O BIG DATA NA EDUCACIÓN

 

Para Viktor Mayer-Schönberger, o ’big data’ vai revolucionar a educación, tanto na forma de aprender como na de ensinar e mesmo na decisión da asignación dos recursos educativos por parte das administracións educativas. Desde unha educación uniforme e centrada na repetición, a análise de todos os datos que se van recollendo vai permitir deseñar unha aprendizaxe individualizada e personalizada así como adaptar os materiais e recursos ás demandas de cada alumno para que estean preparados para os desafíos e oportunidades que lles esperan no futuro.

É profesor de Regulación e Xestión da internet no Internet Institute da Universidade de Oxford, e un dos expertos máis recoñecidos internacionalmente no mundo dos datos masivos, aplicados a todo tipo de campos. Escribiu máis de cen artigos e oito libros, entre eles ’Aprender con big data’ xunto ao xornalista británico Kenneth Cukier. Ademais, colabora como asesor de diversas empresas e organismos, entre elas Microsoft e o Foro Económico Mundial.

BILLETES DO MUNDO XIV

Continúo coa serie BILLETES DO MUNDO. Hoxé tócalle a Camboxa (Reino de Camboxa), un país asiático situado na Indochina. A súa moeda de curso legal é o Riel (KHR). Tradicionalmente dividiuse en 10 kak ou 100 sen, aínda que a causa do pouco valor da moeda hai tempo que a fracción xa non circula. Existen moedas de 50, 100, 200, 500 riel. En canto aos billetes hainos de 50, 100, 200, 500, 1.000, 2.000, 5.000. 10.000, 20.000, 50.000 e 100.000 riel. 1 riel camboxano = 0,0002 €. O banco emisor é o Banco Nacional de Camboxa (ធនាគារជាតិនៃកម្ពុជា).

A modo de exemplo, aquí tes o billete de 500 riel.

Mañá outro billete e o seu país!

FONTE: monedasybilletes.jimdo.com e wikipedia

ENCLAVES DE ESPAÑA II

Continuo coa serie ENCLAVES DE ESPAÑA, na que estamos a coñecer estes caprichos xeográficos que son unha parte de territorio dunha xurisdición territorial que está completamente rodeado polo territorio doutra xurisdición.

2. Enclaves en Cataluña. 

Valielles corresponde á provincia de Barcelona, pero está incrustado en Lleida. É parte do termo municipal de Montmajor. Dentro da provincia de Barcelona hai tres enclaves:  Malagarriga, pertencente a Lleida; La Rovira de Abajo, parte de Xirona; e Can Vies, territorio de Tarragona.

Continuará!

FONTE: Emilio Sánchez Hidalgo/Verne/elpais.com

A ORIXE DAS PALABRAS: POÑER EN TEA DE XUÍZO

 

"Poñer en tea de xuízo" é unha expresión usada cando temos dúbidas achega do éxito, a certeza ou a legalidade dalgunha cousa. Nela a palabra ‘tea’ deriva dun étimo latino diferente, tea, plural de telum, que significa dardo. Por ‘tea’ coñecíanse os valos construídos na liza dacabalo para separar o camiño dos contendentes, evitando deste xeito que os cuadrúpedos chocasen de fronte. Por extensión, pasou a definir ao recinto pechado disposto para as lides públicas, espectáculos e festexos varios e, co valor de espazo en que se dirimían os combates, palabra que pasou dende Roma ao antigo Dereito Procesual español, para referirse ao lugar pechado onde se arquivaban os expedientes cuxa resolución debía esperar, ben por falta de probas ou por outra causa que fixese necesaria a dilación do xuízo. Poñer en cuestión significaba, deste xeito, que un asunto quedaba en dúbida ata pasar á vista.

FONTE: fraseomania.blogspot.com IMAXE: elmarplatense.com

ENCLAVES DE ESPAÑA

En xeografía política, un enclave é unha parte de territorio dunha xurisdición territorial que está completamente rodeado polo territorio doutra xurisdición.

Nesta serie, que denomino ENCLAVES DE ESPAÑA, imos coñecer estes caprichos xeográficos que obedecen a cuestións históricas.

Comezamos!

1.Enclaves de Burgos

Treviño, o máis coñecido. Un enclave burgalés (Castela e León) situado no interior da provincia de Álava (País Vasco) cuxas terras rodéano completamente. Dista apenas vinte quilómetros de Vitoria (Álava) e 90 de Burgos, a súa capital oficial.

