DAMOS DEMASIADA IMPORTANCIA ÁS NOTAS DOS NOSOS FILLOS?
Licenciada en Psicoloxía e Ciencias da Educación, Sonia Díez é fundadora de varios centros educativos e autora do libro “Educacción”. A súa obra é unha chamada urxente para mellorar a educación. Díez pide un cambio para mellorar o sistema educativo unindo a familias, mestres e institucións para traballar xuntos e lograr unha educación que responda as esixencias e aos importantes cambios sociais que están a vivir as novas xeracións de estudantes: “O mundo está a pedir a berros que exista un cambio de paradigma educativo, empecemos a vivir na incerteza asumindo que en algo nos equivocaremos, pero que merece a pena tentalo”.
Damos demasiada importancia ás notas dos nosos fillos? Sonia Díez reclama unha avaliación que vaia moito máis alá dunha simple cualificación: “Cando dicimos quen somos non mostramos un ‘currículo mortis’ que di todo o que fixemos, senón que presentamos un ‘currículo vitae’ que di cal é o noso potencial, que somos capaces de facer”.
