vgomez

APHOPHIS é o nome grego do antigo deus exipcio Apep "o destructor", que habita na escuridade eterna do Duat (inframundo) e que cada noite intenta destruír ao So (o deus Ra).

Ese é o nome co que bautizou ao asteroide 99942, coñecido previamente como 2004 MN₄, e que ten unha órbita próxima á da Terra.

Segundo os datos da NASA, Apophis pasará, moi preto da Terra en 2029 e 2036, concretamente o 13 de abril. Calquera variación na súa traxectoria (por exemplo unha colisión con outro asteroide) podería encamiñalo definitivamente cara ao noso planeta, onde produciría un efecto superior ao de 40000 bombas atómicas.

Esto non é o guión dunha película, é unha posibilidade real e a NASA así o está considerando.

No seguinte vídeo podedes profundizar sobre esta realidade.

Publicáronse as listaxes de seleccionados/as e de suplentes para os programas de inmersión lingüística, verán 2009.

Hai prazo ata o 8 de maio para que os solicitantes, que así o desexen, formulen as pertinentes reclamación.

Se fostes, ulgún de vós, solicitante deste programa preme en axudasle  

Mañá, 6 de maio, os alumnos-as de 1º ESO visitardes a cidade de Ourense, grazas ao Proxecto Terra, do Colexio Oficial de Arquitectos de Galicia.

A cada un de vós entregarásevos unha pequena guía da cidade, así como diverso material. Estaredes acompañados por guías  e profesores que trataran de que coñezades os espazos máis emblemáticos desta cidade, a cidade das pontes sobre o río Miño.

Neste blog publiquei, alá polo mes de agosto, algúns artigos sobre esta cidade. Non estaria mal revisalos para que cando os guías fixeran referencia souperades de que vai o tema.

Se  así o consideras pincha en:

AS BURGAS

A PONTE

O SANTO CRISTO

Grupo dos 50 alumno-as e 3 profesores-as participantes na saída a Ourense

Pois estamos xa de volta de Ourense. Tivemos un fermoso día, eso si con moita calor. Tal como esta previsto, dúas guías acompañáronnos pola cidade. Escomenzamos na Alameda, visitamos as Burgas, a maior parte do casco vello, a Catedral, a Praza Maior e de volta a Alameda. Por certo, neste percorrido coincidimos coa celebración por esa zona do Correlinguas.

Collemos o autobús e fomos ao Polígono Industrial de Pereiro, onde visitamos unha fábrica de téxtil (Lonia SA) que fabrica para Carolina Herrera e Purificación García. Por certo as instalación con moita tecnoloxía.

Á volta cara Ourense, recorremos algún dos barrios máis significativos da cidade e pasamos por tres das moitas pontes que hai sobre o río Miño. Despois de deixar ás guías na estación do ferrocarril, dirixímonos ás térmas de Outariz, nas aforas de Ourense, á beira do Miño. Alí comemos e disfrutamos desas augas quentes, da paisaxe e do descanso da paraxe.

En torno ás 5 da tarde comenzamos o regreso. Un bo día en todos os aspectos.

Penso que é xusto agradecer ao Proxecto Terra do Colexio Oficial de Arquitectos de Galicia esta posibilidade que nos deu coa organización desta actividade.

Hoxe, todos os comentarios son sobre o fútbol e sobre o Barcelona. A verdade é que é un fito importante pasar a unha final, pero nunca chegando a situacións tan incribles.

O asunto foi que pasou, eso si, en tempos de desconto e con moitas connotacións durante o partido, pero pasou e eso é o que conta, e todos-as, aiída que non sexan deste equipo deberían de estar contentos que un cub español acade tal proeza.

A viñeta de faro de Vigo de hoxe, firmada por Luis Davila, trata sobre este tema.

¡Hai que tomar a vida e o deporte con máis calma!

Hai uns día estivestes en Ourense.  Entre outras cousas difrutastes das augas termais  e dos seus beneficios. Penso que deberiades de animar aos vosos pais a pasar un día nesa cidade: un paseo, unha comida e as augas. Ao fin é unha hora e cuarto e penso que merece a pena. Podedes facer de guías e pode ser ata un agasallo.

Para animalos poden ver este vídeo.

Dende o pasado venres e ata o próximo 18 de maio, están expostas as fotografías presentadas ao II Concurso de Fotografía A21EG.

