DESCOBREN UNHA NOVA ESPECIE DE LÉMUR RATO

 

Morfoloxía externa do Microcebus jonahi. (a) Debuxo dun individuo adulto; (b) Hábito da femia adulta (paratipo individual BD1); (c – e) Primeiros planos de individuos adultos (holotipo B34). Ilustración: Stephen D. Nash/UICN SSC Primate Specialist Group Fotos: D. Schüßler

Nos últimos 20 anos, descubríronse diversas especies de lémures, mentres que os hábitats forestais foron desaparecendo rapidamente. Informes recentes da UICN (Unión Internacional para a Conservación da Natureza), publicados en American Journal of Primatology, identificaron aos lémures como un dos grupos de vertebrados máis ameazados, con 33 das 107 especies recoñecidas en perigo crítico.

A nova inclusión no grupo é o lémur de rato Jonah (Microcebus jonahi) un dos primates vivos máis pequenos. Aínda que o seu estado de conservación aínda non se avaliou, a clasificación recente de case un terzo dos lémures como en perigo crítico é un mal agoiro para este novo descubrimento.

Os científicos informaron que algúns dos seus especímenes tiñan características substancialmente diferentes de todos os lémures descritos anteriormente, o que confirma unha nova especie sospeitosa baseada na xenética. Chamaron á nova especie Jonah rat lemur (Microcebus jonahi) en honra ao pioneiro da investigación de lémures, o profesor Jonah Ratsimbazafy, fundador do World Lemur Festival.

Estes animaliños son nocturnos e, como o seu nome indica, pequenos. M. jonahi mide só 26 centímetros de longo e os adultos pesan 60 gramos, pero é máis longo que o seu parente máis próximo, M. macarthurii. Tamén ten unha cola máis curta e cabeza e orellas máis anchas que M. macarthurii.

FONTE: Sarah Romero/muyinteresante.es/natureza

CANTO SABES SOBRE A SEGUNDA GUERRA MUNDIAL?

“A guerra volve estúpido ao vencedor e rencoroso ao vencido”   Friedrich Nietzsche.

Comezo hoxe a serie Canto sabes sobre a Segunda Guerra Mundial, un conflito armado a escala mundial que durou do 1 de setembro de 1939 ó 2 de setembro de 1945. Involucrou á maioría de países do mundo, incluídas todas as grandes potencias que eventualmente formaron dúas alianzas militares opostas: os Aliados e o Eixe. Foi a guerra de máis alcance da historia, involucrando directamente a máis de 100 millóns de persoas de máis de 30 países. Nun estado de "guerra total", os principais participantes adicaron a súa capacidade económica, industrial e científica ó completo ó esforzo de guerra, eliminando as distincións entre recursos militares e civís. Marcada polas mortes masivas de civís, incluíndo o Holocausto no que faleceron uns 11 millóns de persoas e os bombardeos estratéxicos de centros industriais e de poboación nos que faleceron ó redor dun millón de persoas, incluíndo os bombardeos de Hiroshima e Nagasaki, tivo como resultado final un total de entre 50 e 58 millóns de mortes. Isto fixo que a segunda guerra mundial fose o conflito militar con maior número de mortos na historia da humanidade.

Imos poner a proba os teus coñecementos sobre a mesma, recordando, no mellor dos casos, ou investigando sobre esta lamentable contenda.

Comezamos!

1. Como comezou a Segunda Guerra Mundial?

- A guerra máis destrutiva da historia comezou coa invasión da URSS por parte de Alemaña o 1 de setembro de 1939

- A Segunda Guerra Mundial comezou co pacto expansionista asinado por Xapón, Italia e Alemaña o 1 de setembro de 1939

- Comezou coa invasión de Polonia por parte de Alemaña o 1 de setembro de 1939

Mañá a solución e unha nova pregunta!

