OUTRAS COUSAS

UN CLÁSICO DO NADAL: O ANUNCIO DA LOTERÍA 2020

 

Coma todos os anos por estas datas chega un clásico do Nadal: o anuncio da Lotería.

Un pai e un fillo que se separan cando este vaise á gran cidade a principios do século pasado, pero unidos por un décimo de Lotería de Nadal. Dous noivos pola rúa, un emigrante, unha nai e a súa filla, compañeiros de traballo, o mercado, o Calvo da Lotería... E a pandemia. O anuncio da Lotería diste ano bota a mirada atrás para chegar a un presente no que o coronavirus impuxo o uso de máscaras e a distancia social.

"Compartir como sempre. Compartir como nunca”. Que a sorte nos acompañe, en todos os sentidos!

NON VAS PODER CON NÓS!

 

Gadis lanzou, onte á noite, unha nova entrega da súa campaña "Vivamos como  galegos!". Este ano, non podía ser doutra forma, a pandemia do coronavirus marca o ton do anuncio do supermercado galego que ao berro de "Non van poder con  nós!" percorre as rúas dos lugares máis emblemáticos de Galicia. 

Unha mensaxe de ánimo ante o que estamos a pasar!

O CANASTRO MÁIS PEQUENO DO MUNDO ESTÁ EN GALICIA

Xa atemos falado neste blog, dos canastros ou cabaceiros máis grandes do noso país: Arano, Lira, Carnota e Poio, pero nunca do máis pequeño, non de Galicia, senón de España e do mundo.

Está na aldea de Armariz, no concello de Nogueira de Ramuín (Ourense). As súas medidas: 1,60 m de lonxo  e 0,88 m de ancho.

Por certo, por agora non queren dar a súa ubicación exacta para preservar a intimidade dos propietarios.

FONTE: Brais Iglesias/laregion.es

REFRANEIRO POPULAR GALEGO DO MES DE NOVEMBRO

"Se queres ter allo fino, plántao polo San Martiño" (11 de novembro)

"As castañas polo San Martiño, teñen sede e queren viño"

"Polo San Martiño, nin fabas nin liño"

"Polo san Martiño remonta casa día un ferradiño"

"Castañas, viño novo e chourizos, no mes de Santos son vicios"

"En novembro, cavar non se che lembre; a aixada de cavar emprégaa en aburatar"

"Polo San Martiño veranciño, por Sta. Isabel inverno e encher" (11 e 19 de novembro)

"Polos Santos, o que sementa millo come cardos"

"Meu santiño Santo André, eu como foi non sei, fomos dous e viñemos tres" (30 de novembro)

FONTE: Almanaque agrícola ZZ/syngenta.es

A VOLTA 20

Hoxe comeza A Volta 20 (75 edición da Volta Ciclista a España). Componse de 18 etapas e cubrirá unha distancia total de 2.882,8 quilómetros. Duratrá ata o domingo 8 de novembro. Participan 22 equipos e un total de 176 corredores.

 No noso territorio estarán o día 2, 3, 3 e 5 de novembro: día de descando na Coruña, etapa Muros > Miradoiro de Ézaro. Dumbría, Lugo > Ourense e Mos > Poboa de  Sanabria respectivamente.

En principio, e antes da pandemia, a Volta deste ano ía transcorrer por catro países pero finalmente só pasará por España e Francia debido á pandemia do coronavirus. Así as cousas, as tres primeiras etapas que ían percorrer os Países Baixos quedaron suspendidas e a carreira arrincará hoxe en Irun (Gipuzkoa).

Por outra banda, a 15ª e 16ª etapas, que ían terminar en cidades portuguesas, cambiaron o seu final e finalizarán en Poboa de Sanabria a etapa 15 e a 16 en Salamanca. Este ano a rolda española só percorrerá estradas do norte de España e terá como principais cimas as do Tourmalet e o Angliru.

Unha volta especial para unha época especial, que deberiamos seguir pola TV, evitando os desprazamentos aínda que pase moi preto de nós.

Toda a información e resultados premedo AQUÍ.

FONTE: lavuelta.es

REFRANEIRO POPULAR GALEGO DO MES DE OUTUBRO

"Outono chegar, porco cebar"

"Moito has de saber para cogomelos coller"

"Noroeste de serán, vendaval pola mañá"

"Cando chove e vai vento, pecha a porta e estate dentro"

“Outono enxoito, Nadal vento moito ou pouco”

O ASTEROIDE 2020SW PASARÁ HOXE PRETO DA TERRA

O obxecto, bautizado como 2020 SW, pasará a una velocidad de 27.000 km/h / NASA

Un asteroide, de 4,4 a 10 metros de lonxitude, está a piques de facer un "encontro extremadamente próximo" co noso planeta, segundo informaron astrónomos de The Virtual Telescope Project.

O asteroide, de nome 2020 SW, atravesará as proximidades da Terra a unha distancia de apenas 27.000 quilómetros ás 13.18 horas (CEST) deste xoves, moito máis preto que a órbita dos satélites meteorolóxicos e de televisión, e que rolda os 35.888 quilómetros. Non hai posibilidade algunha de impacto, segundo informou Earthsky.org.

A pesar da escasa distancia á que pasará, que é comparable a 2,1 diámetros terrestres, non será posible ver o asteroide a primeira ollada.

Segundo o Centro para o Estudo de Obxectos Próximos á Terra (CNEOS) 2020 SW non volverá visitar as proximidades da Terra ata o ano 2029. Ademais, está previsto que a influencia da gravidade terrestre cambie a traxectoria do obxecto considerablemente.

FONTE: abc.es/ciencia

GALICIA NOMEADA

Todo en Galicia ten un nome. Cada leira, cada fonte, os penedos e as veigas. Tal é a concentración de topónimos por metro cadrado que, nos nove meses que leva funcionando a plataforma Galicia Nomeada, xa se recompilaron 20.000 destas denominacións e na súa recollida participaron arredor de 1.300 persoas. Unhas cifras que dan conta da boa aceptación desta iniciativa que puxo en marcha a Real Academia Galega en colaboración coa de Xunta de Galicia.

Nin os meses de confinamento frearon o crecemento deste mapa de nomes espallados por toda a xeografía galega. Dende o mes de marzo, Galicia Nomeada continuou a medrar con máis de 6.500 topónimos incluidos na súa base de datos. Son na súa maioría microtopónimos do campo, nomes que se perderon co paso das xeracións ou que están en risco de desaparecer e que agora esta plataforma quere recuperar.

Preme AQUÍ para entrar na plataforma, bótalle un vistazo e qe queres participar, adiante!

FONTE: Laura M. Gómez/lavoz.es    Imaxe: galicianomeada.xunta.ga