CANTO SABES DA HISTORIA DA HUMANIDADE? XLI

Continúo coa serie adicada a historia da humanidade, na que determinados feitos, sucesos, acontecementos, guerras e demais cambiaron a situación xeopolítica, así como relacións entre distintos países e situacións actuais.

A contestación correcta á pregunta de onte é Margaret Hilda Thatcher. (Grantham, Inglaterra, 13 de outubro de 1925-Londres, 8 de abril de 2013), baroa Thatcher, foi unha política e estadista británica que exerceu como primeira ministra do Reino Unido desde 1979 a 1990, sendo a persoa nese cargo por maior tempo durante o século XX e a primeira muller que ocupou este posto no seu país. A súa firmeza para dirixir os asuntos de Estado, o seu estrito dominio sobre os ministros do seu gabinete e o seu forte política monetarista valéronlle o sobrenome de "a Dama de Ferro". 

E imos coa pregunta de hoxe!

41. Relaciona cada navegante ou explorador co continente no que actou...

- Roal Amundsen

- Álvaro de Amendaña

- Cristobal Colón

- Vasco de Gama

- David Livingstone

- Marco Polo

- Alonso de Ojeda

- James Cook

-  Diogo Cão

- Robert Peary

Mañá a solución e unha nova proposta!

FONTE: Idea orixinal play.howstuffworks.com/quiz, es.wikipedia.org e propia   Imaxe: es.wikipedia.org

TAL DÍA COMO HOXE: 2 DE SETEMBRO...

44 a.C. En Exipto, a faraona Cleopatra VII declara rexente ao seu fillo Tolomeo XV.

1667 En París instálase o primeiro sistema de iluminación pública.

1927 O astrónomo Karl Wilhelm Reinmuth descobre o asteroide Arabis (1087).

1944 A nena xudía Anna Frank (de 15 anos de idade) é enviada ao campo de concentración de Auschwitz, onde morrerá meses despois.

1970 A NASA anuncia a cancelación de dúas misións do Programa Apolo cara á Lúa, o Apolo 18 e o Apolo 19.

FONTE: hoyenlahistoria.com     Imaxes: es.wikipedia.org

DÍA D: 9 DE SETEMBRO

Ese día D, 9 de setembro, mercores, marca a saída do novo curso escolar 2026/2027.

Tal como di o DOG, as actividades lectivas nas ensinanzas de educación infantil, educación primaria, educación secundaria obrigatoria, bacharelato, primeiros cursos de ciclos formativos de grao básico, de grao medio e de grao superior da formación profesional, nos cursos de especialización e nas ensinanzas de réxime especial realizaranse desde este día: 9 de setembro de 2026.

Nos segundos cursos dos ciclos formativos de grao básico, grao medio e grao superior da formación profesional, as actividades lectivas realizaranse, tamén, desde o día 9 de setembro de 2026.

No caso das ensinanzas de réxime especial, poderá flexibilizarse o inicio das actividades lectivas tendo en conta as características e particularidades deste tipo de ensinanzas. En calquera caso, as actividades lectivas deberán ter comezado o día 16 de setembro de 2026.

No referente as Universidades, estas comezaran uns días antes o 7 de setembro de 2027.

No caso de A Guarda, o primeiro día de descanso será o 23 desetembro, festa local de Santa Trega.

O resto de vacacións serán:

– Desde o día 22 de decembro de 2026 ata o día 7 de xaneiro de 2027, ambos incluídos.

– Os días 8, 9 e 10 de febreiro de 2027.

– Do día 22 ao 29 de marzo de 2027, ambos incluídos.

- Día do Ensino, 7 de decembro de 2026.

- Un segundo día non lectivo, festa local, a determinar polo Concello. Se esta non coincide con día lectivo, os consellos escolares solicitarán ese segundo día non lectivo, argumentando razóns de tradición, costume ou conveniencia pedagóxica.

Bo curso a todos@todas!