Para elexir as 3 gañadoras, ao igual que o curso pasado, farase por votación (alumnado, profesorado, pais e persoal non docente), que se realizará o próximo xoves e venres nos recreos grandes e o xoves de 16 a 16,30 para os que non poidan pola mañá. A tal efecto habilitarase ao lado da exposición unha urna. Entre todos os participantes na votación sortearase un agasallo consistente nun pendrive.

Os gañadores do concuros recibirán un diploma acreditativo e unha cámara dixital, un MP4 e un MP3 respectivamente, que corresponden ao 1º, 2º e 3º clasificado.

A entrega de premios farase o luns 18 no recreo grande no Salón de Actos.

Hoxe, luns, ás 20.30 horas inaugúrase no Centro Cultural da Guarda unha exposición organizada pola Facultade de Bioloxía da Universidade de Vigo e ANABAM. A exposición leva por título “Expo-Animalia”,e poderá visitarse do 11 ó 23 de maio en horario de 10.00 a 13.00 h e de 17.00 a 20.00 h os días laborables e de 10.00 a 13.00 horas os sábados.

Nesta exposición preténdese levar fóra das paredes da Facultade unha mostra da biodiversidade animal a través dunha colección (aínda que pequena) da Facultade de Bioloxía (Zooloxía). Moitas das especies desta colección foron recollidas en Galicia, pero parte delas proceden de puntos tan distantes como a Antártida, de expedicións realizadas pola costa Africana, ou de distintos países de América do Sur, grazas ao labor realizado polos distintos integrantes da área de Zooloxía e a persoas anónimas interesadas na vida animal que doaron parte do material exposto.

¡Merece a pena vela!

Mañá, 12 de maio, oa alumnos da A21EG, Teatro e Ponte nas Ondas, realizaran unha excursión á Melgaço (Potugal).

Melgaço é unha vila poortuguesa no Distrito de Viana do Castelo, rexión Norte e subrexión do Miño-Lima, con preto de 1300 habitantes. O Municipio conta con 9996 habitantes distribuidos en 18 freguesías e con 239,04 km². Limita ao norte e ao leste con España, ao suroeste co municipio de arcos de Valdevez, e ao oeste con Monçao. 

Pola mañá estaremos en Pota de Lamas de Moro (no Parque Nacional Peneda-Xeres) e á tardiña baixaremos xa á Pousada da Xuventude en Megaço.

O día 13, xoves visitaremos Melgaço e sobre as 4  da tarde iniciaremos o retorno.

Se queres coñecer algo máis sobre Melgaço pincha en Melgaço

¡Que o tempo nos acompañe e que sea proveitosa esta saída!

Guía informándonos sobre unha mámoa descuberta.

Xa estamos de volta. Foron dous dían intensos, pero penso que merecue a pena. O relato da viaxe foi o seguinte:

DÍA 12 (Martes): Saímos sobre as 8,30. Un día feo, escuro e chuvioso, tanto que non puidemos parar en Salvaterra (parada "técnica") e fíxemolo en Monçao, cando amainou un chisco. De seguido directos á Porta de Lamas de Mouro, no Parque Nacional Peneda-Gerês, onde visitámos as instalación, e debido a chuvia persistente , as actividades (todas elas relacionadas coa temática do Ordeamento do Territorio) foron en instalacións a cuberto. E seguía a chuvia, polo que nos desprazamos a Castro Leboreiro, onde nos recibiron cos brazos abertos. A freguesía facilitounos un local (Centro Cívico), con calefacción, para comer. A tarde volvía pintar mal e decidiron os guías ir a altitudes máis baixas, e foi positivo pois parou de chover. Visitamos unha mámoa e unha branda (alí os habitantes teñen dúas casas para levar o gando, unha para o inverno a altitudes baixas e outra para o verán, estas últimas son as brandas). Despois visitamos A Peneda (coa súa igrexa situada baixo un espectacular penedo rochoso), e camiño cara a Melgaço. Alí  na Pousada da Xuventude foi onde nos aloxamos (unhas instalacións óptimas e un bo trato). Así rematou o primeiro día. Bueno, a noite foi longa ...

DÍA 13 (Mércores): O día comenzou moi pronto, para moito antes, e adaptarse á hora  era un problema (unha hora menos en Portugal). Despois dun bo pequeno almorzo e de recoller as nosas habitacións saímos camiñando ata o centro de Melgaço (20 min). Na Camara municipal escomenzamos a visita : Espazo Memoria e Fronteira (museo relacionado co contrabando e a emigración), ruínas arquelóxicas da Praza da República (que puxeron ao descuberto un foso da antigua muralla e elementos da fortificación), o museo do cinema  Jean Loup Passek (un espazo para revivir as memorias do cine) e a Torre Menagem (do século XIII, clasificada como Monumento Nacional). Despois tivemos unha hora de lecer libre e toca a comer. Unha hora de descando ata a chegada do autobús (16 horas) e o regreso.

