#DígochoEu: Non digas *colista
En galego non hai ningún equipo *colista! Pero temos outra palabra para referirnos a aqueles que van últimos na lista...
#DígochoEu
COMPETICIÓN DE MACHOS BAIXO A AUGA NAS CIES
Natureza en estado puro. O espazo de maior protección de Galicia, o Parque Nacional das Illas Atlánticas, atesoura escenas que son auténticas xoias e que teñen lugar baixo as augas.
Unha delas é a curiosa loita na que se enfrascan os machos sepias, chocos ou xibas, para conquistar a unha femia e fecundarla. Os machos solitarios mesmo interrompen a parellas que parecían xa formalizadas. É un episodio que se produce no inverno, coincidindo coa época que dedican estes cefalópodos á reprodución sexual.
O episodio foi filmado polo documentalista José Irisarri e o biólogo mariño Álvaro Roura nunha inmersión de dúas horas e media no Borrón, un baixo do arquipélago das Cíes situado fronte á praia de Rodas.
As sepias empezan a reproducirse a finais de outono, no último cuarto do seu ciclo vital de aproximadamente un ano. Forman parellas estables e os machos protexen ás femias, e vixían que outros machos solitarios non lle arrebaten á súa parella.
Aparéanse periodicamente. Tras cada copula a femia pon uns 500 ovos, un cada 3,5 minutos. Unha femia pode chegar a poñer ata 3.000 ovos durante o período reprodutor que dura uns tres meses. Tras ese período as sepias entran na fase vital de senescencia e morren.
A principios do inverno os machos solitarios vólvense moi agresivos para buscar unha parella, e enfróntanse aos machos que xa teñen parella para quitarlles á súa femia. Cando conquistan unha femia aparéanse inmediatamente con ela. Primeiro extraen o esperma do macho anterior e logo a fecundan co esperma propio.
Así garanten a súa propia descendencia!
FONTE: Alejandra Pascual/lavozdegalicia.es
MOMENTOS ESTELARES DA CIENCIA VI
Continúo coa serie de vídeos animados, se explica dunha maneira moi didáctica e divertida algúns dos momentos clave da historia da ciencia.
Hoxe falaremos de Edward Jenner e a orixe das vacinas .
Revive a historia que levou a Jenner a poñer en marcha a primeira campaña intensiva mundial de vacinación, que culminou en 1979 coa erradicación das vexigas, a enfermidade infecciosa máis mortal da historia.
FONTE: bbvaopenmind.com
Continuará...
#DígochoEu: Non digas *nembargantes nin *sen embargo
*Nembargantes, *sen embargo. Non valen ningunha das dúas!
No vídeo, Esther Estévez cóntanos outras posibilidades.
XEROGLÍFICO XLVI
A solución ao xeroglífico de onte é: CUN FOLLATO
C (100) + UN (1)+ FOLLA (Imaxe)+ T + O (Vogal) = CUN FOLLATO
E imos coa proposta de hoxe!
Mañá a solución!
FONTE: ogalego.eu
MOMENTOS ESTELARES DA CIENCIA V
Continúo coa serie de vídeos animados, se explica dunha maneira moi didáctica e divertida algúns dos momentos clave da historia da ciencia.
Hoxe falaremos de Antoine Lavoisier e a orixe da química moderna.
Antoine de Lavoisier logrou demostrar que a materia estaba formada por conxuntos de elementos, o que refugou a teoría aristotélica vixente durante 2.000 anos.
FONTE: bbvaopenmind.com
Continuará...
A MAXIA DAS PLANTAS URBANAS
Desde neno, a súa paixón foron as plantas. O infinito mundo da botánica espertaba a súa imaxinación e a súa curiosidade: “Desde que era pequeno, gozaba e esquecíame do tempo observando e cultivando estes seres vivos marabillosos que nos rodean”, explica o xardineiro, paisaxista, profesor e escritor Eduardo Barba. Unha paixón que anos máis tarde uniría a outra das súas facetas: a súa fascinación pola arte. A unión do mundo vexetal co mundo da arte desembocaría na súa carreira como investigador botánico en obras de arte.
Eduardo Barba decidiu investigar e enumerar a botánica reflectida en todas as obras do Museo do Prado. Un resumo deste traballo plasmouno no seu primeiro libro, ‘O xardín do Prado’ (2020). En 2021 publicou o seu segundo libro ‘Unha flor no asfalto’, ilustrado por Raquel Aparicio. En 2023 publicará ‘O paraíso a pinceladas’, unha obra onde describe os xardíns nas obras de arte. Eduardo Barba é colaborador habitual do diario El País, na súa columna ‘Caderno do xardineiro’, e na sección ‘Meterse nun xardín’ do programa radiofónico ‘Neste momento’ (Cadea SER). Colaborou tamén con institucións como o Museo Thyssen-Bornemisza, o Museo Lázaro Galdiano ou o Museo de Belas Artes de Bilbao. Tamén foi artífice da implantación e mantemento de plantas e xardíns en países como Bélxica, Francia, Italia, Países Baixos, Estados Unidos ou Australia. Como profesor de xardinería e investigador, afirma: “Gozo abrindo a mirada ás persoas, tanto para apreciar como se desenvolve unha planta nun xardín, como para asombrarse vendo como un pintor fixo brotar a pinceladas unha flor”.
XEROGLÍFICO XLV
A solución ao xeroglífico de onte é: A ROSA
A RO (ARO) + R + A (Vogal) = A ROSA
E imos coa proposta de hoxe!
Mañá a solución!
FONTE: ogalego.eu