Situación de Treviño / Imaxe: libertadigital.com

Para entender o caso de Treviño hai que remontarse ao século XII. No ano 1179, o rei navarro Sancho XI e o rei de Castela Alfonso VIII acordaron a transacción de Treviño a Castela. Esa renuncia foi unha das cesións navarras tras unha guerra que enfrontou a ambos os reinos.

Pero, ademais de Treviño, a provincia de Burgos ten tres enclaves máis, un en Palencia (La Rebolleda), e dous na Rioxa (Sajuela e El Ternero).

Continuará!

FONTE: Emilio Sánchez Hidalgo/Verne/elpais.com

 

BILLETES DO MUNDO XIII

Continúo coa serie BILLETES DO MUNDO. Hoxé tócalle a Qatar (Estado de Qatar), país localizado no oeste de Asia, ocupando a pequena Península de Qatar na costa noroeste da Península Arábiga. A súa moeda de curso legal é o Rial qatarí (QAR), dividida en 100 dirhams. Existen moedas de 1, 5, 10, 25, 50 dirhams. En canto aos billetes hainos de 1, 5, 10, 50, 100 e 500 riales. 1 rial qatarí = 0,22313 €. O banco emisor é o Banco Central de Qatar (مصرف قطر المركزي).

A modo de exemplo, aquí tes o billete de 5 riales.

Mañá outro billete e o seu país!

FONTE: monedasybilletes.jimdo.com e wikipedia

QUE É A LISTERIA?

Imaxe microscópica da bacteria /BALASUBR SWAMINATHAN (CDC)

Estes días estamos a seguir nos medios de comuniación un brote de listeriose producido en Andalucia producido polo consumo de carne mechada contaminada. Pero que é a listeriose? A listeriose é unha denominación xenérica dun grupo de enfermidades de orixe alimentaria causadas por distintas especies do xénero Listeria, sendo a L. monocytogenes a máis frecuente e característica.

A Listeria é unha bacteria que se adapta moi ben a diferentes ambientes, coloniza todo tipo de comidas e inxéniase para multiplicarse mesmo no interior da neveira. Por iso é unha das principais causantes de infeccións alimentarias en todo o mundo.

Na maioría dos casos, esa contaminación non provoca problemas de saúde graves e queda nunha leve gastroenterite. Pero noutros, sobre todo se os afectados son anciáns, mulleres embarazadas ou persoas con afeccións previas, as consecuencias da infección poden ser tráxicas.

Síntomas?

As persoas cunha  listeriosis invasiva adoitan desenvolver síntomas entre unha e catro semanas despois de inxerir algún produto contaminado. En mulleres embarazadas, estes signos poden non ser moi rechamantes e parecerse aos que habitualmente acompañan á gripe.

En cambio, en persoas maiores, a enfermidade, que pode provocar meninxite ou encefalitis, adoita mostrar outros signos, como dor de cabeza, rixidez no pescozo, confusión, perda de equilibrio e convulsións, á parte de febre e dores musculares.

Como evitala?

Para evitar contraer a infección, recoméndanse tres pautas sinxelas: lavar ben froitas e verduras, refrixerar adecuadamente os alimentos, non mesturar na neveira as hortalizas e as comidas xa elaboradas e nunca consumir lácteos e preparados que non fosen previamente pasteurizados.

Ademais, tamén recoméndase que produtos como o melón, que non adoitan consumirse enteiros dunha vez, mantéñanse refrixerados unha vez abertos.

FONTE: elmundo.es/salud

ESPAÑA VISTA DESDE O CEO (FIN)

A contestación correcta ao test con fotografías de cidades españolas tomadas desde as alturas ESPAÑA VISTA DESDE O CEO é Tui. Esta cidade está situada na comarca do Baixo Miño, na provincia de Pontevedra e na comunidade autónoma de Galicia. O detalle para identificar a fotografía é a súa famosa catedral (que xunto coa concatedral de Vigo, é unha das sedes episcopais da Diocese de Tui-Vigo) e o río Miño. Como curiosidade, esta catedral considérase catedral-fortaleza. Tui foi a capital dunha das sete provincias de Galicia até 1833.

Catedral de Tui

E con esto remato esta serie que espero que axudase e coñecer o noso país doutra maneira.

Ata outra serie!

FONTE: Idea orixinal verne.elpais.com e imaxe rutasdelaslenguas.com