Fran Cañotas e Antonio Mosquera atrévense a adiviñar cal das catro palabras que lles propón Esther Estévez é a correcta para completar a oración: "non sei como vou saír deste problema, deste..." Serán quen de acertar? E ti?
Reprodución do dinosauro / UNIVERSIDADE DE QUEENSLAND
Un grupo de científicos australianos descubriu os restos dun dinosauro xigante voador, descrito como un "temible dragón", que sobrevoou o territorio australiano durante o período Cretácico, informan fontes académicas.
Con ás de sete metros de longo e un fuciño en forma de lanza, este novo pletosaurio "sería unha temible besta", dixo Tim Richards, líder do equipo da Universidade de Queensland que estudou a este réptil, nun comunicado desta institución australiana.
O Thapunngaka shawi, como foi bautizada a besta prehistórica, é "o máis parecido na vida real a un dragón", recalcou Richards, quen aspira a un doutoramento na Universidade de Queensland.
A descrición deste pletosaurio baseouse na análise do fósil dunha a mandíbula que foi descuberta en xuño de 2011 polo aldeán Len Shaw en terras do pobo Wanamara, nunha zona setentrional remota do estado de Queensland, no leste de Australia.
Os científicos calculan que este dinosauro tiña un cranio de ao redor dun metro e estaba armado dun xogo de 40 molares que lle permitiron alimentarse de peixes de gran tamaño que habitaron o antigo mar de Eromanga durante o Cretácico, período que comezou hai 145 millóns de anos e rematou hai 66 millóns de anos.
Os Thapunngaka shawi, que se cre foron os primeiros animais con ósos nas costas que voaron e estaban perfectamente adaptados ao voo a propulsión, tiñan pezas óseas relativamente ocas e con paredes delgadas, segundo apuntan os científicos.
Steve Salisbury, coautor do artigo e supervisor do doutoramento de Richard, destacou o enorme tamaño da crista ósea da mandíbula inferior, que presumiblemente era similar á mandíbula superior deste pletosaurio, o máis grande descrito en Australia ata a data.
Segundo o científico "estas cristas probablemente desempeñaban un papel na dinámica de voo destas criaturas".
O nome deste dinosauro voador provén de ngaka (nga-ga) e thapun (ta-boon), que en lingua do pobo aborixe de Wanamara significan "boca" e "lanza", respectivamente, mentres que shawy deriva do apelido do seu descubridor.
FONTE: elmundo.es/ciencia
Continúo coa serie CANTO SABES SOBRE AS ABELLAS? As abellas son insectos cruciais para a polinización, tanto de cultivos como de plantas silvestres, o seu comportamento e organización social aínda encerra misterios.
A contestación correcta á pregunta de onte é China. Segundo a Honey Production by FAO Food and Agriculture Organizationm en 2020, China foio o primeiro produtor mundial con 446.900 toneladas, seguida de Turquía con 114.113 toneladas e de Arxentina con 79.468 toneladas.
E imos coa pregunta de hoxe e última da serie!
14. Cando se celebra o Día Mundial das Abellas?
- 17 de maio
- 20 de maio
- 25 de maio
- 6 de xuño
Mañá a solución e remate da serie!
FONTE: Idea orixinal nationalgeographic.com.es, fundacionaquae.org e aportacións propias con infor mación gal.wikipedia.org Imaxe:
En setembro de 2135, o asteroide Bennu, de 500 metros de diámetro e forma de dado espacial, fará unha visita á Terra, pasando á metade de distancia da Lúa. O máis probable é que a gravidade do noso planeta modifique nese momento a súa traxectoria, o que converte nun desafío tremendo calcular exactamente cara a onde seguirá o seu camiño. Pero hai unha probabilidade “extremadamente pequena” de que pase a través dun “ollo de fechadura gravitacional” que o poñerá nun roteiro de impacto coa Terra a finais do século XXII, en 2182.
Imaxe do asteroide Bennu tomada pola nave OSIRIS-REx /
O asteroide Bennu viaxa a uns 100.000 quilómetros por hora: se chocase contra a Terra liberaría unha enerxía como 70.000 bombas atómicas de Hiroshima e crearía un cráter duns cinco quilómetros de diámetro, segundo os cálculos máis actualizados que ata o de agora fixera a NASA. No momento de facer esas estimacións, a probabilidade acumulada de impacto entre Bennu e a Terra era tan só do 0,037% e non sucedería ata dentro duns 150 anos: no intervalo temporal que vai desde o ano 2175 ao 2196, case no século XXIII. Segundo o novo estudo da NASA, as probabilidades de que choquen nalgún momento ata 2300 son do 0,057%, aínda ínfimas. Pero a data clave é o 24 de setembro de 2182, cando poderían chocar, se todo vai mal.
Para evitar ese hipotético susto, científicos chineses expuxeran recentemente a posibilidade de afastar a Bennu da nosa traxectoria usando 23 foguetes contra o asteroide. Nestes momentos, a misión DART da NASA diríxese cara a un pequeno asteroide, chamado Dimorphos, coa intención de cambiar a súa traxectoria e comprobar que son capaces de facer algo así a esas distancias e velocidades, máis de 20.000 quilómetros por hora. Aínda que a NASA asegure que non se coñece, de momento, ningún asteroide que represente un risco de impacto na Terra nos próximos 100 anos, o certo é que convén prepararse, porque se calcula que faltan uns 15.000 asteroides potencialmente perigosos por descubrir. DART é a primeira misión de defensa planetaria e a súa intención é chocar contra Dimorphos o verán que vén para desviar o seu rumbo.
