 2020 da súa secuela ’Pai non hai máis que uno 2’.
O CEO DO MES: OUTUBRO 2020
Situación de Draco, radiante das Dracónidas/ Imaxe: es.wikipedia.org
1 de outubro: Lúa Chea
10 de outubro: Cuarto Minguante
16 de outubro: Lúa Nova
23 de outubro: Cuarto Crecente
25 de outubro: Cambio de hora. Horario inverno
31 de outubro: Lúa Chea
Chuvia de meteoros: Dracónidas: do 6 ao 10, con máximo na madrugada do 8 ao 9. A súa orixe está no cometa periódico 21P/Giacobini-Zinner e o seu radiante é a cabeza do Dragón (Draco).
OS RECUNCHOS MÁIS FERMOSOS DE EUROPA VII
Continúo coa aventura dende a casa, consistente nun paseo polos lugares máis insólitos e marabillosos de Europa, xa que pola pandemia vémonos limitados e non podemos viaxar para velos in situ.
Hoxe imos a...
7. Dolomitas (Italia)
Os Dolomitas é unha cadea montañosa de Italia. O nome provén de Déodat de Dolomieu, xeólogo francés que descubriu a composición da rocha en 1791. Anteriormente coñecíaselles por "Monti Pallidi".
A rexión dos Dolomitas, que forma parte dos Alpes orientais, esténdese sobre unha vasta zona que vai desde o Val Sugana ata Val Pusteria e do val do Adige ao Val do Piave. Ocupa o territorio de cinco provincias (Trento, Bolzano, Belluno, Udine e Pordenone) repartidas en tres rexións: o Trentino-Alto Adigio, o Véneto e o Friuli-Venecia Julia.
Os Dolomitas son moi diferentes do resto dos Alpes; o seu aspecto está caracterizado por amplísimos vales cubertos de bosques e prados desde os que se alzan, recortándose verticalmente por centenares de metros, os numerosos e illados macizos montañosos. Estes últimos están formados no seu maior parte por unha rocha calcaria de orixe mariña chamada dolomía (denominada así porque a estudou no século XVIII o xeólogo francés Déodat de Dolomieu).
A forma recortadísima e variada dos relevos débese á acción erosiva dos axentes atmosféricos que, ao longo de milleiros de anos, foron corroendo os estratos superficiais máis brandos, formando torres, gretas, agullas, angostas sendas na rocha, etc. Os residuos desta lenta corrosión, acumulados aos pés das paredes, forman os característicos ghiaioni.
Os Dolomitas foron declaradas Patrimonio da Humanidade pola UNESCO no ano 2009.
Unha das paisaxes máis fermosas de Europa!
Mañá outro lugar marabilloso do noso continente!
FONTE: Sarah Romero/muyinteresante.es e es.wikipedia.org Imaxe: muyinteresante.es
ASTRONOMY PHOTOGRAPHER OF THE YEAR
No firmamento, máis aló da lúa e as estrelas que podemos ver cos nosos propios ollos, esténdense millóns de galaxias, planetas, nebulosas, asteroides... Algúns destes obxectos astronómicos son os protagonistas do Astronomy Photographer of the Year (Fotógrafo astronómico do ano), un concurso da organización británica Royal Museums Greenwich no que participan fotógrafos especializados en capturar o que sucede a miles de quilómetros da Terra.
As imaxes gañadoras deste certame, anunciadas o pasado 10 de setembro, foron seleccionados polo xurado entre máis de 5.000 candidatas.
A gañadora absoluta do concurso é esta fotografía do francés Nicolas Lefaudeux da Galaxia Andrómeda. Para conseguir ese ángulo e a sensación de proximidade, o autor fixou a cámara a un telescopio cunha peza creada nunha impresora 3D.
Se queres ver o resto de fotografías finalistas de cada unha das diferentes categorías que compoñen a competición preme AQUÍ.
FONTE: rmg.co.uk e verne.elpais.com
SABÍAS QUE... (GORILAS)
Sabías que os gorilas…
- Son os máis grandes dos primates vivos.
- Que o seu ADN é un 97-98 % igual ao humano, sendo o máis próximo a este despois das dúas especies de chimpancé (98–99 %).
- Son polígamos (poden ter varias femias.
- Viven en grupos (denomínanse tropas ou bandas). Unha banda pode ter ata 50 membros, aínda que ás veces unha banda consta de tan só dous membros. As tropas están dirixidas por un macho dominante, chamado costas prateada.
- Os machos miden entre 1,65 e 2 m de altura, e pesan entre 170 e 250 kg. As femias pesan arredor da metade do que os machos.
- Son principalmente herbívoros, alimentándose na súa maioría de herbas, ramas, froitas (as favoritas son dos xéneros Dialium, Tetrapleura e Landolphia), cortizas de árbore, bagas e brotes. Con todo, cando quedan sen alimentos poden chegar a comer pequenos insectos como formigas, termitas, caracois ou orugas. De media, os gorilas inxeren 18 quilos de vexetación ao día, aínda que algúns machos poden alcanzar incluso os 30 quilogramos.
- Case nunca beben auga directamente, xa que obteñen a maior parte do líquido do consumo de plantas.
- Constrúen niños; os gorilas novos adoitan facelos seus nas árbores, mentres que os maiores fanos no chan.
- Os seus brazos dos son máis longos que as súas pernas, permitíndolle camiñar sobre as catro extremidades mentres permanecen algo ergueitos.
- Non saben nadar.
- Son moi intelixentes, podendo utilizar ferramentas sinxelas e mesmo aprender a linguaxe de acenos.
- Están en perigo de extinción. Segundo WWF, a poboación total de gorilas de montaña supera os 1000 exemplares, aínda que están ameazados pola caza furtiva, a destrución dos bosques, o cambio climático...
FONTE: muyinteresante.es e gal.wikipwdia.org Imaxe: wikipedia.org