Despois de case dúas horas, incluído unha "parada técnica" en Vilanoa de Cerveira, chegamos ás 17,50 horas ao IES.

Un agradecemento ao PROXECTO TERRA  que financiou (salvo o autocar) todos os gastos, ao persoal da Camara de Melgaço, ao persoal da Pousada da Xuventude, A freguesía de Castro Leboreiro, ao persoal do Parque N.P.G. e aos guías e outras persoas que fixeron posible esta actividade.

Xa comentei días atrás que ata o próximo 23 de maio está no Centro Cultural unha interesante exposición denominada "EXPOANIMALIA". Para que teñades unha idea do seu contido aquí temos unha mostra: (Imaxes tomadas de www.galiciasuroeste.info)

Esta fin de semana sería un bo día para ir (pola tade do venres de 17:00 a 20:0e o sábado 10:00 a 13:00 horas), aínda que queda a proxima semana pola tarde.

Por certo hai un concurso para os visitantes e agasallos. Só hai que contestar a unhas pequenas preguntas. Interésache? Pois pincha en EXPOANIMALIA.

Foto gañadora

Na votación de toda a comunidade educativa do IES, celebrada entre os días 14 e 15 do presente mes, para elexir os gañadores do II CONCURSO DE FOTOGRAFÍA A21EG, amosou os seguintes resultados:

1º PREMIO para a alumna de 2º de bacharelato C, Miriam Carrera Fernández, que levará un diploma e unha cámara fotográfica.

2º PREMIO para a alumna de bacharelato D, Sara Cabral Portela, que levará un diploma e un MP4.

3º PREMIO para a alumna de 2º de bacharelato C, Mélodi Rodríguez Lomba, que levara un diploma e un MP3.

A entrega de premios realizarase o próximo luns 18, ás 12 horas no Salón de actos do IES. Entre todos os votantes da elección sortearase, ao final do mesmo, un pen drive.

Este ano a RAG (Real Academia Galega) adícalle o día das letras Galegas 2009 ao escritor, ensaista e traductor  Ramón Piñeiro López. Entre os motivos para tal elección destacan a "dedicación total e desenteresada  da súa vida en defensa de Galicia  e a súa cultura, sendo unha referencia moral indiscutible e necesaria para as novas xeracións".

Naceu en Armea-Lama-Láncara (Lugo) o 31 de maio de 1915. Estudou bacaharelato en Lugo, aínda que nalgún momento traballou en Sarria. En 1931  asiste a un mitin de Lois Peña Novo que esperta nel o interese pola cultura e a política. Participou na fundación das mocidades do Partido Galeguista, sendo nomeado secretario de cultura. En 1934 participou nun mitin celebrado na praza da Quintana o 25 de xullo e, en 1936, chega a ser elixido secretario do comité provincial para o plebiscito do Estatuto de Autonomía de Galicia. Tralo alzamento militar de xullo de 1936, viuse obrigado a loitar na guerra civil no bando nacional. Rematada a contienda, comezou a estudar Filosofía e Letras na Universidade de Santiago. Dende 1943 participa na reorganización clandestina do Partido Galeguista. Detido en abril de 1946 permaneceu tres anos na cadea, malia se condenado a seis. Ao saír do cárcere, establécese en Santiago, defendendo a loita cultural fronte á loita armada e política. Interviu activamente na auto disolución do Partido Galeguista e en 1950 foi o adaíl do grupo que fundou a Editorial Galaxia (da que foi o primeiro director literario), que en pleno franquismo comezou a publicar libros en galego e sobre asuntos relacionados con Galicia.Xa na democracia, formou parte do 1º parlamento autonómico, entre 1981 e 1985, como independiente, dentro das listas do PSdG-PSOE pola provincia de A Coruña. Desta etapa compre destacar o seu labor de ponente da Lei de Normalización Lingüística. En 1998 entra na Real Academia Galega. Dende 1983 viña desempeñando o cargo de 1º presidente do Consello da Cultura Galega, ata a súa morte, o 27 de agosto de 1990.

A súa obra non é abundante, toda ela baixo a temática da "filosofía da saudade". Publicou artigos na revista GRIAL, onde asinaba co pseudónimo de Luis Veiga do Campo, así como colarboracións en obras colectivas e proemios de moitos libros.