O CEO DO MES: SETEMBRO 2026

Equinoccio de outono: a duración do día e a noite practicamente coinciden / astronomia.ign.es

4 se setembro: Cuarto Minguante

11 de setembro: Lúa Nova

18 de setembro: Cuarto Crecente

23 de setembro: Comeza o Outono ás 02 horas 05 minutos

26 de setembro: Lúa Chea

Chuvia de meteoros: Nada reseñable.

TAL DÍA COMO HOXE: 1 DE SETEMBRO...

5509 a.C. Data da creación do mundo segundo o Imperio bizantino, que dá inicio ao seu calendario.

1804 O astrónomo Karl Ludwig Harding descobre Juno, un dos máis grandes asteroides.

1939 A Alemaña Nazi invade Polonia, dando inicio á Segunda Guerra Mundial.

1962 A Unión Soviética lanza a sonda Sputnik 20 con destino a Venus; non logrará saír da órbita terrestre.

1972 En Reykjavík (Islandia) Bobby Fischer coróase campión mundial de xadrez ao derrotar ao soviético Boris Spassky.

1979 A sonda espacial Pioneer 11 sobrevoa Saturno a unha distancia mínima de 21 000 km.

2005 Sony Computer Entertainment lanza a PlayStation Portable (PSP)

FONTE: hoyenlahistoria.com     Imaxes: es.wikipedia.org e infobae.com

CANTO SABES DA HISTORIA DA HUMANIDADE? XL

Continúo coa serie adicada a historia da humanidade, na que determinados feitos, sucesos, acontecementos, guerras e demais cambiaron a situación xeopolítica, así como relacións entre distintos países e situacións actuais.

A contestación correcta á pregunta de onte é Do 30 de xaneiro de 2020 ata o 5 de maio de 2023. A pandemia de COVID-19, coñecida tamén como pandemia de coronavirus, foi unha pandemia derivada da enfermidade causada polo virus SARS-CoV-2. Inicialmente foi chamada pneumonía de Wuhan, posto que os primeiros casos foron identificados en decembro de 2019 na cidade chinesa de Wuhan, ao reportarse casos dun grupo de persoas enfermas cun tipo de pneumonía descoñecida. A maioría dos afectados tiña vinculación con traballadores do Mercado almacenista de mariscos de Huanan. A Organización Mundial da Saúde (OMS) declarouna unha emerxencia de saúde pública de importancia internacional o 30 de xaneiro de 2020, condición que mantivo ata o 5 de maio de 2023, cando a OMS decretou o fin da emerxencia sanitaria. Millóns de casos foron confirmados en máis de 200 países e territorios, co maior número de casos nos Estados Unidos, Brasil, India, Rusia, Suráfrica, Perú, México, Colombia, Chile, España, Irán e o Reino Unido. Máis de 13 millóns de persoas conseguiron recuperarse da doenza e máis dun millón morreron.

E imos coa pregunta de hoxe!

40. Quen foi a primeira muller en ocupar o cargo de primeira ministra da Gran Bretaña?

- Florence Nightingale

-Elizabeth Truss

- Margaret Thatcher

- Jane Austen

- Theresa May

Mañá a solución e unha nova proposta!

FONTE: Idea orixinal play.howstuffworks.com/quiz, es.wikipedia.org e propia   Imaxe: es.wikipedia.org

TAL DÍA COMO HOXE: 31 DE AGOSTO...

1217 En Castela, a raíña Berenguela cede o trono ao seu fillo Fernando III.

1839 En Oñate (Guipúscoa) o xeneral isabelino Baldomero Espartero e o xeneral carlista Rafael Maroto abrázanse ante os seus exércitos (Abrazo de Vergara), que pon fin á primeira guerra carlista (das tres guerras carlistas do século XIX) ou Guerra dos Sete Anos (1833-1840).

1897 Nos Estados Unidos, Thomas Edison patenta o kinetoscopio, o primeiro proxector de cine.

1927 Karl Wilhelm Reinmuth descobre o asteroide Amaryllis (1085).

1951 A empresa alemá Deutsche Grammophon presenta o primeiro elepé (disco de vinilo de longa duración).

1961 España retira as súas últimas tropas de Marrocos.

1990 A República Federal de Alemaña (de tendencia neoliberal) e a República Democrática Alemá (de tendencia socialista) asinan o Tratado da Unión.

