CURIOSIDADES

BILLETES DO MUNDO

 

Denomínase papel moeda (billete) ao anaco de papel (ou, na actualidade, de materia sintética similar) impreso que representa un valor fiduciario. Substitúe á moeda metálica, máis incómoda de manexar, especialmente en grandes cantidades. Xorde en China no século VII, introducíndose en Europa no século  XVII (Suecia, 1661), estendéndose no século  XVIII. No nosos país o primeiro billete emitiuse en 1780.

En europa temós unma moeda única, o euro, polo que todos a coñecemos, pero, e no resto dos paises do mundo?

Esta serie pretende contestar a esa pregunta: billetes do mundo.

Comezaremos por Afganistán (República Islámica de Afganistán-Asía Central). A súa moeda oficial é o Afgani (1 afgani = 0,011€). En moeda existen de 1, 2 e 5 afganis e en billetes de 10, 20, 50, 100, 500 e 1000 afganis.

Como exemplo, aquí tes o de 1000 afganis.

Mañá outro billete e o seu país!

FONTE: monedasybilletes.jimdo.com

CHEGA O ASTEROIDE QQ23 2006

Non é a primeira vez que o asteroide 2006 QQ23 se achega á Terra nin tampouco será a última / Imaxe: larepublica.pe

Dentro duns días, concretamente o sábado, 10 de gosto, un asteroide duns 560 metros de diámetro «rozará» á Terra. Ese día a rocha QQ23 2006 voará dentro de 0,049 unidadesastronómicas (7,4 millóns de quilómetros) do noso planeta a aproximadamente 16.740 quilómetros por hora. Pode parecer moi lonxe e, de feito, o é, pero a Oficina de Coordinación de Defensa Planetaria da NASA catalogouno como «potencialmente perigoso» ao atoparse por baixo das 0,05 unidades astronómicas (unha unidade astronómica é a distancia media entre a Terra e o Sol, aproximadamente 150 millóns de quilómetros).

Con todo, non deberiamos preocuparnos por un hipotético choque deste asteroide contra nós. O obxecto espacial ou NEO (Near Earth Object ou obxecto próximo á Terra) é «máis ou menos beningno», explicaron científicos que rastrexan obxectos próximos á Terra para a NASA. De feito, é bastante común que corpos deste tipo achéguense: cada ano preto de seis asteroides do tamaño do QQ23 2006 (que é máis grande que o Empire State Building, que «apenas» chega aos 440 metros de altura) pasan preto dos nosos «dominios cósmicos», o que converte esta clase de eventos nunha «rutina».

Mellor que sexa así!

FONTE: abc.es/ciencia

ILUSIÓN ÓPTICA

 

A fotografía que ves é en branco e negro. Ou case: trátase dunha foto en branco e negro á que se superpuxo unha cuadrícula en varias cores. Se vemos as camisetas verdes, amarelas ou azuis é polos cadros. O noso cerebro “enche” a imaxe, asumindo que toda a camiseta é desa cor.

Esta ilusión é obra do creador digital Øyvind Kolås.

Iste efecto é unha variante da ilusión Munker, que mostra como a percepción da cor vese afectada polo contexto.

FONTE: Verne/elpais.com

DESAPARECE UNHA ILLA XURDIDA AI SEIS ANOS

A illa de Zalzala Koh (montaña do terremoto) naceu en setembro de 2013 despois de que un terremoto de magnitude 7,7 na escala de Richter, sacudise o oeste de Paquistán. Este illote xurdiu preto do porto de Gwadar, ao suroeste do país, cando os movementos de terra erixiron un volcán de barro que acadou unha altura de 20 metros sobre o nivel do mar. A nova illa alcanzou os 90 metros de ancho por 40 de longo.

Pero as ondas e as inclemencias do tempo fixeron que xa en 2016 non queda moito da illa sobre as augas do Mar Arábigo. Agora consumouse a desaparición de Zalzala Koh, tal como informou a NASA nun comunicado.

Os últimos vestixios captáronse en xuño, cando os satélites Landsat observaron sedimentos disoltos flotando pola zona que ocupaba a illa. Agora, todo apunta a que os materiais que formaron a illa están xusto por baixo da superficie da auga.
 
Por que naceu este illote? Crese que a causa está na  tectónica de placas. Nesa zona, a placa arábiga está a afundirse baixo a placa euroasiática (por medio dun proceso coñecido como subducción), a un ritmo duns poucos centímetros cada ano. Desta forma, o lento esvaramento vai acumulando sedimentos no bordo da placa euroasiática.

"A rápida acumulación de sedimentos brandos, ricos en arxilas en torno ao bordo da placa euroasiática, combinado cos altos estreses tectónicos, causa un rápido incremento das presións na auga e gases atrapados nas rochas sedimentarias", explicou no comunicado da NASA. "As presións dos fluídos increméntanse tanto que os sedimentos  arcillosos compórtanse case como un líquido".