• Siñificado metafísico da saudade (Colección Grial, 1951)
• A saudade en Rosalía (Galaxia, 1952)
• A lingua, sangue do espíritu (Galicia, Bos Aires, 1952)
• Pra unha filosofía da saudade (Galaxia, 1953)
• A filosofía i o home (Grial, 1963)
• A lingoaxe i as língoas (Galaxia, 1967; reed. facs. Consello da Cultura Galega, 1994)
• Olladas no futuro (Galaxia, 1974⁾
• Lembrando a Castelao (SEPT, 1975)
• Vicisitudes históricas da cultura galega (Ediciós do Castro, 1975)
• Saudade e sociedade, dimensións do home (1975)
• Filosofía da saudade (Galaxia, 1984)
• Castelao político (Anthropos, Barcelona, 1986)
• Cartas para os amigos (El Correo Gallego, 1992)
• Un epistolario de Ramón Piñeiro (Galaxia, 2000)
• Galicia (Galaxia, 2001)
• Da miña acordanza. Memorias (Galaxia, 2002)

Compre destacar tamén o seu traballo como traductor.

Ata aqui o comemorativo, pero e o significado? Todos os que foron agasallados co Día das Letras Galegas, foron homes e mulleres que fixeron moito pola nosa cultura e polo noso idioma: O GALEGO. E ti? É unha boa pregunta e merece tamén unha boa reflexión. Eu anímote a que comences unha campaña propia en defensa do noso idioma. Como? Pois con toda normalidade, sen vergonza: falándoo.

Foto: NASA/THIERRY LEGAUT

Impresionante. Esta imaxe foi captada dende a Terra a semana pasada, co Sol ao  fondo.

Trátase do transbordador  espacial "Atlantis". Esta nave estivo realizando traballos de mantemento e mellora no telescopio espacial "Hubble". Como dato a nave mide 37 me de longo, 24 m de envergadura, e aínda así é unha miniatura na fotografía,  orbita a 560 km de altura e a unha velocidade 28000 km/h sobre a superficie da Terra.

Estes días, dentro do tema da luz, estamos tratando un órgano moi importante: O OLLO.         O presente video pode servir de repaso sobre o apartado da visión.

Espero que sexa útil!

IDA é o mome que os científicos puxéronlle a este primitivo prosimio atopado en  Alemania e que foi dado a coñecer na revista PLoS ONE. Segundo a mesma trátase do ancestro máis primitivo dos humanos e todos os primates modernos ata agora descubertos. 

O cusioso da noticia é que xa fora descuberto en 1983 por coleccionistas privados que o foron vendendo en partes. Finalmente, despois de ser recuperados os restos, iniciouse a restauración, rematada agora.

Tratase dunha femia xove que comía froitas, sementes e follas (herbívora ). Era  un prosimio relacionado cos antropoides, similar aos lémures da actualidade (primate que vive en Madagascar) e vivíu  hai 47 millóns de años en Grube Messel, preto de Darmstadt (Alemania).

Imaxe da auga xeada no Polo Norte de Marte (Foto: ESA)

A revista "Nature" acaba de publicar un traballo, no que se dá resposta a unha incógnita sobre a auga que deu forma ao astro máis próximo á Terra. Se a temperatura de Marte está entre -87 e -46 ºC, como pode haber auga líquida en lugar de xeo?

A auga que nun pasado correu pola codia dese planeta era líquida e non se conxelou, aínda que estivese a moitos ºC baixo cero porque estaba disolta nunha solución de minerais que a mantiñan neste estado.

Esta explicación é a dada por un grupo de investigadores españois que atoparon un modelo da composición dese fuído que puido crear os cauces, lagos e vales que foron captados polas cámaras das sondas enviadas a Marte. É máis, apuntan que aínda podería existir  esa auga líquida.

Haberá que esperar para ver se é así!

Fixéronse públicas as listaxes definitivas de alumnado para estadías  de aprendizaxe  de idiomas en Francia, Inglaterra, Irlanda e Canada durante o verán 2009.

Se estás na situación de posible bolsa pincha en INMERSIÓN 2009

Así mesmo fixéronse publicas as lisaxes de propostas de selección pola comunidade autónoma para participar na actividade de Aulas da Natureza no ano 2009.