FONTE: Idea orixinal historia.nationalgeographic.com.es e wikipedia.org  Imaxe: Collage wikipedia.org

ESPECTACULAR IMAXE DE SATURNO

 

O telescopio espacial Hubble, que leva os últimos 30 anos orbitando a 547 km sobre a Terra, capturou unha detallada imaxe de Saturno que amosa o verán no hemisferio norte, os aneis e dous das lúas xeadas do planeta. A instantánea realizouse o pasado 4 de xullo, cando o segundo maior planeta do Sistema Solar atopábase a 1.350 millóns de quilómetros da Terra.

Dúas das lúas xeadas de Saturno son claramente visibles na imaxe completa: Consentes, á dereita, e Encélado, na parte inferior. A NASA compartiu a foto de Saturno máis clara ata a data, na que destaca o brillo dos seus aneis.

Saturno, normalmente, vese como un punto de luz dende o noso planeta.

FONTE: elconfidencial.com  Imaxe: NASA

XESTO AMBIENTAL DO MES DE AGOSTO

Un dos movementos que algúns países están a realizar contra o uso dos plásticos desbotables é a prohibición das palliñas. Os países da Unión Europea fixáronse 2021 como data límite para a súa desaparición, e ao mesmo compromiso uníronse urbes como Ciudad de México. En Europa, segundo datos de Greenpeace de 2018, véndense cada ano 36.500 millóns de palliñas, que se estima que tardan entre 200 e 500 anos en degradarse. Agosto, mes das festas de pobo (aínda que iste ano baixo mínimos), pode ser bo momento para deixar de usalas.

Actualmente pódense atopar palliñas de cartón en moitos establecementos pero, para evitar crear máis refugallos, tamén poden substituírse por unha reutilizable de aluminio. E nas festas na casa, débese evitar o uso de globos, moi perigosos para a vida mariña, e de adornos desbotables.

FONTE: P. Cantó/L. Bou (Ilustración)/Verne/elpaís.com

#DígochoEu: Non escribas *dalí

 

Dalí só é o pintor! ’De’ non sempre contrae na escrita!  Esther Estévez Casado resolvemos esta dúbida.

#DígochoEu

#DígochoEu: Non digas *purín

 

*Purín é unha palabra que cheira a castelanismo! Esther Estévez Casado dinos varias alternativas para dicilo correctamente en galego.

#DígochoEu

REFRANEIRO POPULAR GALEGO DO MES DE AGOSTO

 

"Non é bo mosto o que se molla en agosto"

"Chuvia no agosto, nin bo magosto, nin bo mosto, nin bo entrecosto"

"Agosto ardenteiro, herba no palleiro"

"En agosto, sol posto, noite conosco"

"Agosto ten a culpa e setembro leva a froita" 

"Auga de agosto e polvo de abril, fan tocar as huchas coma un tamboril"

CANTO SABES SOBRE A PRIMEIRA GUERRA MUNDIAL? XIV (FIN)

Remato coa serie Canto sabes sobre a Primeira Guerra Mundial, un conflito bélico mundial que tivo lugar entre 1914 e 1918 e que involucrou a todas as grandes potencias do mundo, na que morreron máis de nove millóns de combatentes. A contestación correcta á pregunta de onte é A Sociedade de Nacións. A SDN, tamén chamada Liga das Nacións fundouse en 1920 como resultado da Conferencia de Paz de París do ano anterior. O 15 de novembro dise ano celebrouse en Xinebra a primeira asemblea da sociedade, coa participación de 42 países. Propoñíase establecer as bases para a paz e a reorganización das relacións internacionais unha vez finalizada a Primeira Guerra Mundial.

Aínda que non logrou resolver os graves problemas que se plantexaron nos anos 20 e 30, é importante porque foi a primeira organización dese tipo da historia e o antecedente da ONU.

E así rematamo esta serie, da que quedan moitas preguntas por facer, pero que pretendeu facer unha primeira e pequeña aproximación a iste conflito bélico.

Ata a próxima serie!

FONTE: Idea orixinal historia.nationalgeographic.com.es e wikipedia.org  Imaxe: wikipedia.org (Escudo da Sociedade das Nacións League of Nations Société des Nations)