O resultado é un volcán de barro. Un destes "fórmase cando as presións son o suficientemente grandes como para fracturar as rochas que están encima e que están a conter esas enormes presións, permitindo que os lodos e gases emerxan ata a superficie".

No caso da illa de Zalzala Koh, o fluído moveuse tan rápido que arrastrou rochas e grandes bloques ata a superficie.

Pero a erosión enseguida exerce o seu papel, con especial intensidade nos brandos materiais dos volcáns de barro. De feito, nesta rexión xa se observaron varios destes volcáns, aparecendo e desaparecendo cunha velocidade sorprendente. Por exemplo, a 125 quilómetros ao leste apareceu a illa de Malan, que xurdiu en dúas ocasións, en 1999 e 2010, e que se  esfumó noutras tantas. Por iso, segundo a NASA, non sería raro que Zalzala Koh volvese emerxer.

FONTE: abc.es/ciencia

PLANTAS CURIOSAS XII

Rafflesia arnoldii / Imaxe: Raphaelhui/Wikimedia

Continuo con esta serie adicada as plantas con flores, froitos ou sementes moi curiosas, como mostra de que a natureza non deixa de sorprendernos coas súas manifestacións a gran e pequena escala.

12.  Rafflesia arnoldii, máis coñecida como a flor da podremia. É unha planta parasita do xénero Rafflesia, que se atopa nas selvas de Sumatra e Indonesia. É a flor máis grande coñecida: pode chegar a un metro de diámetro e pesar 11 quilos. Non posúe nin follas, nin talo, nin raíces, logo non realiza a  fotosíntesis, e o do seu olor fétido deriva o seu sobrenome. Esta planta que parasita ás árbores, medrando sobre as súas raíces, de onde obtén os nutrientes necesarios.Como foron capaces de sobrevivir ata agora é un enigma que está sen resolver.

PLANTAS CURIOSAS XI

Wolffia arrhiza / Imaxe: Christian Fischer/Wikimedia.

Continuo con esta serie adicada as plantas con flores, froitos ou sementes moi curiosas, como mostra de que a natureza non deixa de sorprendernos coas súas manifestacións a gran e pequena escala.

11.  Wolffia  arrhiza, máis coñecida como lentella de auga. Pertence á familia das lemnáceas (Lemnaceae). É a planta máis pequena do planeta: pesa 0,5 gramos e o seu diámetro oscila  entre 8,8 e 1,3 milímetros, o que fai que unha ducia delas caiba comodamente na cabeza dun alfinete. Acuática, é orixinaria de Malaisia e Australia. Son nunha 40% proteína, o que as coloca ao mesmo nivel que a soia, e por iso utilízase como alimento.

Mañá outra!

ESTA NOITE HABERÁ UNHA ECLIPSE LUNAR PARCIAL

Formación dunha eclipse de Lúa / Imaxe: astroaficion.com

Hoxe, 16 de xullo poderemos observar no como a sombra da Terra proxéctase sobre a Lúa. Trátase do evento astronómico do verán e prodúcese por que o satélite atravesará a zona de umbra e penumbra da sombra que proxecta a Terra, ocultando case un 70% da superficie lunar. O proceso en Galicia comezará ás 21:01 horas e finalizará ás 01:09 horas de mañá, 17 de xullo. O máximo de escurecemento terá lugar ás 23:30.

Tamén será posible apreciar como a parte ensombrecida adquire uns tons avermellados e marróns, algo común durante as eclipses lunares. A atmosfera da Terra deixa pasar os raios solares, que se refractan. As partículas atmosféricas, como os aerosois, dispersan con maior facilidade as cores violetas, azuis e verdes e deixan visibles os tons vermellos, laranxas e amarelos.

Un espectáculo!

PLANTAS CURIOSAS X

Rosa negra / Imaxe: bebee.com

Continuo con esta serie adicada as plantas con flores, froitos ou sementes moi curiosas, como mostra de que a natureza non deixa de sorprendernos coas súas manifestacións a gran e pequena escala.

10.  Rosas negras. A roseira é un arbustos do xénero Rosa e da familia das Rosaceae con máis de 100 especies. Moitas delas son nativas de Asia e un número menor procede de Europa, América do Norte e África noroccidental. Todas elas forman un grupo de arbustos erectos e plantas trepadeiras ou rastreiras, con ramas que frecuentemente están protexidas por espiñas.

Xa na antigüidade grega foi considerada a raíña das flores. A súa beleza e o seu arrecendo fan que na actualidade sexa a flor máis cultivada do mundo e que se empregue tanto na xardinaría ornamental como na floristaría e na industria da perfumaría.

Pero poucas veces atopamos, de forma natural, rosas de cor negro. Pero hai un lugar onde si florecen desa cor. É un pobo pantasma, mergullado baixo as augas do río Éufrates. É a aldea de Halfeti, ao sur de Turquía. Alí as flores nadas vermellas como o sangue tórnanse no verán escuras ata alcanzar o negro máis sofisticado.

Mañá outra!