Se tes feita a solicitude pincha en AULAS NATUREZA 2009

A litosfera (capa máis externa da xeosfera, composta pola códia terrestre e a parte máis externa do manto) non é continua, senón que está fragmentada nuns anacos xigantescos que se chaman placas tectónicas ou placas litosféricas .

Estas placas están dispostas como as pezas sun crebacabezas. A maioría delas comprenden unha parte oceánica e outra continental. Outras só se estenden polos fondos oceánicos.

Neste vídeo podedes completar o tratado en clase sobre  as placas tectónicas, así como a súa evolución.

Espero que sexa útil!

Viñeta de Davila, do xornal Faro de Vigo (27/05/2009)

Onte foi un gran día para o Barcelona: A copa da Champions. A ela hai que sumar a Copa e a Liga. A viñeta de Dávila fai referencia precisamente a ese triplete.

Que o disfruten!

Á praia da AERA GRANDE foille concedida unha BANDEIRA AZUL para este verán. Foi unha das 124 que levou Galicia, das 493 praias e 78 portos que levou o conxunto de España.

As bandeiras azuis concédeas un xurado internacional formado por representantes do Programa de Nacións para o Medio Ambiente, da Organización Mundial do Turismo, da Asociación Internacional de Salvamento e Socorrismo, e de varias organizacións dedicadas á conservación e protección da natureza.

As bandeiras azuis son un selo ambiental internacional que certifica o cumprimento de criterios de calidade como a accesibilidade, a salubridade das augas, a información ambiental aos usuarios ou o respecto á lexislación.

Estas son as características desta praia (Datos tomados da páxina web do Concello):

Praia Area Grande

Latitude: 41° 54’ 36.28’’ N Lonxitude: 8° 52’ 25.42’’ W

Praia bañada polo oceáno Atlántico, a escasa distancia do centro urbano o que facilita o acceso a pé dos bañistas atraídos pola sona e as propiedades beneficiosas das súas augas iodadas, ideais para mellorar das enfermidades reumáticas e dermatolóxicas. Para todos aqueles que o necesiten dispón de transporte urbano e diversos servizos hostaleiros, así mesmo pódese tomar como punto de partida dun agradable paseo cara o porto da Guarda seguindo a liña da costa

SERVIZOS:

ACCESO:
Está situada saíndo da Guarda en dirección a Baiona, pola PO-552, aproximadamente a 400 metros cóllese un desvío á esquerda que leva ata a praia.

ACCESIBILIDADES:
Coche, peonil ou transporte urbano (autobús).

CARACTERÍSTICAS:

Podemos felicitarnos e é unha mágoa que a praia maritimo-fluvial do Muíño non recebira tal galardón. Hai que seguir traballando para conseguila. Esperemos que o próximo ano reciban este selo de calidade as dúas.

A Agrupación Cultural Guardesa adicalle este ano o Día das Letras Galegas a AGUSTÍN FERREIRALORENZO, coñecido de todos vós polas actividades de medio ambiente en ANABAM e como profesor dunha academia de ensino, á que seguro que moitos de vós asististes nalgún momento.

Os actos de homenaxe celebranse hoxe, 29 de maio, no Centro Cultural, a partir das 21 horas.

Estades todos e todas invitados!

Un fragmento do meteorito que caeu no lago Tagish de Canadá (Foto: NASA)

Na Conferencia da Unión Geofísica Americana (celebrada entre o 24 e 27 deste mes de maio en Toronto-Canadá), un equipo de investigadores da Universidade de Alberta, fixeron público que detectaron ácido fórmico, un dos ingredentes que se considera fundamental no "caldo primordial" do que xurdíu a vida, nun meteorito que caeu no lago Tagish de Canada, ala polo ano 2000.

As mostra do meteorito, obxecto de estudo, foron sometidas a análises profundas, dos que se desprenden que o ácido fórmico (tamén chamado ácido metanoico, que é un ácido orgánico dun só átomo de carbono, sendo o ácido máis simple dos ácidos orgánicos:  H-COOH (CH₂O₂)), atopabase en cantidades que baten récords neste campo de estudo.

Algúns científicos consideran posible que os ingredientes fundamentais da vida puidieron chegar ao noso planeta dende o espazo, traídas por meteoritos ou cometas.

Cada 31 de maio, a OMS (Organización mundial da saude) organiza o DÍA MUNDIAL SEN TABACO, unha iniciativa que ten por obxecto recordar os prexuizos que acarrea o tabaco para a socidade (non só para os fumadores), un dos problemas máis graves de saúde pública.

O tabaco é sinónimo de morte. Pensao antes de acender un cigarro!