1997 En París (Francia), Diana Spencer, princesa de Gales morre nun accidente de coche.

2003 Países Baixos convértese no primeiro país do mundo que distribúe haxix (un derivado da marihuana) en farmacias con fins terapéuticos.

FONTE: hoyenlahistoria.com     Imaxes: diariovasco.com, es.wikipedia.org, www.banderasvdk.com e tn.com.ar

Lanzado o telescopio ‘Nancy Grace Roman’

O telescopio espacial Nancy Grace Roman, a nova gran aposta da NASA para entender o universo, despegou con éxito onte, domingo ás 13.26, hora peninsular española, a bordo dun foguete Falcon Heavy de SpaceX desde o Centro Espacial Kennedy, en Florida. Minutos despois do lanzamento, o observatorio separouse do foguete e comezou a súa viaxe ata o seu destino: o punto de Lagrange L2, a 1,5 millóns de quilómetros da Terra, onde permanecerá en órbita durante polo menos cinco anos, ampliables a dez.

Cun espello principal de 2,4 metros (o mesmo tamaño que o do Hubble), a principal virtude de Roman non é ver máis lonxe que os seus predecesores, senón ver moito máis ancho: o seu campo de visión é polo menos cen veces maior que o do Hubble, o que lle permitirá fotografar nunha soa toma o que a este custaríalle cen imaxes distintas. Unha vez operativo, xerará ao redor de 500 terabytes de datos ao ano, máis do que o Hubble reuniu nos seus 35 anos de servizo.

Roman ten por diante dúas grandes tarefas. A primeira é guindar luz sobre dúas dos maiores enigmas da física: a materia escura, que compón o 85% da materia do universo, pero nunca foi observada directamente, e a enerxía escura, a forza responsable de que o universo se expanda cada vez máis rápido. Para iso, o telescopio cartografará máis de mil millóns de galaxias e miles de supernovas, cunha precisión ata dez veces maior que a lograda ata o de agora.

“Quizá haxa un premio Nobel grazas aos datos de Roman, por demostrar algo que explique a materia e a enerxía escuras dunha forma distinta a como pensamos agora”, dixo a española Begoña Vila, enxeñeira de sistemas no Centro Goddard da NASA e corresponsable das operacións do Sensor de Guiado Fino de Roman.

A segunda gran tarefa do novo telescopio é a caza de novos mundos. Roman utilizará tanto o método clásico de tránsito planetario como a técnica de microlente gravitacional, moito menos explotada ata o de agora, coa que se espera identificar ata 100.000 exoplanetas novos, unha cifra que multiplicaría por máis de quince o número de mundos confirmados ata a data.

Con todo, o descubrimento máis importante de Roman, insisten os seus responsables, é o que ninguén pode prever: os mellores achados dun observatorio novo non adoitan ser os que se buscaban. “Non temos nin a menor idea do que imos atopar”, recoñeceu Vanessa Bailey, científica do Jet Propulsion Laboratory (JPL), durante unha rolda de prensa previa ao lanzamento. “Como nunca vimos as partes do universo que imos observar con Roman, todos queremos atopar cousas que non esperamos, ou que non entendemos”, engade Vila.

O telescopio chega ao espazo despois dun proceso de construción e probas de varios anos no Centro Goddard da NASA, en Maryland, que finalizou con nove meses de adianto sobre o calendario previsto. Agora empeza a fase máis delicada: a viaxe ata L2 e a posta a piques dos seus instrumentos, antes de que a comunidade científica internacional poida empezar a explotar os seus datos. Todos os datos de Roman estarán dispoñibles para investigadores e estudantes, sen período de exclusividade por parte da NASA, como si ocorreu noutras ocasións.

FONTE: Patricia Fernández de Lis/elpais.com/ciencia e

Video: