SOLUCIÓN Á SOPA DE LETRAS XXII
Unha de nomes galegos!
SOPA DE LETRAS XXII
CARIDADE CELIA AFONSO ALBA
BALBINA ANTÍA BENTO ALBORADA
AQUILINO BIEITO BREIXO AURORA
A CULTURA QUE CONTEÑEN AS MOEDAS DO EURO XVII
Continúo con esta serie que recolle a información cultural que amosan as distintas moedas do euro.
17. España: A cova de Altamira
A cova de Altamira é unha gruta española, famosa polas súas pinturas rupestres da época do Paleolítico superior, nas que aparecen representados mamíferos salvaxes, mans humanas e signos abstractos. A cova está situada preto de Santillana del Mar, en Cantabria, a 30 km ao oeste da cidade de Santander. Ten 270 metros, e consiste nunha serie de corredores e cámaras entrelazadas. O cubículo principal ten unha altura variable, que oscila entre dous e seis metros. Formouse grazas aos afundimentos provocados por fenómenos cársticos que se desenvolveron sobre a rocha calcárea dos montes Vispieres. As escavacións arqueolóxicas efectuadas no fondo da cova sacaron á luz ricos depósitos de arte do período solutrense superior (datables arredor de 18.500 anos atrás) e máis do período Magdaleniano inferior (entre uns 16.500 e 14.000 anos). A caverna foi incluída na lista do Patrimonio da Humanidade da UNESCO no ano 1985.
As moeda de 2 euros do noso país, recolle a imaxe dun bisonte magdaleniense.
Mañá outra moeda, neste caso do mesmo país e máis coñecementos!
FONTE: Idea orixinal de Clara González Freyre/Verne/elpais.com e gl.wikipedia.org
BANDEIRAS DO MUNDO XVIII
Esta é a bandeira de Samoa (Estado Independiente de Samoa / Malo Sa’oloto Tuto’atasi o Sāmoa), un país que comprende un grupo de illas pertencente ao arquipélago da Polinesia ao sur do Pacífico. A súa poboación rolda os 190.000 habitantes e a capital é Apia. Os idiomas oficiais son o samoano e o inglés.
A bandeira é un pano de cor vermella cun rectángulo azul no cantón, no cal figuran cinco estrelas que representan a Cruz do Sur. A cor vermella representa a coraxe. O azul a liberdade e o branco representa a pureza. As cinco esstrelas simbolizan a constelación da Cruz do Sur, Alfa, Beta, Gamma, Delta e Epsilon, que é a máis pequena porque non brillar tanto como as outras estrelas da constelación. A Cruz do Sur representa a posición xeográfica de Samoa no mundo.
FONTE: gl.wikipedia.org
O CEO DO MES: NOVEMBRO 2019
Como observar as Leónidas / Imaxe: astroperseo.org
4 de novembro: Cuarto Crecente
12 de novembro: Lúa Chea
19 de novembro: Cuarto Minguante
26 de novembro: Lúa Nova
Chuvia de meteoros: Leónidas: do 6 ao 30 de novembro con máximo do 17 ao 18. O seu proxenitor é ocometa 55P/Tempel-Tuttle. O radiante é a constelación de Leo.
PEIXE CABEZA DE SERPE DO NORTE
O peixe cabeza de serpe do norte (Channa argus), un depredador de bo tamaño e aspecto terrible capaz de respirar fóra da auga e arrastrarse por terra durante 20 horas, saltaba á fama a principios deste mes despois de ser descuberto nun estanque de Xeorxia (EE.UU.). "Mátao de inmediato e conxélao. Lembra que pode sobrevivir fose da auga", aconsellaban as autoridades. O peixe xa fora visto en quince estados. A pesar do alarmante que parece a recomendación e a pesar dos seus dentes afiados, estes peixes non fan dano ao ser humano. Con todo, si son unha especie invasora moi voraz que pode acabar coa pequena fauna nativa composta por peixes, ras e cangrexos de río, destruíndo a fráxil rede alimentaria dalgúns hábitats.
Pero, por que este peixe está a saír da auga? Nun novo estudo publicado na revista revisada por pares Integrative Organismal Biology, apunta a que son as condicións dos ríos son as culpables. O peixe máis grande que se move por terra foxe da auga que é demasiado aceda, salgada ou alta en dióxido de carbono, unha información que pode ser importante para o manexo da especie.
O autor do estudo tamén observou que o peixe se movía dunha maneira nunca vista noutro peixe anfibio: realiza movementos de remo case simultáneos coas súas aletas pectorales mentres move a súa aleta axial cara a adiante e cara atrás. Estes movementos combinados poderían axudarlle a desprazarse a través de superficies irregulares como a herba.
Orixinaria de Asia, esta especie atopouse por primeira vez nos Estados Unidos en 2002, nun estanque de Maryland. Desde entón, foi descuberta no río Potomac, Florida, Nova York, Filadelfia, Massachusetts, California e Carolina do Norte.
Ata 70 centímetros
No estudo estudaronse as poboacións en Maryland, onde o peixe considérase unha ameaza para a conca da Baía de Chesapeake. O Departamento de Recursos Naturais de Maryland colleitou cabezas de serpe mediante a electropesca en afluentes do río Potomac e gabias de drenaxe adxacentes. Os peixes, que variaban en tamaño de aproximadamente dous centímetros e medio a case 70 centímetros, nadaban en augas en malas condicións, incluída alta salinidade, alta acidez, estancamento, amontoamento, altas temperaturas, contaminación e pouca luz. O peixe tolerou todas as condicións excepto a alta salinidade e a acidez, e a auga estancada con demasiado dióxido de carbono.
Aínda que non está claro con que frecuencia os cabezas de serpe deixan a auga voluntariamente e cruzan a terra para invadir outras vías fluviais, o autor do estudo cre que estes achados poden axudar ás axencias de recursos naturais a conter aos peixes.
"Cando se descubriron cabezas de serpe en terra, causou moito medo porque non se sabía moito sobre eles", di. "Claro, poden moverse bastante rápido en terra e teñen dentes afiados. Pero poden ser superadoss facilmente e non lle farán dano a vostede, nin aos seus fillos nin ás súas mascotas", asegura. O auténtico problema é para as ras.
FONTE: abc.es/ciencia
A CULTURA QUE CONTEÑEN AS MOEDAS DO EURO XVI
Continúo con esta serie que recolle a información cultural que amosan as distintas moedas do euro.
16. España: A catedral de Santiago de compostela
A catedral de Santiago de Compostela é un templo de culto católico situado na cidade de Santiago de Compostela. Acolle o que, segundo a tradición católica, é o sepulcro do Apóstolo Santiago, o cal converteu o templo nun dos principais destinos de peregrinación de Europa durante a Idade Media a través do chamado Camiño de Santiago, unha ruta iniciática na que se seguía o ronsel da Vía Láctea comunicando a Península Ibérica co resto do continente. Isto foi determinante para que os reinos medievais na península participasen nos movementos culturais da época, e segue a ser un importante destino de peregrinación. Segundo a tradición, o Apóstolo Santiago o Maior difundiu o cristianismo na península ibérica. No ano 44 foi decapitado en Xerusalén e os seus restos foron trasladados posteriormente a Galicia nunha barca de pedra. Por mor das persecucións romanas dos cristiáns de Hispania, a súa tumba foi abandonada no século III. Sempre segundo a lenda, esta tumba foi descuberta en torno ao ano 814 polo ermitán Pelayo (Pelagius) despois de ver unhas luces estrañas no ceo nocturno. O bispo Teodomiro de Iria recoñeceu este feito como un milagre e informou o rei Alfonso II de Asturias; o rei ordenou a construción dunha capela no lugar. Di a lenda que o rei se converteu no primeiro peregrino neste santuario. Esta capela foi seguida por unha primeira igrexa o ano 829 e posteriormente por unha igrexa prerrománica o 899, construída por orde do rei Alfonso III, converténdose gradualmente nun importante lugar de peregrinaxe. O ano 997 esta igrexa primitiva foi reducida a cinzas por Almanzor, comandante do exército do califa de Córdoba. As portas e as campás da igrexa, portadas aos ombreiros por cativos cristiáns ata Córdoba, engadíronse á mesquita alxama. Cando Córdoba foi tomada polo rei Fernando III de Castela en 1236, estas mesmas portas e campás foron transportadas por prisioneiros musulmáns a Toledo, e incluíronse na Catedral de Santa María de Toledo. A construción da actual catedral iniciouse en 1075 baixo o reinado de Alfonso VI e o patrocinio do bispo Diego Peláez. Foi construída segundo o mesmo plano que a igrexa de ladrillo monástica de San Sernín de Toulouse, probablemente o maior edificio románico de Francia. O templo foi construído fundamentalmente en granito. A construción detívose en distintas ocasións e, segundo o Liber Sancti Iacobi, a última pedra foi colocada en 1122 e a catedral foi consagrada en 1128. Segundo o Codex Calixtinus, os arquitectos foron «Bernardo o vello, un mestre marabilloso», o seu axudante Galperinus Robertus e, máis tarde, posiblemente «Esteban, mestre de catedrais». Na última etapa «Bernardo, o mozo» (que posiblemente era fillo de Esteban) terminaba o edificio, mentres que Galperinus estivo a cargo da coordinación. Tamén construíu unha fonte monumental diante da portada setentrional en 1122. A última etapa de construción comeza en 1168 cando o capítulo encarga ao mestre Mateo a realización da cripta e o Pórtico da Gloria, e a catedral é definitivamente consagrada en abril de 1211, na mañá do xoves da segunda semana de Pascua, polo arcebispo Pedro Muñiz, en presenza do rei Alfonso IX e o seu fillo, ademais de numerosas autoridades eclesiásticas e civís.
As moedas de 1, 2 e 5 céntimos do noso país, recollen a imaxe da catedral compostelana.
Mañá outra moeda, tamén do noso país e máis coñecementos!
FONTE: Idea orixinal de Clara González Freyre/Verne/elpais.com e gl.wikipedia.org
BANDEIRAS DO MUNDO XVII
Esta é a bandeira do Reino Unido (Reino Unido de Gran Bretaña e Irlanda do Norte /United Kingdom of Great Britain and Northern Ireland), un país insular, situado ao noroeste da Europa Continental e, no momento de redactar este artigo, aínda membro da Unión Europea. Conta cunha poboación que rolda os 63 millóns de habitantes, sendo a súa capital Londres. O idioma oficial é o inglés.
A bandeira é unha combinación das cruces dos santos patróns de Inglaterra, de Escocia e de Irlanda do Norte, tres das catro rexións que, con Gales, forman o Reino Unido de Gran Bretaña e Irlanda do Norte. A cruz vermella sobre fondo branco do centro é a de San Xurxo, de Inglaterra. A aspa branca sobre fondo azul é a cruz de Santo Andrés, de Escocia. E a aspa vermella sobre fondo branco é a cruz de San Patricio, de Irlanda.
FONTE: gl.wikipedia.org