Para estudar en detalle o potencial perigo de Bennu, a NASA enviou cara alí en 2016 a sonda OSIRIS-REx, que estivo mapeando ese pequeno mundo digno do Principiño. Tras 27 meses de viaxe espacial, a nave chegou ao asteroide en decembro de 2018 e desde entón, estivo orbitándoo para coñecer todos os seus segredos. “Os datos de OSIRIS-REx bríndannos información moito máis precisa, podemos calcular a traxectoria futura de Bennu cun alto grao de certeza ata 2135”, dixo Davide Farnocchia, autor principal do estudo sobre a traxectoria da rocha espacial e científico do Centro de Estudos de Obxectos Próximos á Terra da NASA.
A sonda recolleu 60 gramos de minerais co seu brazo robótico en outubro de 2020, tras deixarse caer levemente contra o asteroide para tomar as mostras, antes de dar unas cantas voltas máis a Bennu e poñer rumbo á Terra. A nave orbitará dúas veces ao redor do Sol, cubrindo 2.300 millóns de quilómetros para regresar ao noso planeta. Pero non se pousará: desde o espazo lanzará a cápsula que contén eses 60 gramos, que caerá no deserto de Utah o 24 de setembro de 2023. A NASA está a sopesar usar a sonda, dunhas dúas toneladas, para abordar outro asteroide, xa que lle sobra suficiente combustible.
As sorpresas con Bennu chegaron desde o principio, como asegurou Lori Glaze, directora de Ciencias Planetarias da NASA: “O primeiros tres meses da investigación detallada de OSIRIS-REx sobre Bennu lembráronnos de que trata o descubrimento: sorpresas, pensar rápido e flexibilidade”. O asteroide resultou ser moito menos sólido do esperado, con permanente actividade como expulsión de pequenas rochas e columnas de partículas. Tamén se observaron trazas de auga líquida que debeu estar presente nun asteroide moito máis xigantesco do que se desprendeu Bennu nalgún momento.
Os asteroides non só acaban coa vida, como sabemos polos dinosauros, senón que tamén teñen un gran potencial para levala ata outros mundos. Ou, polo menos, os ingredientes básicos para que xurda esa vida, máis ou menos sofisticada. Desde hai décadas, atopáronse en meteoritos compostos orgánicos que reafirman a hipótese de que eses elementos esenciais para que xurdise a vida na Terra viñeron do espazo a bordo de asteroides. E tamén a auga, fundamental para que xurda o chispazo, chegounos en rochas espaciais.
Só o 25% do material de Bennu será analizado inmediatamente polos científicos: deixarase a maior parte, o outro 75%, para que futuros científicos con futuribles novas tecnoloxías e coñecementos, saquen todo o rendemento a estas mostras únicas.
FONTE: Javier Salas/elpais.com/ciencia
VERTICAIS: 1. Carpaza 2. Helicón 4. Bertorella 6. Breogán.
HORIZONTAIS: 3. Rublo 5. Laxeiro 7. Pretoria 8. OPEP 9. Berlengas 10. Galopín.
Máis cultura xeral!
Unha destas cinco oracións está mal e Fátima Pego o sabe. Será quen de adiviñar que contracción non está aceptada na escrita? E ti?
#DígochoEu
Continúo coa serie CANTO SABES SOBRE AS ABELLAS? As abellas son insectos cruciais para a polinización, tanto de cultivos como de plantas silvestres, o seu comportamento e organización social aínda encerra misterios.
A contestación correcta á pregunta de onte é Apicultura. A apicultura é a actividade dedicada á crianza das abellas e a prestarlles os coidados necesarios co obxectivo de obter e consumir os produtos que son capaces de elaborar e colleitar. O principal produto que se obtén desta actividade é o mel. O mel é un factor de beneficio para os humanos.
E imos coa pregunta de hoxe!
13. O mel é ise fluído moi doce e viscoso producido por abellas do xénero Apis, principalmente a abella doméstica. Cal é o país maoior produtor de mel do mundo?
- España
- Arxentina
- Turquía
- China
Mañá a solución e ultima pregunta da serie!
FONTE: Idea orixinal nationalgeographic.com.es, fundacionaquae.org e aportacións propias con infor mación gal.wikipedia.org Imaxe: porque.es
A Volta Ciclista a España 2021 (A Volta 21) componse de 21 etapas e cubrirá unha distancia total de 3.417 quilómetros. Desde hoxe, sábado 14 de agosto, ata o domingo 5 de setembro. Terá 8 etapas chairas (2 delas con final no alto), 4 etapas de media montaña, 7 etapas de montaña, 2 contrarreloxos individuais, e 2 días de descanso.
Hoxe o punto de partida, e primeira etapa, será Burgos e o remate da ronda, e última etapa, na nosa terra, Santiago de Compostela.
Pola nosa terra discorrerán as etapas 19 (3 de setembro, con remate en Monforte de Lemos, 20 (4 de setembro) entre Sanxenxo-Mos e 21 (5 de setembro) entre Padrón-Santiago de Compostela.
Toda a información sobre iste evento premendo AQUÍ.
FONTE: lavuelta.es/es